A.Alsherbini

A.Alsherbini Contact information, map and directions, contact form, opening hours, services, ratings, photos, videos and announcements from A.Alsherbini, Ghernatah, Jeddah.

Artist || Full-time Mom
Baking Art & Crafting Home Decor.
وصفات وافكار سهلة وسريعة
محبة للخميرة الطبيعية "راكزة" وبعمل وصفات المخبوزات كلها بيها
🇪🇬|📍🇸🇦
Making sourdough recipes sounds easy🥖✨ #لاأبرحُ

Pancakes with sourdough discard ✨بانكيك بهادر/متبقي الخميرة الطبيعية ✨من اسرع والذ واخف وافيد الوصفات للكبار والصغار ومش...
06/09/2026

Pancakes with sourdough discard ✨بانكيك بهادر/متبقي الخميرة الطبيعية ✨
من اسرع والذ واخف وافيد الوصفات للكبار والصغار ومشبعة جداا حتى ابني حبها جدا

المقادير:
50ج هادر الخميرة
20ج دقيق سميد
بيضة
م ص عسل او دبس تمر
رشة قرفة
رشة بيكنج صودا
رشة بيكنج بودر
رشة ملح

*المكون السحري هو البيكنج صودا بفكر اعمل فيديو او بوست اشرح فيه طريقة تفاعله مع الخمير الطبيعية بيضيع طعم الحموضة فيها تمامااا
المهم الطريقة بسيطة جدا بحط كل المكونات مع بعض حسب قوام الهادر لو تقيل ممكن اخفف بماية زيادة او حليب لو العكس ممكن ازود دقيق عادي او دقيق سميد،
بقلب المكونات فبعض كويس جدا بعد كدا برش رشة زيت او سمنة او اي حاجة براحتكم على طاسة وزي الpost بنزل كمية بسيطة من الوصفة اسيبها دقيقة او حاجة واقلبها واشيلها مابتاخدش وقت وحقيقي طعمها جميل جدااا جربوها وقولولي
وتبقى رااائعة للولاد كمان فاللانش بوكس 🫶🏼

⁨ كريم كراميل بادنج | cream caramel pudding🍮المقادير: ½ كوب سكر (لكراميل القالب) 130ج توست ساور دو (بدون حواف، مفتت) ½2 ...
02/09/2026

⁨ كريم كراميل بادنج | cream caramel pudding🍮

المقادير:
½ كوب سكر (لكراميل القالب)
130ج توست ساور دو (بدون حواف، مفتت)
½2 كوب حليب دافي
3 بيضات + فانيليا
½ كوب سكر
الطريقة:
- في الخلاط: نضرب البيض، السكر، الفانيليا، والحليب والتوست لحد ما ينعم تماماً.
- نكرمل ½ كوب سكر وننزل بيه في قالب الفرن.
- نصب الخليط في القالب فوق الكراميل بعد تصفيته او بالمصفى، ونحطه جوة صينية فيها مية مغلية (حمام ماية).
- نخبزه في فرن سخن على 170-180° لمدة 45-60 دقيقة لحد ما يتماسك.
- نبرده تماماً، وعلى الثلاجة ساعتين اقل حاجة قبل القلب والتقديم

انا حبيت استغل بواقي التوست فالوصفة دي طعمة لذيذ الاطفال هتحبه ومشبع قوامه اتقل من الكريم كراميل العادي وطعمه كمان مختلف شوية ممكن تزودوا بيض وتقللوا كمية العيش لو عايزين الطعم اقرب اكتر للكريم كراميل

⁩

انا من محبيين الشيش طاووق المشوي على الفحم لكن الوصفة دي ممكن تعملوها بأي طريقة ممكن فالفرن عادي او الايرفراير لان التتب...
30/08/2026

انا من محبيين الشيش طاووق المشوي على الفحم لكن الوصفة دي ممكن تعملوها بأي طريقة ممكن فالفرن عادي او الايرفراير لان التتبيلة بجد بما تجربوها هتعرفوا قد ايه بتفرق فالطعم

المقادير :
- 900 ج صدور دجاج مقطع قطع متوسطة
- ربع موب زيت زيتون او اي مادة دهنية
- عصير ليمونة
- 2 م كبيرة لبن رايب او زبادي او ممكن حليب عادي
- التوابل (ملح، فلفل اسود، كمون، هيل مطحون، زعتر، بابريكا، ريحان)
- طماطم وبصل وتوم مبشورين او مفرومين

بنقلب كل المقادير فبعض ونضيف مكعبات الفراخ ونسيبها فالخليط نص ساعة اقل حاجة

الصوص دا مابيترميش حتى لو مش هتعملوا حاجة بيه حالا ممكن تحطوه فكيس محكم جداا وفالفريزر

البهريز او الصوص اللي طلع من تتبيلة الشيش بحطه فحله عليه صلصة طماطم وماية وملح وفلفل اسود وبضيف المكرونة ولو هعملها بالرز بضيف بشر جزر ومابحطش الصلصة

المكرونة كان طعمها خطييير بجد وحتى لما بعمل بيها الرز بيبقى خطير بردو

جربوا الوصفة وهستنى رأيكم 🫶🏼🫶🏼✨

27/08/2026

Smashed burger with sourdough buns | برجر بيتي مع كيزر بالخميرة الطبيعية او الساوردو

المقادير للبرجر :
-500ج لحم مفروم ناعم
-توابل (ملح ،فلفل اسود ، بابريكا ، توم وبصل باودر
-معلقة كبيرة سمنة او زيت زيتون او ميكس (حسب نسبة الدهون فاللحمة)

الطريقة :
-نخلط التوابل مع المادة الدهنية (زيت او سمنة) ونضيف اللحمة وندعكها ف الخلطة كويس نكورها كل قطعة تقريبا فحدود ٧٠- ٩٠ جرام بيعملوا ٩-٧ قطع حسب الوزن نكورهم وممكن نسويهم بس انا بحب اسيبهم اقل حاجة نص ساعة فالتلاجة يتشربوا الخلطة
-نسخن طاسة على حرارة عالية نحط القطعة ونضغطها بكباية او مكبس برجر وبعدين نسيبها على كل جهة ٣-٥ دقايق بالكتير عشان ماتنشفش وتفضل juicy
-بتضيفوا اللي تحبوه على الbuns مع البرجر

🔻وصفة العيش الكيزر موجود ففيدوهات قبل كدا ابيض وميكس حبة كاملة وبألف هنا على قلبكم 🫶🏼

#ساوردو ⁩

24/08/2026

احلى واجمل نعمة هيا الاهل والحبايب والاصدقاء بجد نعمة انك تكون محاط بناس بتحبهم دي حاجة كبييييرة جدا مايدركهاش غير اللي بعيد عنهم اكان غربة بقى او حتى حد وحيد او اهله مش كويسين او ماعندوش اصدقاء ف إن ربنا يرزقك بالرزق دا نعمة كبيييرة تحتاج الحمد فكل لحظة .. ربنا يديم علينا جميعا اهلنا واحبابنا ويجمعنا بيهم على خير ..

المهم بقى إيه رايكم فالبيت ا انا عملت يومها بيتزا رانش بالميكس جبن حاجة كدا وووهم 😋
تفتكروا مفروض انزل الوصفة ؟ 🤔

#ساوردو

18/08/2026

عيش فينو الافران بالحبة الكاملة (البر)والعسل الاسود

المقادير: 
250ج دقيق بر (كامل الحبة)
100ج دقيق عالي البروتين
140ج خميرة طبيعية (نشيطة)
50ج زبادي (حوالي معلقتين كبار - أو حليب دافي) 
140 لـ 160ج ماية دافية (بنضيف بالتدريج)
30ج عسل أسود (معلقة كبيرة ونص)   
25ج زيت زيتون 
7ج ملح 
الخطوات بالتفصيل : 
- نخلط الماية والخميرة والزبادي والدقيق كله ونغطيهم 40 دقيقة.
- بعد كدا نرش ماية ونضيف الملح والعسل الأسود وزيت الزيتون ونبدأ نعجن لحد ما العجينة تبقى مطاطية ناعمة وتتلم معانا.
- التخمير الأول: نعمل 3 جولات (coil & Fold) بين كل جولة والثانية 30 دقيقة، ونسبها تكمل تخمير لحد ما يزيد حجمها او ندخلها ليلة التلاجة
- التشكيل نقسم العجينة لـ 6 أو 8 قطع متساوية، نفرد كل قطعة مستطيل ونلفها رول ونقفل الأطراف ونرولها على الكاونتر بعد التشكيل
- التخمير الثاني: نرصهم في صاج عليه ورق زبدة او شيت سيليكون ونرشهم ماية وردة او سمسم او حبة البركة نغطيهم بفوطة ونسبهم يتضاعف حجمهم من ساعة ونص لـ 3 ساعات
- الخبز: فرن متسخن على 200- 220 مع صينية ماية مغلية تحت للبخار نبخ المخبوزات بماية خفيفة قبل الخبز، وندخلهم 15-20 دقيقة.
🔻أول ما يخرج من الفرن بخة ماية خفيفة ونغطيه بفوطة 10 دقائق وبس كدا جربوا الوصفة وقولولي رأيكم🫶🏼

#ساوردو

15/08/2026

سافرت وسيبت جزء من خميرة الطبيعية "الساوردو" لمدة شهر ونص وكنت خايفة ارجع الاقيها باظت رغم ان كنت مسافرة بجزء منها تحفظا 😅 .. وفاجئتني ماشاء الله إنها مااحتاجتش اكتر من تغذية مرة واحدة بس وسيبتها برا التلاجة بدرجة حرارة الغرفة لمدة ١٢ ساعة والحمدلله تفاعلت من اول تغذية ..
ف مهما كان شكل الخميرة طول ما مافيش عفن غذوها واصبروا عليها بجد وهتتعافل وماتيأسوش وترموها ..
انا جربت اغذيها وجربت اخد جزء منها واحط من الخميرة اللي كنت مسافرة بيها وبغذيها باستمرار ماشاء الله الاتنين كانوا بنفس التفاعل مافيش فرق ..
قولولي بقى جربتوا تسيبوا خميرتكم فترة ؟؟🤔

07/08/2026

⁨ تجربة ساوردو للمبتدئين بنسبة ترطيب 65% وشق "تشريط" مع تغطية✨🌾

اتكلمت فالبوست الاول عن التفاصيل البسيطة اللي بتفرق في نجاح رغيف الساوردو وتباعاً عملت معاه تجربة لرغيف تاني بشق بس بتغطية الغلطة اني كان مفروض اعمل الشق بعد مدة اطول من الرغيف اللي بدون تغطية ودا بديهي بس بتحصل ف ماتغلطوش غلطتي…
ومن المرة اللي فاتت شايفة ان دا ماكنتش ليه اهمية كبيرة او فارق كبير الصراحة والاسهل نعمله قبل ماندخل الرغيف الفرن وخلاص
جربت الطريقة دي على رغيفين (واحد متغطي والتاني من غير تغطية)،
قولولي بقى إيه أكتر فكرة أو تكنيك جربتوه في الساوردو وفرق معاكم جداً في النتيجة؟🤔
وهل لو جربتوا الطريقة دي هتعملوها بتغطية ولا من من غير

المقادير :
- دقيق ابيض عالي البروتين 350 ج
- ماية 227 ج
- خميرة نشطة 70 ج
- ملح 7 ج
*الطريقة موجودة فكذا فيديو على الاكونت بالتفصيل*

#ساوردو ⁩

Address

Ghernatah
Jeddah

Website

Alerts

Be the first to know and let us send you an email when A.Alsherbini posts news and promotions. Your email address will not be used for any other purpose, and you can unsubscribe at any time.

Shortcuts

Share