مذكرات البشير _-_-_- Bashir diary

19/03/2012

أيه الشعب السودانى الفضل أعتذر عن عدم التواصل معك خلال الفتره الفاتت بسبب المهام الكثيره التى تقع على عاتقى , وحبيت أكد ليكم إنو موضوع العرس فعلا أنا إتزوجتا المره التالته وهى من بنات الاحفاد, و وداد طلقتهاا لكن شالت البيت الكبير الفاتح على النيل يوميات البشير

04/02/2012

نورتا ليكم الشاشه الليله فى النيل الازرق والشروق بعد ده الزوول يرقد مرتاح بعد ما خدر شعب السجم ده

13/01/2012

حذرت افتتاحية صحيفة (لوس انجلوس تايمز) الامريكية القيادة الليبية الجديدة من أخذ النصائح من عمر حسن البشير ، أمس الأول 10 يناير .

وأوردت الافتتاحية ان ليبيا اذا ارادت تأسيس دولة ديمقراطية ، تقوم على حكم القانون ، وتحظى بالاعتراف الدولي ، فأسوأ فكرة لها ان تأخذ النصائح من أحدث خليفة لعيدي أمين – سفاح يوغندا السابق .

ووصفت استقبال طرابلس لعمر البشير بأكثر زيارة دبلوماسية غير لائقة في الذاكرة المعاص...رة .

وأضافت ان ليبيا فرشت السجاد الأحمر لمطلوب للمحكمة الجنائية الدولية بسبب ذبحه لشعبه ، وهو يشابه تماماً ديكتاتور ليبيا المخلوع القذافي الذي طلبته المحكمة الجنائية بنفس التهم .

وأوردت انه ليس من مبرر للقيادة الليبية ان تبحث عن النصائح في طرق استيعاب المسلحين المعارضين في القوات المسلحة والشرطة لدى عمر البشير ، لأنه ليس من أحد على الأرض أقل تأهيلاً منه للنصح في هذا الأمر . فعمر البشير خبير في تحطيم وتشريد مجتمعات بكاملها باسم نزع أسلحة المسلحين المعارضين ، وخبير في تسليح المليشيات التابعة لتنفيذ مهمة النظام في الابادة الجماعية ، وأخذه كمستشار فيما يتعلق بأمن المجتمع يماثل أخذ نصائح الطبخ من آكل لحوم بشر .

ووصفت عمر البشير بالمقرف Nasty ، وتشمل مترادفات الكلمة في اللغة العربية ( كريه ، ،قرف ، قذر ، بذئ) .

ودعت الافتتاحية الرئيس أوباما والقادة الدوليين الآخرين إلى التحدث بصوت عالي وبقوة ، قبل أن يحصل عمر البشير على ختم جديد على جوازه .

وتعتبر صحيفة (لوس انجلوس تايمز) من الصحف الامريكية الأكثر انتشاراً . وتعبر افتتاحية الصحف في العرف الصحفي العالمي عن رأي الصحيفة ، وتحظى باهتمام أعلى ومقروئية أكبر .

04/01/2012

ماشين المحكمه الجنائيه فى زوول ماشى معانا ؟؟!!

03/01/2012

اليوم داك كنت ضارب شاشا تقيلة .. مروس وكدا
طيرو لي السطلة من راسي ذاتو

شاهدوا المنظر المُحرج الذي تعرض له البشير في القصر الجمهوري ليلة رأس السنة 2012 .. بمناسبة الذكري 56 لإستقلال السودان ..

28/12/2011

د.خليل إبراهيم اغتيل عن طريق قصف جوي عند الساعة الثالثة من فجر الجمعة الماضي، وهو نائم داخل سيارته وليس عبر مواجهة عسكرية مع القوات الحكومية ...أأخ ناس الجيش ديل بقو كذابين خلاص أفصل خالد الصوارمى ده ولا شنو أنا .. ضرب لى أمير قطر حمد بن خليفة قال لى تم إنجاز المهمه قولتا ليو مهمة شنو يا سعادة الامير قال انتا ماعارف؟!! قولتا ليو كدى تعال إسكايب وأحكى لى بروواقه لنو نافع مراقب تلفونى , المهم طلع إنو اصلا ما دارت إى معركه بين الجيش السودانى وقوات العدل والمساوه الحصل إنو أمير قطر حمد بن خليفه إستلم من أمريكه معلومات إستخبارتيه عن مكان خليل وعرض الامر ده على الجيش السودانى وطبعا الجيش السودانى لاحول له ولا قوه أمير قطر عرض المساعده -طبعا الراجل حمد بن خليفه داير يعمل من قطر دى أمريكاء الشرق الاوسط - وأكيد المعلومات القدمه دى ما حبا فى الانقاذ بيكون عندو شئ لكن عرفتو شنو المهم بعلاقتو مع المجلس العسكرى المصرى رسلو طائره حربيه وزودو الطيار الحربى بحداثيات مكان تواجود خليل وتم قصف السياره التى كان ينام فيها دكتور خليل ببثلاثة صواريخ
عليه إتضح الامر بنسبه لى إنو الجيش المحتفل بالانتصار ده ما عمل ولا حااجه اصلا -قاعد لى الله فى السقط -

27/12/2011

شارك في المسيرة الكبرى لنصرة القوات المسلحة غداً الاربعاء مشاركتك تعني شكراً جنود الوطن ، الهيئة القومية لنصرة القوات المسلحة
شكرا جنود الوطن لقتل الاف الابرياء و تشريدهم من قراهم , شكرا حكومة الوطن لتشتيت وضياع الوطن ,,,

26/12/2011

شامى لى ريحة ثوره ... مناصير مادرين يقعدو فى الواطه ... وطلاب جامعة الخرطوم شغالين كلو بسبب العساكر البجيبو لى فى المشاكل أأأأبوى يااشاكر حلال المشاكل حلنى وخليل ده حسى كاتلنو لى بعد عرفناو وعرفنا حسى دارفور تجيب ليها قائد جديد ولاقيت ما نفهمو يكون خشى كافورى عديل مش أمدرمان يالله صبر شعبى على

24/12/2011

بعد ان شربت فنجان قهوة سودانيه أصيله قررت اننى عندما أتقاعد سادرس الاطفال مذكراتى على انها تاريخ الوطن فانا الشمس وما الشعب الا اقمار مجهوله تدور فى فلكى

24/12/2011

ممارسه الشر هو افضل (عمل خير) قمت به فى حياتى