03/07/2022
مساء الخير
.
.
اولاً : تعريفه
العدل عملية خياطة بتعملها المر الوالدة بعد الولادة مباشرة او بعدها بفترة قصيرة بغرض تضييق فتحة المهبل.
الهدف منه:
من اجل امتاع الزوج (عشان الراجل مابحب المرة الموسعه حسب الفهم السائد اللي تم تلقينه) ف عشان راجلها يلقاه ضيق يعز روحه ..
للتقريب (ختان من أول وجديد) يخوانا
والعملية دي بتتكرر مع كل ولادة ف التشوهات بتزداد (اتخيلو خياطة كل ولاده ) .
يلا الموضوع دا طلس في طلس في طلس
ماف اي ضيق في الموضوع الفتحة بتاعت المهبل الخارجية دي بخيطوها ف بحصل شعور ضيق .. لكن العضلة جوة زي ما هي وما بتتهبش ومابجيها اي شي
يعني الضيق خارجي .
الصدمة التانية
ماف مهبل ضيق ومهبل واسع .. في عضلة مهبل مرتخية وعضلة مهبل مشدودة
المهبل دا عضلة زيو وزي اي عضلة في جسم الانسان بتحتاج رياضة .. والرياضة المختصة بالمنطقة دي اسمها
(تمارين كيجل) دي الحل الوحيد والنافذ والفعّال
فتشو عنها ف اليوتيوب بتلقوها .
اسمها منطقة حساسه ما تتعاملي معاها بالعنف دا ..
حنك طبشيرة وعفصة وبتاع ..
دي كلها حاجات قد تسمم ليك المنطقة دي لقدام وتعمل ليك مشاكل.
الليزر دا ذاتو ما كويس نسبة للاشعاعات البتدخل جوا جسدك ..وانه مؤقت الاثر.
تحري صحتك وسلامتك واشتري نفسك قبل اي شي
.
معاً من أجل حياة جنسية سليمة
❤️❤️❤️
