24/12/2025
ကိုယ်ကကိုယ် သူကသူ ကိုယ်နဲ့သူ တုပြိုင်မနေပါနဲ့
*********************************************
မြောင်းထဲမှာ မြောင်းဖော်နေတဲ့သူတစ်ယောက်
ရွံ့တစ်စက်ပေသွားလို့ ဘာမှဖြစ်မသွားပါဘူး..
မြောင်းဘေးက ရပ်ကြည့်နေတဲ့သူ
ရွှံ့တစ်စက်ပေသွားရင် သိပ်သိသာပါတယ်..
မကောင်းမှုမျိုးစုံပြုနေတဲ့ လူတစ်ယောက်
မကောင်းမှုတစ်ခုကို ကျူးလွန်လိုက်လို့လည်း
ထူးပြီးမသိသာသွားသလို
ပတ်ဝန်းကျင်ကလည်း ထူးပြီးစိတ်မဝင်စားပါဘူး..
စင်စင်ကြယ်ကြယ်နေတဲ့လူတစ်ယောက်
မသင့်တော်တာ တစ်ခုခုလုပ်လိုက်ရင်တော့
သိပ်ပြီး သိသာနေတတ်ပါတယ်..
နောက် ဥပမာတစ်ခုကတော့
လက်နှီးစုတ်မှာ အိုးမဲတစ်ကွက် ထပ်ပေလို့
ထူးပြီး မသိသာပါဘူး..
အဝတ်ဖြူဖြူမှာ အိုးမဲတစ်ကွက် ပေကျံလိုက်ရင်တော့
သိပ်ပြီး သိသာနေတတ်ပါတယ်..
ဒါကြောင့် ကိုယ်ကကိုယ် သူကသူ
ကိုယ်နဲ့သူ နှိုင်းယှဉ်ပြီး မနေကောင်းပါဘူး..။
ရဝေနွယ်(အင်းမ)
