اجمل القصص و الاشعار

12/06/2026

إن الجراح إذا خبأتها شفيت
فاكتم جراحك لاتخبر بها احدا
كم من جريح شكا للناس لوعته
فزاده الناس ألما فوق ما وجدا
ما أكثرالناس، لا بل ما أقلهم
الله يعلم أني لم أقل فندا
إني لأفتح عيني حين أفتحها
على كثير ولكن لم أجد أحدا

11/02/2026

كنا تلاتة قاعدين في جمبة
كنا بندرس علوم حاسوب
مختار والفاتح لسه بيقرو
وانا فاض بيا وقلت الروب
شارب قهوة وشاي وشيريا
وبرضو لسه الراس مشطوب
ما اتكيفت ولسة مصدع
بعدما بلعت ستة حبوب
فجأة احس بالراحة الضايعه
بعدما لمحتها لابسة التوب
فيها جمال بالجد حيرني
وفيها براءة سارقة قلوب
بقيت اتأمل في نظراتها
واتخيلت معاها دروب
جد يا ناس والله جميله
داك العفاف في جبينها مكتوب
كلمت الشله هوي يا انتو
انا امشي عليها واحكي معاها
بس ايه الحاقولو وايه المطلوب
مختار قال ليا امشي وحنك
اصلو الريد مافيهو مغصوب
و لو اتشوكشت عليك الجبنة
ولو قبلانة دة بلاغ مشطوب
معقولة يا فردة انا اتشوكش
انت ما عارف اخوك موهوب؟
وانا بتكلم وشغال اتفشخر
ومن جواي بالخوف منكوب
رد الفاتح اكسب زمنك
ورينا شطارتك يلا بسرعه يا حبوب
اتحركت وماشي عليها
ومافي طريقة اسوي هروب
لما وصلتة مديت ايدي
مدت ايدا بنفس الاسلوب
انا اتحمست وبقيت اتظارف
عايز بس تقول المطلوب
فجأة قالت اول كلمة
اصحى يا عارض بصوت محجوب
استغربت وبنفس النبرة
قالت تاني الفتو الفتو يا مجذوب
فجأة احس بي لبعة ف ضهري
تقول ضاربني عمود مصبوب
انا كنت نايم جوة القاعه
وفي امتحان دكتور يعقوب
كل الشلة مفتكرة انو
سيجو شايل بخور مضروب
وطلعت بخور وزعتو عليهم
وكل تلاتة عملو قروب
دكتوري قبضني وقبض الشله
وكل الدفعه دقو رسوب
#الحصاحيصا

05/02/2026

ﻗﺎﻟﺖ ﻟﻴﻬﻮ :
ﻭﻳﻨﻮ ﺍﻟﻮﻃﻦ ﻋﺎﺍﺍﺩ ﻳﺎﺍﺍ ﺍﺑﻮﻱ
ﺍﻟﻜﻨﺖ ﺑﺘﺤﺠﻴﻨﺎ ﺑﻴﻬﻮ ... ؟
ﻭﻳﻨﻮ ﺍﻟﺰﻣﻦ ﺍﻟﻘﻠﺖ ﺟﺎﺍﺍﻱ
ﻋﻠﺸﺎﻥ ﻧﻠﻢ ﺍﻓﺮﺍﺣﻨﺎ ﻟﻴﻬﻮ ... ؟
ﻭﺍﻧﺎ ﻋﺎﺍﺭﻓﻪ ﺍﻧﻚ ﺯﻭﻝ ﻋﻔﻴﻒ
ﺣﺘﻰ ﺍﻟﻜﻀﺐ ﺟﺒﺮﻭﻙ ﻋﻠﻴﻬﻮ ... ؟
ﻗﺎﻝ ﻟﻴﻬﺎ :
ﻋﻤﺮﻭ ﺍﻟﻮﻃﻦ ﻣﺎ ﻛﺎﻥ ﻛﺪﺍ
ﻳﺎﺍ ﺑﺘﻲ ﺑﺲ ﻭﻳﻦ ﺍﻟﻀﻤﻴﺮ ... ؟
ﻻ ﺣﻖ ﺭﻏﻴﻒ ﻻ ﺣﻖ ﻋﻼﺝ
ﻭﺣﻘﻮﻗﻨﺎ ﻭﺍﺍﺍﺣﺪ ﻭﺍﻟﺤﻤﻴﻴﺮ
ﻛﻞ ﻣﺎ ﻧﻘﻮﻝ ﺑﺎﻛﺮﻧﺎ ﺧﻴﻴﺮ ...
ﺑﺎﺍﻛﺮﻧﺎ ﺧﻴﺮ ...
ﺑﺎﺍﺍﻛﺮﻧﺎ ﺧﻴﺮ
ﻳﻄﻠﻊ ﻫﻮ ﺧﺎﺯﻭﻗﻨﺎ ﺍﻟﻜﺒﻴﻴﺮ
ﻗﺎﻟﺖ ﻟﻴﻬﻮ :
ﻃﻴﺐ ... ﺍﺍﺍﺭﺡ ﺭﺍﺍﺟﻴﻦ ﺷﻨﻮﻭ ... ؟ !
ﻭﻗﺘﻴﻦ ﺣﻘﻮﻗﻨﺎ ﺑﻘﺖ ﻋﺪﻡ
ﻭﻗﺘﻴﻦ ﻧﻌﺎﺍﺍﺍﻳﻦ ﻟﻠﺮﻏﻴﻒ
ﻻ ﺟﺎﻧﺎ ﻻ ﻋﺎﺭﻓﻨﻮ ﻛﻢ
ﻏﻴﺮ ﺣﺎﻟﻨﺎ ﻓﻲ ﺍﻻﺣﺰﺍﻥ ﻛﻤﺎﻥ
ﺩﺍﻳﺮﻳﻦ ﺑﻘﻴﻨﺎ ﻣﻀﺎﺩ ﺍﻟﻢ ...
ﺣﺘﻲ ﺍﻟﺼﺒﺮ ﻳﺎ ﻳﺎﺑﺎ ﺿﺎﺍﺍﺍﻕ
ﺧﻼﻧﺎ ﺷﻠﻨﺎ ﺍﻟﺪﻧﻴﺎ ﻫﻢ
ﻗﺎﻝ ﻟﻴﻬﺎ :
ﻟﻲ ﻭﻳﻦ ﺍﺭﺡ ﻳﺎﺍﺍﺍ ﺑﺘﻲ ﺑﺲ ... ؟
ﻭﺣﻴﻞ ﺍﻟﺮﺣﻴﻞ ﺍﻟﻔﻴﻨﺎ ﻣﺎﺍﺍﺕ
ﻣﺎﺩﺍﻡ ﻭﻃﻨﺎ ﺻﺒﺢ ﻛﺪﺍ ...
ﻣﻌﻨﺎﺗﻮ ﺯﻣﻦ ﺍﻟﺮﺣﻤﻪ ﻓﺎﺍﺍﺍﺕ
ﺣﺘﻲ ﺍﻟﻜﻼﻡ ﻳﺎﺍ ﺑﺘﻲ ﺿﺎﺍﺍﻉ
ﺟﺒﺮﻭﻧﺎ ﻏﺼﺒﺎ " ﻟﻠﺴﻜﺎﺍﺍﺕ
ﻗﺎﻟﺖ ﻟﻴﻬﻮ :
ﻗﺸﻘﺶ ﺩﻣﻮﻋﻚ ﻳﺎﺍﺍ ﺃﺑﻮﻱ ...
ﺣﻘﻚ ﻫﻨﺎﻙ ﻋﻨﺪ ﺍﻟﻠﻪ ﻓﻲ
ﻛﺎﻥ ﺣﺠﺒﻮ ﺷﻤﺲ ﺍﻟﺤﻖ ﻫﻨﺎ ...
ﻳﻮﻡ ﺍﻟﺤﺴﺎﺏ ﻣﺎﺑﺘﺨﺘﻔﻲ
ﺧﻠﻴﻨﺎ ﺣﻘﻨﺎ ﺑﺲ ﺍﺭﻳﻴﺖ ....
ﻛﻨﺎ ﻳﻮﻡ ﺑﻄﻮﻧﻢ ﺗﻜﺘﻔﻲ
ﻗﺎﻝ ﻟﻴﻬﺎ :
ﻣﺎ ﺍﻇﻨﻮ ﺯﻭﻝ ﺍﻛﻞ ﺍﻟﺤﺮﺍﺍﺍﻡ
ﻳﺎﺍ ﺑﺘﻲ ﺗﺎﺍﻧﻲ ﺑﻴﺨﺘﺸﻲ ...
ﺑﺎﻋﻮﻫﻮ ﻫﻢ ﺍﻟﻨﺎﺱ ﺧﻼﺹ
ﺣﺎﺷﻴﻦ ﺟﻴﻮﺑﻢ ﺑﺲ ﺣﺸﻲ ...
ﻫﺪﻭﻫﻮ ﺣﻴﻠﻨﺎ ﻣﻊ ﺍﻟﺴﻨﻴﻦ
ﺍﻫﺎﺍ ﺍﺳﻲ ﻏﺎﻟﺒﻨﺎ ﺍﻟﻤﺸﻲ ...
ﺟﺒﺮﻭﻫﻮ ﺷﻌﺒﺎ " ﻛﺎﻥ ﻋﻔﻴﻒ
ﺑﻘﻪ ﻛﻠﻮ ﻇﺎﻟﻢ ﻭﻣﺮﺗﺸﻲ ...
ﻟﻤﻮ ﺍﻟﻤﺴﺎﺍﺍﻛﻴﻦ ﻓﻲ ﻣﺰﺍﺍﺍﺩ
ﺑﻴﺒﻴﻌﻮ ﻓﻴﻨﺎ ﺑﻲ ﺍﺍﺍﺍﻱ ﺷﻲ ...
#

03/01/2026

رأيت الهلال ووجه الحبيب
فكانا هلالين عند النظر
فلم أدر من حيرتي فيهما
هلال الدجى من هلال البشر
ولولا التورد في الوجنتين
وما راعني من سواد الشعر
لكنت أظن الهلال الحبيب
وكنت أظن الحببب القمر

12/08/2025

ﺑﻌﺪ تعب ﺷﺪﻳﺪ ﻭﻛﻤﻴﺔ ﺻﻨﺎﺩﻳﻖ ﻻ ﺣﺼﺮ ﻟﻬﺎ ﻣﻦ 2019
ودعمتي عزو مقرطها ﻣﻊ ﻧﻔﺴﻪ ﺗﻘﺮيطة جد ﻳﺎﺍﺍﺍﺥ ﻛﺎﻥ ﺍﻟﺠﻨﻴﻪ ﺩﺧﻞ ﺟﻴﺒﻮ ﺍﻻ ﺑﻨﻚ ﺍﻟﺴﻮﺩﺍﻥ
ﻳﻄﺒﻊ ﻭﺍﺣﺪ ﻏﻴﺮﻭ ﻣﺎﺑﻄﻠﻊ ﻗﺮﻭﺷﻮ ﺑﺎﻟﺴﺎﻫﻞ .

ﺟﺎﺏ ﻟﻴﻬﻮ
#ﺗﻠﻔﻮﻥ A04
ﻃﺒﻌﺎ ﻟﻤﻦ ﺩﺍﻳﺮ ﻳﺸﺘﺮﻳﻬﻮ ﺳﺎﻕ ﻣﻌﺎﻫﻮ ﻟﺠﻨﺔ ﺗﻘﺼﻲ ﺣﻘﺎﺋﻖ ﻣﻜﻮﻧﺔ ﻣﻦ 12
ﺷﺨﺺ ﻣﻦ ﺍﺻﺤﺎﺑﻮ ﺑﻔﻬﻤـﻮ ﻓﻲ ﻣﺠﺎﻝ ﺍﻻﻟﻜﺘﺮﻭﻧﻴﺎﺕ ﻋﺸﺎﻥ ﻳﺸﻮﻓﻮ ﻟﻴﻬﻮ
ﺍﻟﺘﻠﻔﻮﻥ ﺩﺓ ﺍﺻﻠﻲ ﻭﻻ ﻣﺎ ﺍﺻــﻠﻲ
ﺳﻴﺪ ﺍﻟﻤﺤﻞ ﻳﺪﻳﻬﻢ ﺍﻟﺘﻠﻔﻮﻥ ﻳﻠﻒ ﻋﻠﻴﻬﻢ ﻛﻠﻬﻢ ﻧﻔﺮ ﻧﻔﺮ ﻭﻟﻮ ﻭﺍﺣﺪ ﻓﻴﻬﻢ ﻗﺎﻝ
ﺍﻟﺘﻠﻔﻮﻥ ﺩﺓ ﻣﺎ ﺍﺻﻠﻲ ﺍﻟﺘﻠﻔﻮﻥ ﻳﺮﺟﻊ ﻛﺮﺗﻮﻧﺘﻮ ﻃﻮﺍﻟﻲ ﺍﻟﻤﻮﺿﻮﻉ ﺩﺓ ﻣﻦ ﺗﺴﻌﺔ
ﺻﺒﺎﺣﺂ ﻟﻲ ﻭﺍﺣﺪﺓ ﻇﻬﺮ ﻟﻔﻮ ﺩﻛﺎﻛﻴﻦ ﺍﻟﺴﻮﻕ ﺩﻱ ﺩﻛﺎﻥ ﺩﻛﺎﻥ ﻟﻤﻦ ﻋﻤﻠﻮ ﺭﻋﺐ
ﻓﻲ ﺍﻟﺴﻮﻕ 😅
ﺍﻟﻤﻬﻢ ﺑﻌﺪ ﺗﻌﺐ ﺷﺪﻳﺪ ﻭﻣﺸﺎﻭﺭﺍﺕ ﺍﺗﻔﻘﺖ ﺍﻟﻠﺠﻨﺔ ﻋﻠﻲ ﺗﻠﻔﻮﻥ ﻣﻌﻴﻦ ﻭﻗﺎﻟﻮ
ﺍﺻﻠﻲ ﻭﺑﻌﺪ ﻛﺪﺓ ﺧﺸﺖ ﻟﺠﻨﺔ ﺟﺪﻳﺪﺓ
ﻓﻲ ﺍﻟﺴﻌﺮ
ﺍﻟﻠﺠﻨﺔ ﺩﻱ ﻗﻮﻣﺖ ﻧﻔﺲ ﺳﻴﺪ ﺍﻟﻤﺤﻞ
ﺳﻴﺪ ﺍﻟﺘﻠﻔﻮﻥ ﻳﻘﻮﻝ 120 ﺍﻟﻠﺠﻨﺔ ﺗﻘﻮﻝ
90 ﻟﻤﻦ ﺫﻫﺞ ﻣﻨﻬﻢ ﻗﺎﻡ ﻃﺮﺩﻫﻢ ﻭﻗﺎﻝ ﻟﻴﻬﻢ ﻟﻮ ﻋﻨﺪﻛﻢ 120
ﺧﺘﻮﻫﺎ ﻣﺎﻋﻨﺪﻛﻢ ﻣﺎﻋﻨﺪﻱ ﺗﻠﻔﻮﻧﺎﺕ ﻟﻠﺒﻴﻊ
ﺍﻟﻤﻬﻢ ﺍﺷﺘﺮﻱ ﺍﻟﺘﻠﻔﻮﻥ .
ﺍﻟﺘﻠﻔﻮﻥ ﺩﺓ ﺧﺸﺎ ﺑﻴﺘﻨﺎ ﺍﻟﺴﺎﻋﺔ ﻭاﺣﺪه
ﺍﺧﺪ ﺳﺎﻋﺘﻴﻦ ﺷﺤﻦ ﻭﻣﻦ ﺗﻼﺗﺔ عزو ﻣﺎﺳﻚ ﺍﻟﺘﻠﻔﻮﻥ ﻣﺎﻓﻜﺎﻫﻮ ﻣﻦ ﺍﻳﺪﻭ .
ﺣﻮﻟﻨﺎ ﻟﻲ ﺍﻟﻮﺍﺗﺴﺎﺏ/ ﻭﺍﻟﻤﺎﺳﻨﺠﺮ/ﺍﻟﻔﻴﺴﺒﻮﻙ ﻭﺻﺒﻮﻱ/ ﻭﻟﻌﺒﺔ ﻋﺮﺑﺎﺕ .
ﻭﺍﻧﺎ ﻧﺎﻭﻱ ﻟﻴﻬﻮ ﻧﻴﺔ ﺳﻮﺩﺍﺀ ﺳﺎﻫﺮﺗﺎ ﻣﻌﺎﻫﻮ ﻟﺤﺪﻱ ﺣﺪﺍﺷﺮ ﺑﺎﻟﻠﻴﻞ ﻣﺎ فكا ﺍﻟﺘﻠﻔﻮﻥ ﻣﻦ ﺍﻳﺪﻭ
ﺯﻫﺠﺘﺎ منو ﺿﺒﻄﺖ ﺍﻟﻤﻨﺒﻪ ﺑﺘﺎﻋﻲ ﻟﻲ ﺗﻼﺗﺔ ﺻﺒﺎﺣﺎ
ﺻﺤﻴﺖ ﺗﻼﺗﺔ ﺻﺒﺎﺣﺎ لقيتو نااام
ﺷﻠﺘﺎ ﺍﻟﺘﻠﻔﻮﻥ ﺑﻲ ﺷﺎﺣﻨﻮ ﻭﻛﺮﺗﻮﻧﺘﻮ ﻭﺳﻤﺎﻋﺘﻮ ﻭﻛﺮﺕ ﺿﻤﺎﻧﻮ ﻭﺩﺳﻴﺘﻬﻢ ﻓﻲ ﺩﻭﻻﺑﻲ ﻭﻧﻤﺘﺎ ﻋﻠﻲ ﻛﺪﺓ .
ﻣﻦ ﺍﻟﺘﻌﺐ ﻭﺍﻟﺴﻬﺮ ﺻﺤﻴﺖ ﺣﺪﺍﺷﺮ ﺻﺒﺎﺣـﺂ
ﺍﻓﺘﺢ ﻋﻴﻮﻧﻲ ﺍﺷﻮﻓﻮ ﻟﻴﻚ ﻧﺎﺱ ﺑﻴﺘﻨﺎ ﻛﻠﻬﻢ ﻻﻣﻴﻦ ﻓﻲ ﺳﺮﻳﺮ عزو
ﻭﺯﻭﻟـﻲ ﺑﻔﺮﻓﺮ ﻭﺑﻘﻮﻝ ﻛﻼﻡ ﺧﺎﺭﻡ ﺑﺎﺭﻡ

ﻓﻲ ﺷﻨﻮ ﻳﻤﺔ عزو ﻣﺎﻟﻮ
ﻗﺎﻟﺖ ﻟﻲ ﺷﻜﻠﻮ ﻋﻔﺺ ﻟﻴﻬﻮ ﺷﻴﻄﺎﻥ ﻭﻻﺷﺮﺏ ﻟﻴﻬﻮ
ﻧﺼﻴﺒﺔ ﻭﻻ ﺑﻠﻊ ﻟﻴﻬﻮ ﺧﺮﺷﺔ
ﻣﻦ ﻣﺘﻴﻦ؟؟؟
ﻗﺎﻟﺖ ﻟﻲ ﻣﻦ ﻓﺘﺢ ﻋﻴﻮﻧﻮ ﻣﻦ ﺍﻟﻨﻮﻡ
ﺑﻌﺪ ﻣﻌﺎﻧﺎﺓ ﻗﺪﺭﺕ ﺍﻓﻬﻢ ﻣﻨﻮ ﻛﻠﻤﺔ ﺗﻠﻔﻮﻥ ﻭﺍﺗﺬﻛﺮﺗﺎ ﺍﻧﻮ ﺗﻠﻔﻮﻧﻮ ﻋﻨﺪﻱ ﻭﺩﺓ
ﺍﻟﻮﺻﻠﻮ ﺍﻟﻤﺮﺣﻠﺔ ﺩﻱ .
ﻟﻜﻦ ﻓﻲ ﻇﺮﻭﻑ ﺯﻱ ﺩﻱ ﻟﻮ ﻃﻠﻌﺘﺎ ﺍﻟﺘﻠﻔﻮﻥ ﻣﻦ ﺩﻭﻻﺑﻲ ﻣﻤﻜﻦ ﺍﺗﺤﺎﻛﻢ ﺑﻲ
ﺗﻬﻤﺔ ﺍﻟﺸﺮﻭﻉ ﺑﺎﻟﻘﺘﻞ ﻣﻦ ﻧﺎﺱ ﺑﻴﺘﻨﺎ
ﻗﻠﺘﺎ ﻟﻴﻬﻮ ﻣﺎﺻﺎﺡ ﻳﺎعزو ﺗﻠﻔﻮﻥ ﻳﻮﺻﻠﻚ ﻟﻠﺤﺎﻟﺔ ﺩﻱ ﺍﻧﺖ ﺯﻭﻝ ﻣﺆﻣﻦ ﺑﺎﻟﻠﻪ
ﺍﻧﺎﺑﻤﺸﻲ ﺑﻔﺘﺢ ﺑﻼﻍ ﺍﻥ ﺷﺎﺀﺍﻟﻠﻪ ﻧﻠﻘﺎﻫﻮ
ﻭﻣﺸﻴﺖ ﻭﺟﻴﺘﻮ ﺑﺎﻟﺘﻠﻔﻮﻥ بعد ٣ ساعات
ﻗﻠﺖ ﻟﻲ ﺑﻠﻐﺖ ﻧﺎﺱ ﺍﻟﻘﺴﻢ ﻗﺎﻟﻮ ﺍﻣﺒﺎﺭﺡ ﻗﺒﻀﻮ
ﺣﺮﺍﻣﻲ ﻋﻨﺪﻭ ﺍﻟﺘﻠﻔﻮﻥ ﺩﺓ ﻭﻛﻮﻳﺲ ﺍﻧﻮ ﻓﻴﻬﻮ ﺷﺮﻳﺤﺘﻚ
ﺣﺘﻲ ﺑﻌﺪ ﺩﺍﻙ ﻗﺪﺭ ﺍﻛﻞ ﻟﻴﻬﻮ ﺣﺎﺟﺔ ﻭﺑﻘﻴﻨﺎ ﻧﻔﻬﻢ ﻛﻼﻣﻮ ﻭﺭﺟﻊ ﻟﻲ ﺣﺎﻟﺘﻮ
ﺍﻟﻄﺒﻴﻌﻴﺔ
ﺍﻟﻐﺮﻳﺒﺔ ﻗﺎﻝ ﺍﻧﻮ ﻣﺎﺯﻋﻼﻥ ﻋﺸﺎﻥ ﺍﻟﺘﻠﻔﻮﻥ ﺯﻋﻼﻥ ﻋﺸﺎﻥ ﺍﻟﺸﺮﻳﺤﺔ ﻓﻲ ﺍﺭﻗﺎﻡ
ﻣﻬﻤﺔ
ﻭﻛﺎﻥ ﺧﺎﻳﻒ ﺍﻧﻬﺎ ﺗﻀﻴﻊ 😂😂😂😂

10/08/2025

09/03/2025

غايتو الظروف كشفت وجوه
ما كنا يوم عارفنها
جابت حقيقة ناس كتار
في الباردة كان داسنها

كنا بنقول ديل السند
ناس في القلوب حافظنها
بس الظروف جات كشفتم
طلعو الوجوه راسمنها

برضو الظروف ورتنا ناس
كان للاسف ظالمنها
وقفت معانا كما الجبال
لو قصرت عازرنها

وناسنا القدام يا للاسف
عشرت سنين خايننها
نكرونا لما احتجنا ليم
ووقفتنا الزمان ناسينها

شكرا ظروفنا الغربلت
معدن اناس جاهلنها
وحنبدا كل الجاي نشيل
ناس تاني ما دايرنها

ناس المصالح والطلس
والكنا ناس فاكرنها
وفي ناس حنمسك فيم قوي
لو مهما يحصل منها

02/12/2023

في كل حصة للّغة العربية يسألني الأستاذ عن عدد الحروف الأبجدية فأجيبه دون تفكير " سبعة وعشرون حرفًا "

_ خطأ ، كم مرة أخبرتك أنها ثمانية وعشرون .

_ بل سبعة وعشرون ، أنا متأكد من ذلك .

فيطلب مني أن أمد يدي ليضربني

وأمدها غير آبه بالألم لقد اعتدت على ذلك

نصحني زميلي بعد أن رأى آثار الضرب على كفي بأن أقول كما يقول الأستاذ لكنني أتجاهله

ثم أضع كفي على الحديدة لتبرد قليلًا .

دعاني مدير المدرسة ذات يوم يستوضح مني

بعد أن شكاني ذلك المدرس فبدأ يمتدح ذكائي وكم أنني طالب مثابر ومتميز

قد أدركت مايريد مني فقاطعته وقلت له مباشرةً : "إنها سبعة وعشرون حرفًا " ..

ثم انصرفت وتركته في حيرته يراقب خطواتي وأنا أخرج الباب .

توجهت نحو المنزل ، مثقل بحقيبتي الممتلئة بالكتب والدفاتر

تفتح لي أمي الباب وتحتضنني كعادتها ، ثم تفتح كفي المنقبضة لترى ما اعتادت أن تراه

_ متى ستعقل( ياصغيغي )، إنها مشيئة الله

فأقَبِّل مفرق رأسها وأعِدُها كذبًا أن لا أكررها ثم أتجه نحو المطبخ وأنا أحدث نفسي ..

" إن حرفًا لا تنطقه أمي لا يعد من الأبجدية ."