21/03/2024
سرفكو علامة مسجلة
الام دائماً بتقول جناي قطعة من كبدي ، يعني سبحان الله الكبد دي في جسم الإنسان قد تكون اهم من القلب لانها بترجم كل مشاكل الجسم ، جبت السيرة دي لانه الأبناء بالنسبة للام اهم شي وعارفين انه الام الشخص الوحيد في الدنيا البحبك وبخاف عليك من غير اي مصلحة ومهما تعمل وتجتهد عشان تحب امك ذي ما هي بتحبك وبتخاف عليك بتلاقي نفسك ما بتصل ولا عشرة في المئة عشان كدا برها بدخلك الجنة ، والله البر دا حاجة ساهلة شديد بالنسبة للبتعملو عشانك من يوم انت نطفه في بطنها ، نحن قاعدين نبر لاصحابها ومعارفنا واهلنا فما بالكم بأحق الناس!!
يلا اجيكم لامي دي امنا وام اصحابنا وام الجميع ومحل ما تقعد بتعمل ليها شعبية حقتها براااها ، تمشي سوق الخضار تلاقي شعبيتها تمشي البقالة ، المخبز ، المواصلات ، الكهرباء ، ناس الموية ، في اصحابك تجي البيت تلاقي صحبتك قاعدة مكووووعة وتتونس مع سرفكو موش كدا وبس حتى اولاد اصحابنا بقولو ماشين لسرفكو ، ربنا جعل فيها حب الناس ليها وكان في زول بجينا في البيت بكون عشان امي دي ، انسانة مثقة وكان دخلت معاها في نقاش واحد فيكم بزعل غايتو 😁
امي يا قطعة السكر كل سنة وانتي طيبة وقااااعدة في حياتنا نحبك وتخافي علينا ..
لكل الامهات كل سنة وانتن طيبات وكل عيد ام وانتن بخير وسعادة .
لكل صديقاتي الامهات ومن يقمن مقام الامهات كل عام وانتن بالف خير وسعادة
اللهم احفظ السودان وأهل السودان ورد اليه امنه وأمانه
