26/06/2021
Windows 11
اعلنت microsoft عن اصدار windows 11 في مؤتمرها العالمي قبل ايام.. يلا حنعرض مميزاته الجديدة وواجهاته واي معلومة عنه في البوست دا.
زي ما عودتنا مايكوسوفت انها بتحاول في كل تحديث تجدد وتواكب وفي الاصدار دا بنلقي اختلافات كتيرة بين اصدار win 10 و win 11 من الاختلافات الجوهرية دي
1- صوت بدء التشغيل وجات بنغمة جديدة كليا.
2- شكل سطح المكتب (desktop) مختلف تماما، بتحس انه مزيج بين اندرويد ونظام ios لاجهزة Mac، انيق وظريف وسلس.
3-قائمة ابدا (start menu) وفي الاصدار دا منفصله عن شريط المهام (حرة الحركة)، وحتى شريط المهام بقي يشبه شريط مهام اجهزة mac، متوسطة سطح المكتب زي ما في الصورة 👇.
4- مايكروسوف كمان عملت حركة ظريفة في عرض التطبيقات او البرامج الشغالsnap layout ، يعني في كل الاصدارات السابقة كنت بتفتح البرامج في الشاشة كلها بصورة يدوية وتصغرها يدوي وتقسم الشاشة عليهم وضياع زمن كتير😪، اما الان في الخاصية دي انت ممكن بي ضغطة زر تعرض كل برامجك الشغال عليها في الشاشة بصورة اسهل واريح.
5-من اجمل الميزات في الاصدار دا وحتعجب كل الجيمرز (محبين الالعاب) خاصية auto HDR ، بزيد وضوح الصورة من خلال الذكاء الاصطناعي بصورة جمييييلة، وموجودة في اجهزة Xbox. وبتتفعل بشكل تلقائي.
6- التحديثات الكتيرة مااااف.. ما حيعذبك ويسحب النت حقك كله بالتحديثات الكبيرة والبتجي فجاة.. كل التحديثات الفيه امنية وصغيرة بنسبة لتحديثات النسخ القديمة.
7- ممكن تشغل برامج اندرويد عااادي جدا في الوندوز بدون محاكي ولا اي لخمة بكل بساطة تنزل التطبيق الانت عاوزة من Amazon play.. ناس ببجي 😆✌️✌️✌️.
8-ناس الالعاب تاني جيناكم في ميزة مهمة ليكم شااااديد وهي Direct Storage API وهي شنووووو الخاصية دي باختصار بتخلي الالعاب اخف واسرع وما بتستهلك من جهد هارد الجهاز لان بتعالج من hdd او من الssd لكرت الشاشة طواااالي😍.. بدون الحوجة لاجهاد المعالج.
اخر نقطة اقل مواصفات ممكن تنزل فيها win11 :
المعالج dual core 1 MHz.
الرام 4Gb.
الوندوز متوفر عندنا نسخة تجريبية beta.. لو حاب تحربه اصلنا وبنعزك
اما النسخة الكاملة حتنزل شهر 10 ان شاء الله
وكمان حتكون متوفرة باذن الله وكمان بنعزك😉..
