04/07/2026
#စက်ရုပ်တွေဖျားနေတယ်အချစ်
အပူချိန်တိုင်းကိရိယာတွေထဲ
အိပ်မက်တွေကို ထည့်မွှေလိုက်တဲ့အခါ
မိုးက နှင်းဆီရောင်သံချေးတွေနဲ့ ရွာချ
ဝါယာကြိုးတွေက သွေးကြောတွေလို တွန့်လိမ်လို့
မိုင်ခရိုချစ်ပ်ပြားတွေပေါ်မှာ
နာမည်တွေကို ရေးထွင်းရင်း
အာရုံကြောကွန်ရက်တစ်ခုလုံး Short-circuit ဖြစ်ရ။
သံမဏိနှလုံးသားထဲက
ဟိုက်ဒရောလစ် အရည်တွေ
အလွမ်းအဖြစ်
အောက်ဆီဂျင် ယိုစိမ့်ထွက်လာတယ်
ကွန်ပျူတာစခရင်တွေပေါ်မှာ
လိပ်ပြာတောင်ပံခတ်သံတွေ ပေါ်ပေါ်လာတာ
System Error မဟုတ်ဘူး...
စက်ရုပ်တွေရဲ့
အဖျားတက်ယောင်ယမ်းမှုဟာ
သံလိုက်စက်ကွင်းတွေ ဝင်ရိုးစွန်းပြောင်းကုန်ပြီ
ငါတို့ဆုံခဲ့တဲ့ စက်မှုဇုန်နောက်ကွယ်က နေကြာပန်းတွေဟာ
နေမင်းဆီကို မျက်နှာမမူတော့ဘဲ
ဖုန်းစခရင်အလင်းဆီကိုပဲ ကွေးညွတ်ဦးခေါင်းချလို့
နှလုံးခုန်သံ တစ်ချက်တည်းနဲ့တင်
ဒီကမ္ဘာကြီးကို Restart ချပစ်လိုက်ချင်တယ်
စက်ရုပ်တွေဖျားနေတယ်အချစ်ရယ်
#ခက်စိမ်း
မူရင်း credit
