TOLL HOUSE

TOLL HOUSE الخرطوم

20/05/2026

طولنا منكم الغيبة لكن جيناكم بالجديد
ال Honey cake متوفر في كافيه نوتيلا بار

يعني شنو toll huose ؟ وليه اخترتو الاسم دة؟ اسئلة بتصلني دايما • طيب حاحكي ليكم قصة واحدة اسمها روث ويكفيلد من مواليد 19...
23/04/2026

يعني شنو toll huose ؟ وليه اخترتو الاسم دة؟
اسئلة بتصلني دايما
• طيب حاحكي ليكم قصة واحدة اسمها روث ويكفيلد من مواليد 1905 وهي اول زول اخترع الكوكيز ورث دي كانت من الناس البحبو الطبخ والخبز جدا وكانت بتشتغل في المجال دة من عمر صغير وبعد اتزوجت هي وزوجها فتحو مطعم وسموهو تول هاوس وفي يوم من الايام كانت ورث بتحضر في الوصفات الموجودة في المنيو حقها عشان تقدمو لي زبائنها واكتشفت انو خبز الشكولاتة الخاص بيهم منتهي فما كان منها الا انها تبدا تجهز في الخبز حقها واليوم داك كان متوفر عندها نوع من انواع رقاق الشكلاتة تابعة لي شركة نستلة ايوة صح شركة Nastle الكلنا بنعرفها اسي
فقامت بكل براءة استخدمت رقائق الشكولاتة دي بس اتفاجأت انو النتيجة ماكان اللي هي قاصداها الخلطة اللي عملتها انتجت ليها اقراص من الخبز مختلفة خالص فما كان بي يدها الا تغير في المنيو وتقدم الاقراص دي بدل منتجها الاصلي والمزهل في الموضوع انو الاقراص دي واللي سمتها ورث في مابعد باسم cookies لاقت قبول كبير جدا في المنطقة العايشة فيها وكانت الطلبيات عليهو بتزيد يوم ورا التاني
والحاجة المحيرة في القصة انو صاحبتنا ورث قامت بي بيع الوصفة حقتها لي شركة نستلة مقابل انو يتم امدادها بي مخزون شوكلاتة يكفيها مدى الحياة واتوفت ورث سنة 1977 خالة وراها اجمل وصفة كوكيز بيحبوها الكبار قبل الصغار
للاسف مطعم toll houes احترق بالكامل سنة 1984 وماباقي منو الا اللافتة حقتو اللي مازالت موجوة لي يومنا هذا
في الصور تحت بتلقو صورة مخترعة الكوكيز ورث وصورة للكوكيز بعد استلمتو نستلة وصورة لي اليlللافتة البتذكر اصحاب المنطقة بالنكهات و الوقت الجميل الكانو بقضوهو في المطعم

المناسبة السعيدة محتاجة شنو؟!لما تكونوا عايزين تجهزوا لعيد ميلاد .. حنة عريس .. حفلة توديع عزوبية .. احتفال تخرج .. أعيا...
16/04/2026

المناسبة السعيدة محتاجة شنو؟!

لما تكونوا عايزين تجهزوا لعيد ميلاد .. حنة عريس .. حفلة توديع عزوبية .. احتفال تخرج .. أعياد الاستقلال ..

كل ديل فيهم تفصيلة واحدة مشتركة وبتخلي المناسبة تطلع بشكل مختلف ..
أكيد عرفتوها "التورتة" 🎂

وعشان بنحبكم، ويهمنا إنه مناسباتكم تطلع بالشكل الرهيييب اليحكوا عنه كل الناس نحنا في بنعمل ليكم #تورتات معمولة بحب ❤️

بتصاميم مودرن تناسب البنات والأمهات
وأكيد طعم يحكي حكاية ..
ولو حابة نصمم ليك شكل حسب ذوقك نحنا في الخدمة ..

مناسبتك .. تحكي عنك 🌸

للحجز والاستفسار عبر رابط واتساب
https://wa.me/message/F2FUPE6UMJOWN1

#تورتات #مناسبات

السهل الممتنع ..الكنافة من الوصفات الساهلة جداًبس الناس بتخاف منها أو في تركات صغيرة رايحة عليهم ..الليلة ناخد وصفة كناف...
16/04/2026

السهل الممتنع ..

الكنافة من الوصفات الساهلة جداً
بس الناس بتخاف منها أو في تركات صغيرة رايحة عليهم ..

الليلة ناخد وصفة كنافة تطلعها ليك مقرمشة وبي لون دهبي جميل 🔥

المقادير دي لي نص كيلو كنافة ..
تجمديها وتقطعيها حسب رغبتك ناعمة أو طويلة شوية
نضيف ليها ٣ ملاعق كبيرة سكر بودرة "ودا سر التماسك والقرمشة" تتفرك مع بعض كويس لحدي ما نتأكد إنو السكر غلف كل الكمية
نضيف كباية صغيرة سمن ونبدا نفرك ونقلب بي نفس الطريقة ..

إذا عاوزين الكنافة سادة بنبدا نوزعها في صينية ممسوحة سمن وباي حاجة مسطحة نبدا نضغط علي الكنافة ونساوي الأطراف وندخلها علي الفرن

إذا حتحشي الكنافة بالقشطة نخت نص كمية الكنافة في الصينية ونضغطها كويس وبعدها نوزع القشطة فوقها بدون مانصل الأطراف
بعدها نوزع باقي كمية الكنافة فوق القشطة ونضغط لكن علي خفيف المرة دي عشان القشطة ماتطلع لينا لي فوق نتأكد إنو الطبقة الفوق بقت متساوية من كل الاتجاهات
ندخلها الفرن لحدي ماتاخد لو دهبي حلو وتاخدو بدون ماتضيفو أي ألوان غذائية ..

نكون مجهزين شيرا قوامها وسط لا تقيلة لا خفيفة
يعني لو عملتو كبايتين سكر بتضيفو
ليهم كباية ونص موية وعصرة ليمونة
وتتسقي الكنافة .. وصحة وهنا. ❤️

لو عاوزين وصفة القشطة اكتبوا "وصفة" في التعليقات وتصلكم أحلى وصفة قشطة
وهل عايزين الوصفة مصورة بالخطوات؟


#كنافة #حلويات #قشطة

12/04/2026

درامات من شغلي
بطبيعة الحال انا وصفي كويس بوصف بي جنوب جغرافي وشمال جغرافي وكدة
الشباب ماشاء الله من مكالمة واحدة بقولو لي نحن قدام الباب
بتعبوني الكتكوتات 😅
في يوم من الايام اتصل علي لد وصفت ليهو بعد مسافة اتصل علي لقيتو دخلي بي شارع تاني المهم دة اكتر ولد تعبني اوصف يمين يمشي شمال اوصف شمال يمشي جنوب حفاظا علي ضغطي قلت ليهو ارجع جمب دنقلا بلازا واتصل علي بعد شوية رجع لي بي تلفون
رجعت.؟
ايوة رجعت
طيب خلي دنقلا بلازا وراك وادخل جنوب طوالي ماتلف على اي اتجاه
فإذا به يصدمني ويقول لي يا أستاذة جنوب دة قبلي😳
انا في اللحظة دي مخي وقف وماقدرت افكر نهائي رغم اني بعرف اوصف قبلي وبحري
لكن شربكة الاتجاهات دي مامرت بي ولا حصل فكرت فيها
بقيت مخلوعة وبسال الحولي جنوب دة قبلي وكل زول اسألو يتبلم 😂
فماكان قدامي الا اطلع انا اصلو في محلو 😅
انتو مشاكلكم مع الوصف شنو
وهل انا اتصرفت صح بي اني طلعت ليهو ولا كان اوصف ليهو كيف

بيبي قيرل ... أو بيبي بوي!كوكيز المواليد أحلى حاجة تستقبلي بيها المولود الجديد ✨🎀ونحنا في يسعدنا إننا نشاركم الفرحة بت...
10/04/2026

بيبي قيرل ... أو بيبي بوي!

كوكيز المواليد أحلى حاجة تستقبلي بيها المولود الجديد ✨🎀

ونحنا في يسعدنا إننا نشاركم الفرحة بتصاميم كوكيز معمولة بأجمل تفاصيل .. عشان تكون إضافة مميزة ليومكم السعيد 💕

متاح الطلب حالياً للتصاميم اللطيفة اللي بتناسب استقبال البيبي .. بألوان مميزة حسب الطلب وكمان ممكن يتكتب ليك اسم المولود أو تاريخ الميلاد أو الاتنين مع بعض 🔥

والأحلى من كدا الطعم يشهي بمكونات عالية الجودة .. والتغليف أنيق مناسب للتوزيعات والهدايا.

اطلبي وإنتي متطمنة .. الطلب قبل ٤٨ ساعة عبر رابط الواتس https://wa.me/message/F2FUPE6UMJOWN1


#كوكيز #تورتات

07/04/2026

ما أي بودرة غامقة تبقى كاكاو! 🍫

* الكاكاو المُر (الخام) هو اللي بيدي اللون الغامق والريحة القوية للكيك
• أما ​الكاكاو المُحلّى ففيه سكر ولبن بودرة؛ فبيخرب قوام الكيك وممكن يغير طعمه كمان .. والنوع دا غالباً بيتباع في البقالات الصغيرة ..
فإذا إنت بتشتغل شغل تجاري أو حتى بتفضّل الحاجة الزابطة للبيت اتأكد إنه البقالة البتاخد منها بتجيب نوع كويس ..
أو اشتري من محلات مستلزمات الخبائز لانهم في الأغلب بجيبوا أنواع ممتازة.

​ولو حابي تعرف أفضل نوع كاكاو خت قلب ♥️ في الكومنتات وحنرد عليك ..


#تورتات #مناسبات #خبائز #كيك

هل انا بستحق الثقة؟تنزيل عميلة شبه دايمة عند # بتشتغل كيك وخبيز مناسباتها كلها عندنا ..جات قال لي انا حاحتفل السنة دي ...
05/04/2026

هل انا بستحق الثقة؟
تنزيل عميلة شبه دايمة عند # بتشتغل كيك وخبيز مناسباتها كلها عندنا ..
جات قال لي انا حاحتفل السنة دي بعيد ميلادي برانا أنا و زوجي عاوزة لي ميني تورتة تكون ألوانها أسود و بنفسجي والشكل خليته عليك ..
اشتغلت ليها التورتة دي من تحت خطوط متداخلة بين الأسود والأبيض وبعض البنفسجي
وفوق خليت وش التورتة كلها على شكل وردة.
قبل نعرف راي تنزيل ..
هل إنت كنت حتثق في اختياري؟ أو اختيار جهة بتتعامل معاها دايماً؟



#تورتات #مناسبات

عشان مناسبتكم تكمل، لازم تورتة تشرّف! 🎂 تورتاتنا معمولة بكل حب بأجود المكونات وطعم خيالي يذوب في الفم. متوفرة بأشكال وتص...
02/04/2026

عشان مناسبتكم تكمل، لازم تورتة تشرّف! 🎂
تورتاتنا معمولة بكل حب بأجود المكونات وطعم خيالي يذوب في الفم. متوفرة بأشكال وتصاميم تناسب ذوقكم.
اطلبوها الآن وخلي احتفالكم طعمه أحلى!"
للطلب واتس 0110978291



#تورتات

معلومة على السريع ..لو عاوزين تكتبو في تورتة وخايفين الخط مايعجبكم و ماتقدرو تتصرفو تانياديكم حل بسيط ..اكتبو بي نفس لون...
31/03/2026

معلومة على السريع ..

لو عاوزين تكتبو في تورتة وخايفين الخط مايعجبكم و ماتقدرو تتصرفو تاني
اديكم حل بسيط ..
اكتبو بي نفس لون خلفية التورتة يعني التورتة لو مغلفة بكريمة بيضاء مثلا اكتبو بالابيض
اذا ماعجبكم بتطرحوهو وخلاص واذا عجبكم بتجيبي اللون العاوزة تكتبي بيهو وتمشي فوق الكتابة الاولي ..

الصورة التحت انا كاتبة بالأزرق طوالي
في رايكم:
قدرت اظبط الكتابة ولا محتاجة أواصل بالخطة الفوق؟



#تورتات

Address

شرق النيل
Khartoum North

Telephone

0901752010

Website

Alerts

Be the first to know and let us send you an email when TOLL HOUSE posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TOLL HOUSE:

Shortcuts

Share

Category