عثمان حسنosman hassan

30/07/2023

25/12/2022

مرات لما تصحى من النوم بالصباح بتلقى نفسك تعبان شديد مع أنو من المفترض انك تصحى نشيط ومصحصح خاصة بعد نوم هادئ وطويل كمان مرات ..

شنو البسرق طاقتك وجهدك وانت نائم ؟!

ليه بقوم تعبان بدل اقوم مرتاح
واحد من الأسباب المهمة البتسرق طاقتك وجهدك وأنت نائم انو تنوم على فكرة سلبية جدا ..
مثلاً
زعلك من غالي ..
أو توترات في محيط الشغل
أو اي فكرة محيرة مقلقة بيك جدا ..
عقلك الباطن بلتقط الفكرة الأخيرة قبل تنوم ويستمر في العمل عليها طوال الليل ..
وقد يتجسد دا أحيانا في احلام ما مريحة أبدا ..
أو تقطع في النوم ..
والصباح تلقى نفسك تعبان وكل دا ناتج عن ديك الفكرة السلبية الامتصت طاقتك وجهدك حتى وانت نائم ..
كيف يشتغل عقلك الباطن ؟!
‏اتذكر كويس أنو عقلك الباطن بشتغل على اخر فكرة .. وبلغي حاجات كثيرة ويعمم حاجات رغم أنك نائم ..
لكن بركز إجمالاً على اخر فكرة قبل تنوم بدقائق وبالتالي مهما كانت المشاكل اليومية في الحياة لازم انك ما تفكر فيها أبدا قبل النوم ..

آخر 45 دقيقة قبل ما تنوم هي أهم الدقائق في حياتك ..
‏لان العقل الباطن يشتغل بما كان الإنسان قد شغل نفسه به في آخر 45 دقيقة قبل أن ينام ..
‏لذلك خلي دائماً آخر 45 دقيقة قبل النوم لحظات تفاؤل لحظات أمل ..
لحظات استغلها في ذكر الرحمن كما ورد عن نبينا محمد عليه افضل الصلاة والسلام ..

عن الرسول ﷺ من ادعية قبل النوم : (من قال حين يأوي إلى فراشه : لا إله إلا الله وحده لا شريك له ، له الملك وله الحمد وهو على كل شي قدير ، لا حول ولا قوة إلا بالله ، سبحان الله ، والحمد لله ، ولا إله إلا الله ، والله أكبر ، غفر الله ذنوبه أو خطاياه وإن كانت مثل زبد البحر" ..

امسك سبحتك واستغفر
والناس تحاول ترحم اعزائها ياجماعه
الموت بقى ما معروف لمنو ..
ارحم البتحبهم عشان ما يجي يوم وتلقاهم مافي وتندم ..

خلوا بالكم من روحكم
ومن بعض ..
الدنيا فرااااااقه
نحن لا نترك عزيزاً عبثاً .. نحن نغادر حين نتأذى ..!!♥

03/12/2022

(جريمة العام ٢٠٠٤ الهزت السودان)
# تعديل القصة كاملة..
جيران من قامو طيبين أسرة منهم سافروا وربنا فتحا عليهم وبنوا عمارة..
الأسرة برا البت جات للجامعة وقررت ماتقعد مع زول تقعد في بيت ابوها في واحد من الشقق..
جارهم اللي هو بمثابة أبوها شاف البت ديك بقت ماهي في اللبس الشاذ والسلوك والقهقهة بصوت عالي جنب باب البيت مع أصحاب..
ماهي البت الخجولة الكانت بتقول ليه ياعمو فلان إزيك.. وياعمو فلان كيف أمسيت.
نصح البت لمن شاف في شباب بيجو معاها وبنات إنو الحاجة دي مامقبولة والشباب زاتهم أشكالهم يبدو عليهم الترف والهلس..
ناداها يوم الصباح (يابتي خلي بالك علي روحك زمنا دا كعب وماتتعاملي مع أي زول وانا بمقام ابوك القمنا سوا وووو..)
البت حسمتو قالت ليه مايخصك.
إعتذر ليها.
لغاية هنا مافي مشكلة مش كدا؟
البت إتصلت بي ابوها واشتكت وابوها من الغربة إتصل بيه قال ليه دي بتي وانا واثق منها وماليك فيها شغلة .فقال ليه انا نصحتها لانو الجيران بيتكلموا كلهم والحاجة دي مابرضاها ليك إنت كأخوي في المقام الأول خليني من البت لانو دا سن مراهقة وطيش.. بس أنا ماراضي فيك الكلام وكان ممكن اتصل بيك إنت اول بس خفتك تشاكلها وتنزعج..
فقال ليه (بتي ماعندك بيها شغلة)
فأعتذر ليه شديد وقال ليه معليش أنا غلطان.
البت صاحبت شلة جامعة ماعندها غير الحبوب والسكر والسرقات (بيسرقوا من باب التحدي) يعني يقوموا يقولوا فلان جارنا عندو عربية كدا فيقوم الود يسرقها ويتصور فيها وبعد كدا يخليها في أي حته عامة..
البنات تحديهم كان مختلف إنو البت تخلي شخصية مشهورة تحبها تتصرف ولمن تتصور معاه صورة زول بيحبها بتكسب التحدي.
وكان مبلغ الرهان في كل مرة عشرة الف دولار (آي والله العظيم)!!!

ولأنو البت لقت تصريح وضمانات من أبوها اللي من فرط حبه ليها وثقتو العمياء فيها إنو مافي زول حايتكلم معاها كانت النتيجة كارثية..
التحدي اللي كان كل شهر بيجمعوا فيه هؤلاء الأثرياء مبلغ عشرة الف دولار ويحددوا الرهان والتحدي بسرقة عربية فخمة أو رمي شخصية شهيرة في شباك حب واحدة من البنات والفوز بالجائزة..
كان الدور عليها إنها ترمي شخصية ما معروفة في حبها..
مشت قريب من مكتبه وهي قاشرة ومتبرجة جدا وهس قاصدة وعملت مشكلة مع الود البيغسل في عربيته وبقت تكورك خنقت الود المسكين إنو شاغلها بعد وقفت سألتو من مكان غير موجود علي سطح الارض وهو بيفكر وبيحاول يتذكر نطت في رقبتو خنقتو :
تشاغلوا بنات الناس ياصعاليق والله الليلة ما اخليك وووو
وعمك جا مارق معاه ناس المكتب ولمن شاف البت قرب منها قال ليها اهدي ياشابة مالك فقالت ليه يعني بس ماتسأل زول يشاغلك وقعدت في الواطة تبكي..
عمك ضرب الود المسكين كف بدون يسألو زاتو وطردوه وبرغم إنو كان بيقول ليهم والله ماشاغلتها والله ماغلطتا والله انا ماسويت شيء لكن صدقوا البت وطردوه..
لانو حتى لو هي كاذبة لازم تكون صادقة (بسماحتها دي)!!
دخلوها وعمك اعتذر ليها وضيفوها وعرف منها إنها براها في البلد ومتمرمطة لانو أهلها بعيدين عنها ووو
ورمت شبكتها بإحكام ولقاء والتاني واللي مفروض يوم اغدق عليها الهدايا دا تتصور معاه جنبو وتتخارج منه للأبد وتفوز بالتحدي..
بس الزول طلع كارثة.. خلاها تميل ليه وتحبو غصباً عنها..
الحصل شنووو؟
حملت منه.. ولمن عرفت اتصلت بيه ولانه خاف من الكارثة دي طوالي وداها لي (قابلة) بتشتغل في بيت
وفي محاولت القابلة دي إنها تجهض البت نزفت شديد وإضطرت إنو توديها المستشفى.
شرطة المستشفى طبعا وصلها بلاغ إنو في بت غير متزوجة وفي محاولات صنع زوج غير حقيقي والشككهم إنو لو هو زوجها ليه تجهض وتقتل نفس (١)
اتنين ليه مامشوا طبيب حتى لو قرروا يجهضوا!!
من هناك بعد يومين ودوها حراسة الشرطة..
وتم إبلاغ ابوها..
كانت بتبكي وتكورك بهستيريا..
ابوي حايموت ابوي بيثق فيني ابوي ماتوروه ابوي.. لكن القانون قانون.
وصل عمها القسم وحاول معالجة الموضوع ولقى إنو في البلد دي مافي شينة بتتدسى بل لقى عسكري شغال في نفس الحلة الاتولدت واتربت فيها البت و..
قرر يكلم ابوها.
اتصل وراه إنو بتك حملت وفي محاولات إجهاضها دي كانت حاتموت وودوها المستشفى واتفتح ليها بلاغ إجهاض قتل روح..
البت في الحراسة جاتها نوبة خوف شديد فبقت تصرخ بهستيريا وتضرب رأسها في الحيطة لمن نزف ووقعت مغمى عليها.. وصلوها المستشفى ولكن كانت اتوفت من نزيف داخلي..
ابوها وامها لمن جوا وقرروا مايفرشوا بس يلاقوا القريبين ويعرفوا حيثيات الجريمة.
فلاقاه جاروا عمك داك.. ابو البت كان أسوأ كابوس ممكن يشوفوا نفس الزول الحذره يبعد من بته يكون رافع يدو شايل معاك الفاتحة في اعز زول عندك وهو كان حريص علي جناك..
اتعانق معاه الاب المكلوم وكان هتافوا البيرددوا وشهدوا بيه جيران (إنت ماغلطان غلطان انا وسافي التراب انت ماغلطان غلطان انا وسافي التراب.. ياريتني لو سمعت نصيحتك.. ياريتني لو سمعت نصيحتك) .......
برغم إنو القصة دي ليها قريب تمنطاشر سنة لكن فيها دروس كتيرة جدا :
١/أسمع كلام من يبكيك وماتسمع كلام من يضحكك..
١/جارك أو جارتك في الحلة لو عاشرك عشرة عمر دا بمقام عمك او خالك غالبا بيكون قلبو عليك ولو كان مابتربطكم أي قرابة ولو كان من اي قبيلة وانت من قبيلة تانية لو شافك في غلط تقبل نصيحته لانو بيقولها ليك من باب حرص عليك
٣/ القروش الكتيرة في اليد بلاهدف واضح بتخلي شواطين الانس حواليك وهم اكتر من شواطين الجن
٤/ مافي حاجة إسمها ثقة مطلقة في ولدك أو بتك لو انت بعيد عنهم رسل من يتفقدهم ولو إضطر الأمر يراقب من بعيد او يسأل او يختهم في إمتحان حرصاً علي إنو يكونوا في الطريق السليم واغلب الأسر ابناءهم كانوا في ظروف كدا وماسووا الشينة ولا جابوا السمعة.
٥/ البلد دي مليانة شباب وبنات بيعملوا تحديات زي دي ما لانو دايرين قروش بل روح المغامرة والخواء الروحي ودا نفس الواقعة فيه القارة الاوروبية توفر كل شيء والاحساس بالخواء الروحي دا بيدفعهم للمخدرات والانتحار (وفي موضة إنتحار جماعي)
٦/ في كل مجتمع ولو في مكة اطهر أرض الله وأقدسها في منحرفين وشواطين إنس بتبعد منهم أبناءك ما بإنك توفر ليهم قروش كتيرة بل إنك توفر ليهم (عاطفة) كتيرة وإهتمام مايسدو زَول غيرك
٧/ ما أي زول بينصحك معناها حاسدك او بيكرهك بل مرات كتيرة بيكون بدافع محبتك.
٨/ لو في إمكانية إنو ابنك او ابنتك يقرأ جنبك افضل بكتير من يكون بعيد عنك براه ماقاعد مع أهل قريبين يهتمو بيه.
٩/ قرس القيم اهم بكتير من انك تدي قروش.
١٠/ الشلة البيصاحبها إبنك وبنتك ليها تأثير اكبر في سلوكه من تربيتك للاسف الشديد يعني حتي لو نشأ الابن في بيئة كعبة اخلاقيا وصادف شلة محترمة حايبقى زول كويس شديد.
١١/ أكبر إستثمار في الدنيا (تستثمر في تربية عيالك ) ..........
جغمة أخيرة :
الاخلاق للأسف ماعندها ملحق بتسقط مرة واحدة بس..
وسمعتك تاني مابترجع
وروني في تعليقاتكم شنو النصيحة الممكن تقدموها.. شنو الحكمة الطلعتو بيها.. قولوا أراءكم بشجاعة. .......

01/12/2022

🎈الف الف مبروك...... لشعب المريخ
رسميا قطر تهدي ملعب 974 ، الي المريخ السوداني بعد نهاية كاس العالم 🌏..
شكرا قطر شكرا تميم المجد.. كل السودان مع منتخب قطر في المونديال... الملعب سيتم تركيبه في استاد المريخ بعد نهاية كاس العالم مباشرة

18/09/2022

حكاية أشهر جراح أمريكي ، كيف نقلته أمه من القاع للقمة !

بن كارسون Ben Carson ولد في (18 سبتمبر 1951)؛

كانت أمه خادمة فقيرة ، صُدمت عندما علمت أن إبنها هو الأسوأ والأغبى في صفه ، فكان قرارها لإبنها البليد أن يستعير كتابين أسبوعياً من مكتبة الحي ، وأن يكتب لها تقريرين عنهما ، وأظهرت له أنها ستقوم بتصحيحهما ، ولم يكن أمام إبنها إلا أن يفعل ذلك وإلا سوف يحرم من مشاهدة التلفزيون ومن مصروفه واللعب مع أصدقائه ، وتحول " بن " تدريجياً من أغبى تلميذ في الفصل إلى أنبغهم !

حيث كان بن كارسون يحب علم الحيوان فقرأ الكثير عن هذا العلم وعلم الصخور فكان يقرأ في المكتبة ويطبق هذا العلم بشكل عملي على البيئة الفقيرة التي كان يعيش فيها بين السكك الحديدية.

وفي أحد الأيام دخل مدرس الجيولوجيا وبيده صخره وسأل من يعرف ما اسم هذه الصخره! طبعا بن انتظر الطلبة الأذكيآء ليقوموا بالإجابة وانتظر ولكن لم يجب أحد على السؤال وانتظر بقية الصف ليجيبوا ولكن لم يجب أحد على سؤال المدرس ، وفجأة أغبى طالب بالصف يرفع يده ليجيب على السؤال وهنا انفجر الطلبة بالضحك ممزوجا بالاستغراب من تصرف كارسون الغبي الذي كان مشهورا بغبآءه ورسوبه في جميع المواد... بعد ذلك قام بن كارسون وأجاب على السؤال بشكل كامل مع وصف كامل للصخره البركانية التي كانت بيد المدرس وطريقة تشكلها من تصادم الحمم المنصهره مع المآء البارد ...الخ!
وهنا انتظر الطلبة بفارغ الصبر رد المدرس لكي إما أن ينبهروا ببن كارسون الجديد أو أن ينفجروا بالضحك كعادتهم عليه ... وفجأة قال المدرس مندهشا من بن كارسون "أحسنت يا بن الإجابة صحيحة" وهنا أدرك بن بأن السبب ورآء رقيه من أدنى طالب إلى مرتبه الطلبة الذين يثيرون انبهار الآخرين هو طريقة أمه التي كانت غائبة عن زملائه ومدرسيه ولا يعلمون عنها شيئا. وفي تلك اللحظة قرر بن كارسون أن يوسع مجال القرآءة لديه ويبدأ بقرآءة المنهج الدراسي لديه حتى أنه أصبح لايضيع دقيقة من وقته بدون دراسه، ومستواه ارتفع حتى أصبح من أوائل الطلبة حتى أن أوائل الطلبة يأتون إليه لاستشارته ببعض المسآئل!

وهنا أدرك بن كارسون بأن كل شخص لديه هذه الهبه ولكن يجب عليه أن يكتشفها ويقوم بتطويرها.
وبعد ذلك... أنهى بن دراسته الثانوية والتحق بالجامعة وحصل على درجة البكالوريوس بعلم النفس وبعد ذلك التحق بجامعة الطب بميتشيجان لينتقل من علم النفس لجراحة الأعصآب.

وفي سن ال 32 أصبح " بن كارسون " مدير مستشفى بالتيمور لجراحة الأعصاب للأطفال ، وهو أول شخص يقوم بفصل التوأم السيامي الملتصق بالرأس ، وله أكثر من 90 مؤلفاً طبياً ،

ويعتبر بن كارسون ، أحد أبرز الجراحين في العالم ، ومدير شعبة طب الأطفال في جراحات الأعصاب جون هوبكنز ، حيث يقوم مئات من العمليات في كل سنة على الأكثر حساسية وتعقيدا مناطق الجسم البشري : المخ ، العمود الفقري والجهاز العصبي.
وجاء الاعتراف الشعبي بعبقرية كارسون مع عرض فيلم "يدان موهوبتان: قصة بن كارسون" في عام 2008 حول حياته وإنجازاته الاستثنائية.

والفضل لعبقرية أم أدركت أن القراءة هي سبيل إبنها لإحياء قدراته وتحقيق النجاح في حياته .
المثير في الأمر أن والدة الجراح بن كارسون كانت أمية لا تقرأ ولا تكتب.
💙🌹

21/08/2022

ساعات بتحتاج لزول يدعمك نفسياً ويحسسك انك كويس .. وانو لسه في امل فيك .. انو الحلو في حياتك لسه جاي ..
واصلاً انت عارف كل دا بس لما زول يقول ليك بتديك احساس مختلف ..
جد في ناس روحها بتكون تعبانه ومرهقه من اي شي بس محتاجه سؤالكم .. اي صاح احتمال سؤالك ما يحل مشكله ..
بس صدقني بفرق كتير ابسط شي ممكن تقولو لزولك " انت كويس ؟" صدقني الكلمتين ديل بفرحوهو شديد وحيقول ليك ياااااااخ اذا ما كويس انا بعد سؤالك بخير .. اتفقدو بعض اثناء الزعل او الفرح في ناس جد محتاجه ليكم والله ..!!♥

22/07/2022

اقرء بقلبك و ليس بعينيك 💚🙏🙏
"سبحَان الله، والحمدُلله، ولا إله إلا الله، والله أكبر، سبحان الله وبحمدِه، سبحان الله العَظيم، ولا حَول ولا قُوة إلا بالله، أستغفر الله وأتُوب إليه، اللهُم صل وسلم على نبينا مُحمد، لا إله إلا الله وحدهُ لا شريك له، له المُلك وله الحمد وهو على كُل شيء قدِير، حسبي الله لا إله إلا هو عليه تَوكلت وهُو ربّ العرش العظيم.. اللهم اجعلنِي من التَوابين واجعلنِي من المُتطهرين، لا إله إلا أنت سبحانك إني كُنت من الظَالمين.. اللهم قلبِي ومن بقلبِي، اللهم نُورك إذا حلت الظُلمة، اللهم نجنِي من عذابِك يومُ يبعث عبادك، اللهم اغفر لِي، ولمن إغتبتُه وظلمتُه وأسأتُ إليه، اللهم تجاوز عنا وعَنه.. رضيتُ بالله ربًا، وبالإسلام دينًا، وبمحمدٍ صلى الله عليه وسلم نبيًا ورَسولًا، اللهم ارزقني حبك، وحب من يحبك، وحب كل عملٍ صالحٍ يقربني إلى حبك، ‏اللهُم إن كنت أفعل ذنبًا يمنع فرحتي وإستجابة دعائي فاغفره لي يا رب، اللهم طهرني من كل الذنوب وغيِّر حالي إلى حال تحبني به، يا رب قدرتك أقوى من ضعف حيلتي ورحمتك أوسع من قلقي مد لي بالنور في طريقي وقوِّ قلبي، اللهُم وكلتك أمري وكُلِّي ثقة بك وبأنَّك لن تخذلني وأنك ستؤتيني سؤلي، اللهم إني أستغفرك حتي ترضى، اللهم إني أستغفرك حتي تستجيب، اللهم إني أستغفرك حتي تجبر قلبي، اللهم اجعلنا من الذين إزدادوا إليك قربًا وصرفت عنهم مصائب الدنيا، اللهم لا تصعب علينا أمراً وارزقنا حظ الدنيا ونعيم الآخرة، اللهمّ إنّي توكلت عليك، وسلمت أمري إليك، لا ملجأ ولا منجا منك إلا إليك، اللهم إني أستودعتك حلمًا يتمناه قلبي ويشغل تفكيري فقر عيني به، اللهم اجعلني أبكي فرحا من حلم ظننته مستحيل فتحقق بحق سورة يس والبقرة ومحمد وآل عمران أن تسعد قلب كل من دخل وحَوقَل فأنها رافعة نافعة دافعة وكنز من كنوز الجنة.

02/05/2022

شكرا لكل امرأة تعبت لتجهيز مائدة الافطار، شكرا لكل ام ولكل زوجه ولكل أخته رمضان لا يكتمل بدونكن ما أعظم اجركن في هذا الشهر المبارك فلكن أجر الصيام أجر العمل وأجر إفطار صائم أللهم جازهم عنا خير الجزاء وارحم ضعفهن وأروى عطشهن وكل عام وانتم بخير وربنا يحقق الاماني 🥰🥰🥰

23/04/2022

مر مجنون على عابد يناجي ربه وهو يبكي والدموع منهمرة على خديه وهو يقول:ربي لا تدخلني النار، فارحمني وأرفق بي، يا رحيم يا رحمن لا تعذبني بالنار، إني ضعيف فلا قوة لي على تحمل النار فارحمني، وجلدي رقيق لا يستطيع تحمل حرارة النار فارحمني، وعظمي دقيق لا يقوى على شدة النار فارحمني.
ضحك المجنون بصوت مرتفع، فالتفت إليه العابد قائلاً:
ماذا يضحكك أيها المجنون ؟؟
قال: كلامك أضحكني
فردَّ العابد: وماذا يضحكك فيه ؟
قال المجنون: لأنك تبكي خوفًا من النار..
قال: وأنت ألا تخاف من النار ؟؟
قال المجنون : لا، لا أخاف من النار
ضحك العابد وقال: صحيح أنك مجنون
قال المجنون : كيف تخاف من النار أيها العابد وعندك رب رحيم، رحمته وسعت كل شيء ؟
قال العابد : إن عليَّ ذنوبًا لو يؤاخذني الله بعدله لأدخلني النار، وإني أبكي كي يرحمني ويغفر لي ولا يحاسبني بعدله بل بفضله ولطفه، ورحمته حتى لا أدخل النار ؟؟
هنالك ضحك المجنون بصوت أعلى من المرة السابقة
انزعج العابد وقال: ما يضحكك ؟؟
قال: أيها العابد عندك ربٌّ عادلٌ لا يجور وتخاف عدله ؟ عندك ربٌّ غفورٌ رحيمٌ تواب، وتخاف ناره ؟؟
قال العابد: ألا تخاف من الله أيها المجنون ؟؟
قال المجنون: بلى إني أخاف الله ولكن خوفي ليس من ناره
تعجب العابد وقال: إذا لم يكن من ناره فمِمَّ خوفك؟
قال المجنون: إني أخاف من مواجهة ربي وسؤاله لي، لماذا يا عبدي عصيتني ؟؟
فإن كنت من أهل النار فأتمنى أن يدخلني النار من غير أن يسألني، فعذاب النار أهون عندي من سؤاله سبحانه، فأنا لا أستطيع أن أنظر إليه بعين خائنة، وأجيبه بلسان كاذب..
إن كان دخولي النار يرضي حبيبي فلا بأس
تعجب العابد وأخذ يفكر في كلام هذا المجنون
قال المجنون: أيها العابد سأقول لك سرًّا، فلا تذِعه لأحد
فقال العابد: ما هو هذا السرُّ أيها المجنون العاقل ؟
فردَّ المجنون: أيها العابد إن ربي لن يدخلني النار أتدري لماذا؟
قال العابد: لماذا يا مجنون ؟
فردَّ عليه: لأني عبدته حبًّا وشوقًا، وأنت يا عابد عبدته خوفًا وطمعًا، وظني به أفضل من ظنك، ورجائي منه أفضلُ من رجائك، فكُن أيها العابد لما لا ترجو أفضل مما ترجو، فموسى عليه السلام ذهب لإحضار جذوة من النار ليتدفأ بها فرجع بالنبوة، وأنا ذهبت لأرى جمال ربي فرجعت مجنونًا،
ذهب المجنون يضحك، والعابد يبكي، ويقول: لا أصدق أن هذا مجنون، فهذا أعقل العقلاء
وأنا المجنون الحقيقي، فسوف أكتب كلامه با