12/08/2026
🥹❤️ مين بيتذكر سندويشة المدرسة تبع أمه؟
كانت أمنا تحضّرلك السندويشة وتحطها بكيس خبز، وبعدها بكيس أسود، وتوصيك قبل ما تطلع:
«كلها كلها… لا تترك منها شي!»
يوم كانت زعتر…
ويوم لبنة…
ويوم دبس بندورة 😂
ويوم من خير الله وأكل البيت، أي شي موجود كانت تحطلك منو وتقول:
«هاد أطيب… كلو!» ❤️
وكنا وقتها نتأفف ونقول:
«كل يوم نفس الأكل!»
وما كنا نعرف إنو هالسندويشة البسيطة كانت مليانة حب وحنان وخوف علينا.
كبرنا اليوم، وصار فينا نشتري أطيب الأكل… بس مهما أكلنا، ما عاد لقينا نفس الطعمة.
لأنو السر ما كان بالخبز ولا بالحشوة…
السر كان بإيد أمنا. 🥹❤️
كانت الحياة بسيطة، بس أمهاتنا كانوا يعرفوا كيف يخلّوا أبسط الأشياء بعيوننا أحلى من الدنيا كلها.
وبعد ما ناكل السندويشة ونرجع عالبيت، كانت في شغلة أهم من السندويشة نفسها 😁
«بس دير بالك… رجّعلي الكيس الأسود!» 🤣
كان الكيس الأسود عندها غالي…
السندويشة بتنأكل، بس الكيس الأسود لازم يرجع سالم غانم!
الله يحفظ كل أم، ويرحم كل أم غابت عن عيوننا وبقيت تفاصيلها ساكنة بقلوبنا. ❤️🥹
