Maktabadda Sooyaal

05/09/2026

Halkaa waxa ka muuqda masaajidka Xamuudi, oo ah astaanta taariikhiga ah ee dalka Jabuuti. Sawirku waa labaataneeyadii qarnigii tagay.

04/09/2026

Berbera 1885. Waxa muuqda masaajidkii Turkiga, dhanka bidixda Qubadda muuqata waxa aan u malaynaya in ay xaruntii Sheekh Maama tahay. Magaaladan muuqata waa dhankii shacabka.

31/08/2026

Aqal Soomaaligan marka aan arko, waxa aan sawiran jiray in uu ku yaallo goob u dhaw magaalada Boosaaso, se sidaa maaha, xog aan heley dhawaan waxay sheegaysa, in sawirka halka lagaga qaaday aqalka ay Cadan tahay 1881 kii, buurihii dhaadheera ee Cadan ayaa halkaa ka muuqda, waxaana lagu sii waday Faransiiska. Wax alla iyo wixii aqal Soomaali u baahnaa, marka la dhisayo iyo agab gudaha la dhigo waa loo dahmnaystiray. Ragga hortaagan dhawr jeer oo h**e ayaynu kasoo hadalnay. Aqalka waxa loo raray Revoil.

30/08/2026

30/08/2026

Sawirkan waxa aan ka soo qaatay buug uu qoray Luigo Robbechi 1890, waxaana la daabacay 1903. Waxa aan uga danleeyahay in aan intaa xuso, waxa jirtay mar aan soo dhigay nin dallad haysta, taariikhdiisana aan ku soo qoray 1913, sidii caadiga ahayd waxa iska soo baxay dad beeniya, Soomaali dallad haystay xilligaa. Sawirkan haddii aanu kamid ahayn kuwii Robbechi qaaday, oo ay qolada daabacday buugga ay raaciyeen, labada taariikhood wax badan uma dhexeeyaan.

29/08/2026

Cadan 1880. Saddex nin oo Dhulbahante ah iyo nin Sinjibaari ah. Cali Faarax, Abdullaahi Maxamed iyo Maxamed Cali ( Dhulbahante), Sinjibaarigu dhexda ayuu ku jiraa. Abdullahi waa ninkii u qori jiray waraaqaha Carabiga ah Revoil, wuxu ku qoray afcarabi dhirta iyo goobaha ay socdaalka ku mareeen oo u badnayd Sanaag, sidoo kale wuxu ka saxay Revoil dhawaaqa saxda ah ee Carabi ahaan loogu dhawaaqo dhirta iyo goobaha ay mareen oo dhan.