روايه ومعلومه

23/05/2026

19/04/2026

غلق مضيق هرمز بالكامل | الدنيا هتـ.ـولع تاني !!!!

للاسف قلتلكم الجملة دي ١٠٠ مرة قبل كدا وهفضل اقولها .. مشكلة ترامب انه مش عارف بيتعامل مع مين ؟!!!

مازال عايش لسه وسط فقاعة الجيش الأعظم في الكون .. وأسطورة الجيش الذي لا يُهـزَم !

بعد إعلان إيران فتح مضيق هرمز بالكامل .. ترامب ساعتها صدق نفسه وحب يخرج بانتصارات شكلية كتييير قدام شعبه ..

فأطلق تصريحات عبيـ..ـطة زيه ..

يعني مبدئيًا قالك لبنان غير مشمولة بالهدنة ..

اومال يا روح امـ..ـك انت فاكر ليه إيران أصلًا أعلنت فتح المضيق يا أهبـ..ـل ؟!
ماهو علشان انت قلت ان اسراىـيل لن تضرب لبنان بعد ذلك !

تقوم اول ما ايران تعلن فتح المضيق تقول ان لبنان غير مشمولة ؟!
انت أهبـ.ـل يابني ؟!!

طبعًا زي ما قلتلكم امبارح في المقال .. دا مش عبـ.ـط من ترامب ولا حاجة .. بس الكورة اترمت في ملعب اللوبي الصهـ.ـيونـي .. هو اللي كان هيكمّل الهدنة سواء بالموافقة او الرفض !

وللاسف الرد ظهر امبارح .. لما اسراىـيل بعد إعلان الهدنة مع حكومة لبنان .. قامت كاسرة الهدنة دي وضربت مناطق كتير في جنوب لبنان ..

فكدا الرد وااااضح جدًا من اللوبي الصهـ.ـيوني ومن النتـن .. محدش ليه دخل بلبنان .. خرّجوا لبنان برا اتفاقاتكم. ..

علشان كدا ترامب فهم الرسالة وخرج بالتصريح بتاع لبنان غير مشمولة بالهدنة ..

شخص عويـل وكـ.ـذاب ودميـة في ايد النتـن واللوبي ..

بالاضافة لإن ترامب حب يظهر بمظهر المنتصر بزيادة
فقال ان الحصار البحري هيستمر لموانئ ايران حتى بعد فتح المضيق !

وهنا طبعًا كان لازم ايران تتدخل وتقول لترامب فوووق .. انت اللي ترجيتنا من أجل فتح المضيق ..

وبالفعل أعلنت إيران عن عودة غلق المضيق بالكامل !

ترامب علشان الأسعار متزيدش بسرعة تاني طلع قال ان في مفاوضات تم تحديد موعدها بين واشنطن وطهران ..

لكن نائب رئيس البرلمان الايراني طلع علشان يفسد خطط ترامب، وقال بكل صراحة لم يتم تحديد أي موعد للمفاوضات وايران لم توافق حتى الان على إجراء أي جولات للمفاوضات ..

ودا هيعلّي أسعار النفط مرة تانية .. الحرب المؤثرة حاليًا هي اقتصادية اكثر منها عسكرية ..

اللي هو مادام انت عيّل كدا وملكش كلمة يا ترامب فـ قابل بقى !
وبعدها طلع نائب الرئيس الايراني " محمد رضا عارف " صرح وقال :

( سياسات ترامب ليست سوى مزيج من الأوهام والخطابات المتناقضة وتغريداته لا قيمة لها، .. ردنا ليس بالكلمات بل في "عظمة الميدان" .. نحن حذرناهم من قبل .. )

وعلشان اللي هيحاول يقنعك ان ايران أغلقت المضيق علشان الحصار البحري فقط ..
فحابب اقولك ان ايران وسط الحصار البحري دا مررت اكتر من ١١ مليون برميل نفط ..
يعني عدد اكبر من اللي مر قبل الحصار البحري اصلًا !
فاللي هيحاول يشككك .. حط البوست دا في عـ..ـيـ..ـنه !

المهم ان الامور رجعت تتأزم مرة تانية !

ومتابع معاكم بإذن الله كل جديد ❤️

عينكم دائمًا على الحقيقة .. " هالووين " 🥷

07/01/2026

تحية خاصة لأحدث المتابعين لي! يسرني انضمامك!

Abo Amr, ولد بلادي, Çeemo Alghryani, Mohamed Elessawy, محمد معتوق