10/09/2026
بسم الله الرحمن الرحيم
الأجارات بإدلب شيئ بعيد عن المنطق وأغلب الناس بتتهم التجار بسبب الاسعار وبدون ما يعرفوا حقيقة الأمر
محلنا إنتهى عقدو وصاحب المحل بدو ياه بدو يفتح مصلحة لحالو وألنا فترة مندور على محل
المحلات الي عم نلاقيهم صغار بمساحة لاتتجاوز ٣×٣ ومو هون المشكلة
المشكلة أن أجار هيك محل إذا بالسوق أو على شارع ماعم يكون تحت ال٥٠٠$ بالشهر وفي ناس طلبت ٨٠٠ أو ١٠٠٠$ شهريآ
المحلات الكبيرة أغلى من هيك بكتير
مثلآ لقينا محل مساحتو منيحة بدن أجارو ٢٥٠٠$ شهريآ والدفع سلف لمدة ٦ أشهر
يعني لازم ندفع ١٥ الف دولار لحتى نحط بضاعتنا بمحل
الي عم يصير شيئ لايقبلو العقل
لا انتو بترضو نشتغل بخسارة
ولا نحن رضيانين نرفع الأسعار أكتر من هيك لنتماشى مع واقع غير مفهوم وغير منطقي
لذلك قررنا الإنتقال لمستودع والبيع عن طريق النت فقط وبما أن رح نوفر أجار المحل فأكيد رح نعمل عروض وحسومات وتوصيل مجاني
وحتى لو مانجح معنا الأمر عندي أستعداد نسق البضاعة وكبها ولا بيع بأسعار ترضي غرور البعض
بيكفينا الي صار بالفترة الماضية من أمور أدت لزيادة التكاليف على البضاعة بشكل عام
نتمنى دعمكم
ودمتم بخير
@أبرز المعجبين
