2244 Sone Sone Si Si

25/10/2025

▪️24 အောက်တိုဘာလ 2025 တွင်ထိုင်းဘုရင်မကြီး ကံတော်ကုန်ခဲ့ပါပြီ။
▪️ထိုင်းပြည်သူပြည်သားများနဲ့အတူ 2️⃣2️⃣4️⃣4️⃣ မိသားစုမှ ထိုင်းဘုရင်မကြီးအားလွမ်းဆွတ်သတိရနေပါကြောင်း နှင့် ကောင်းရာ သုဂတိလားပါစေကြောင်း မေတ္တာပို့ ဆုတောင်းလိုက်ပါရစေ။ 🥹

▪️สมเด็จพระนางเจ้าสิริกิติ์ พระบรมราชินีนาถ พระบรมราชชนนีพันปีหลวง เสด็จสู่สวรรคาลัย
พระเสด็จสู่สวรรคาลัยแล้ว
โอ้พระทูลกระหม่อมแก้วแห่งปวงข้า
สะเทือนดิน สะท้านดาว หนาวน้ำตา
ทุกหย่อมหญ้าโศกาลัยใจร้าวราน
กราบแทบพระบาทพระพันปีหลวง
ใจทุกดวงทุกข์หม่นเศร้ามหาศาล
ตุลาคมแผ่วลมหนาวอีกยาวนาน
ร้าวดวงมานสุดอาลัยแม่แผ่นดิน
น้อมสำนึกในพระมหากรุณาธิคุณเป็นล้นพ้นอันหาที่สุดมิได้

25/10/2025

22/10/2025

ဘန်ကောက်မြို့၊ (บางกอกน้อย-ဘန့်ကော်နွယ်)မှာ၊
21ရက်နေ့၊ မနက် 9:08မိနစ် လောက်က၊
၃-လောင်း-ပြိုင်-လူ-€-တ်-မှု ဖြစ်သွားခဲ့တယ်။ အခင်းဖြစ်၊နေရာက ခုတွေ့ရတဲ့ 4ထပ်အဆောက်အဦးတွေရဲ့ ၊ 3ထပ်မြောက် တိုက်ခန်းတခုဆီက၊ ခြံရှေ့မှာက ရဲအရာရှိ ကြီး တဦးရဲ့ အမည်ကို ချိပ်ဆွဲထားတယ်။
အခင်းဖြစ် တိုက်ခန်း၊ 3ထပ်မြောက်မှာက မိသားစု 3ဦးနေကြတယ်။ မိသားစု အားလုံး သူတို့ ရဲ့ အိပ်ခန်းထဲမှာ၊ ေ-သ-န-တ်-ဒဏ်ရာတွေနဲ့၊ ဆုံးနေကြတယ်။
တာဝန်ရှိသူတွေ၊သုံးသပ် ချက်ကတော့၊ -€-တ်-တဲ့ သူဟာ-တိုက်ခန်းပိုင်ရှင် ဖြစ်တဲ့၊ခင်ပွန်း ၊ ရဲအရာရှိက သူ့မိန်းမနဲ့၊ 9နှစ် သမီး လေးကို ၊ရှင်း-ပ-စ်-လိုက်တာ
သမီးလေးကို အရင်းရှင်းတယ်။ နောက်..မိန်းမကို ရှင်းလိုက်ပီး၊နောက်ဆုံး..သူ့ကိုသူ…အ-ဆုံး-စီ-ရင်-ရှင်းသွားတယ် လိုသိရတယ်။
ရဲ သုံးသပ် ချက်ကတော့၊ ခင်ပွန်းဖြစ်သူဟာ၊ စိတ်ညစ်တယ်၊ စဉ်းစားများပီး၊ မိန်းမနဲ့ သမီးဖြစ်သူကို အဲလိုမျိုး အပီး ရှင်းလိုက်တာလို့ မှတ်ယူရတယ်။
21.10.2025၊မနက် 9:08မိနစ်၊ ဘန်ကောက်-ဘန့်ကော်နွယ်(กทม-บางกอกน้อย)မှာ ဖြစ်သွားခဲ့တာပါ။

02/10/2025

‼️Central World က Apple Store နှင့် Groove အရှေ့နားက ရဲ ဆေးရုံရှေ့မှာ 70cmအနက်ရှိ မြေပြိုမှုထပ်မံ ဖြစ်ပွါးခဲ့ပါတယ်။
‼️မြေပြိုမှု လေးတွေ စိပ်လာတာကြောင့် ထိုင်းနိုင်အတွင်း သတိဝီရိယလေး နဲ့ သွားလာကြပါအုံး

🔺အားလုံး ဘေးကင်းကြပါစေ။

25/09/2025

လူသစ်ဘတ်ရိုက်ပေးမဲ့အစီအစဉ်ကို နောက်လ 10 ရက်နေ့ (သို့) ၁၁ လပိုင်း ပထမပါတ် စတင်လုပ်ဆောင်မယ်လို့သိရပါတယ်။

▪️Namelist တင်ရမယ်။
▪️သွေးစစ် ရပါမယ်။
▪️အာမခံဝယ် ရပါမယ်။
▪️လက်ဗွေနှိပ်ရပါမယ်။
▪️ပါမစ်ဖိုးသွင်းရပါမယ်။
▪️ပန်းရောင်ကတ်ရိုက်ပါရမယ်။
▪️ပါမစ်နဲ့ဗီဇာတစ်နှစ်ရရှိမှာဖြစ်ပါတယ်။

🔺 ဘတ်ဖွင့်ပေးမဲ့အချိန် 15 ရက် ပေမို့ ကြိုတင်စာရင်းပေး လုပ်ထားရမှာပါ။

🔺ထိုင်းနိုင်ငံအတွင်း ဘယ်နေရာကနေမဆို
ဘတ်စာရင်းတင်လို့ရပါတယ်

#ဘတ်စာရင်း #ထိုင်းနိုင်ငံ #ဘန်ကောက် #မြန်မာ

25/09/2025

‼️အရေးပေါ် သတင်းအသစ်

🔺 CI မှ PJပြောင်းထားသောလူများနိုင်ငံခြားထွက်လို့မရနိုင်တော့လောက်ပါဘူး။

🔺ထိုင်းနိုင်ငံတွင်းတွင် CI မှ PJ သို့ ပြောင်းထားသော PJ စာအုပ်များ ထိုင်းနိုင်ငံတွင်းတွင်သာ အသုံးပြုခွင့်ရှိ မည်ဟု ကြားသိရပါတယ်။ PJ စာအုပ်များ ထိုင်းနိုင်ငံတွင်းတွင်သာ အသုံးပြုခွင့်ရရှိမည်ဟုသိရပါတယ်။

🔺PJ စာအုပ်ကိုင်ထားသော်လည်း အဆိုပါ PJ စာအုပ်ဖြင့် မြန်မာနိုင်ငံမဟုတ်တဲ့အခြားနိုင်ငံသို့ သွားလာခွင့်မရှိပါ။

🔺CI စာအုပ်မှ PJ စာအုပ်သို့ပြောင်းလဲထားသော စာအုပ်များသာ လို့လည်းသိရပါတယ်။

❌အရင်ကထုတ်ထားသော PJ စာအုပ်များမပါဝင်ပါ

20/09/2025

ထိုင်းနိုင်ငံ၊တာ့ခ်ခရိုင်တွင် အိမ်စီးဆလွန်းကားဖြင့် တရားမဝင် ဝင်ရောက်လာသော မြန်မာနိုင်ငံသား ၃ ဦးကို ဖမ်းဆီးရရှိ

ရန်ကုန်၊ စက်တင်ဘာ ၂၀

ထိုင်းနိုင်ငံ၊တာ့ခ်ခရိုင်တွင် အိမ်စီးဆလွန်းကားဖြင့် တရားမဝင် ဝင်ရောက်လာသော မြန်မာနိုင်ငံသား ၃ ဦးကို ဖမ်းဆီးရရှိကြောင်း ထိုင်းအာဏာပိုင်များက သတင်းထုတ်ပြန်သည်။

ယနေ့ နံနက်ပိုင်း မဲဆောက်မြို့မှ တာ့ခ်ခရိုင်ဘက်သို့ ဦးတည်လာသော Toyota Camry အိမ်စီး ဆလွန်း ကားကို စစ်ဆေးရေးဂိတ်တွင် စစ်ဆေးရာ ယာဉ်အတွင်း ပုန်းခိုလိုက်ပါလာသော မြန်မာနိုင်ငံသား ၃ ဦးကိုတွေ့ရှိရကြောင်း၊ အဆိုပါ မြန်မာနိုင်ငံသား ၃ ဦးတွင် နိုင်ငံကူးလက်မှတ်နှင့် အထောက်အထား မပါရှိကြောင်း သိရှိသည်။

ယင်းနောက် ယာဉ်မောင်းကိုလည်း ဖမ်းဆီးပြီး ဖမ်းဆီးရရှိသူ မြန်မာနိုင်ငံသား ၃ ဦးကိုလည်း ရဲစခန်းသို့ပို့ဆောင်ထားကြောင်း၊ ထိုင်းနိုင်ငံအတွင်းသို့ တရားမဝင် ဝင်ရောက်မှုဖြင့် ဖမ်းဆီးအရေးယူသွားမည်ဖြစ်ကြောင်း သိရှိရသည်။

20/09/2025

ထိုင်းမှာ သတိထားသင့်တဲ့ ထူးဆန်းတဲ့ ဥပဒေ (၁၀) ခု

Crd ဘန်ကောက်လမ်းညွှန်ကိုစိုင်း

ထိုင်းနိုင်ငံဟာ ကြွယ်ဝတဲ့ ရိုးရာဓလေ့တွေ၊ များပြားတဲ့ ယဉ်ကျေးမှုတွေနဲ့ ပြည့်နှက်နေတဲ့ နိုင်ငံတစ်ခုဖြစ်သလို တစ်ခါတလေမှာ လူတွေကို ကြောင်သွားစေလောက်တဲ့ ထူးထူးဆန်းဆန်း ဥပဒေတွေလည်း ရှိနေတတ်ပါတယ်။

အောက်မှာတော့ နိုင်ငံခြားသားတိုင်း သတိထားသင့်တဲ့ ထိုင်းနိုင်ငံရဲ့ ထူးဆန်းတဲ့ ဥပဒေ (၁၀) ခုအကြောင်းကို ဖော်ပြပေးလိုက်ပါတယ်။

🔶 အင်္ကျီမဝတ်ဘဲ ကားမမောင်းပါနဲ့

ထိုင်းနိုင်ငံရဲ့ ပူပြင်းခြောက်သွေ့ပြီး စိုစွတ်တဲ့ရာသီဥတုကြောင့် ခရီးသွားအများစု အင်္ကျီမဝတ်ဘဲ သွားလာနေတာကို နားလည်ပေးလို့ရပါတယ်။ ဒါပေမဲ့ သင်က ကား၊ မော်တော်ဆိုင်ကယ် စတဲ့ ယာဉ်တစ်စီးကို မောင်းနှင်နေချိန်ဆိုရင်တော့ ရာသီဥတုဘယ်လောက်ပဲပူနေပါစေ အဝတ်အစားကို အမြဲဝတ်ထားသင့်ပါတယ်။အင်္ကျီမဝတ်ဘဲ ယာဉ်မောင်းတဲ့အတွက် သင့်ကို ရဲကဖမ်းဆီးနိုင်ပြီး ဒဏ်ငွေ ဒါမှမဟုတ် ထောင်ဒဏ်တောင် ကျခံရနိုင်ပါတယ်။

🔶 အတွင်းခံမဝတ်ဘဲ မသွားလာပါနဲ့

ထိုင်းမှာ အတွင်းခံမဝတ်ဘဲ အပြင်မထွက်ရဘူးလို့ တိုက်ရိုက်တားမြစ်ထားတဲ့ ဥပဒေတော့မရှိပါဘူး။ ဒါပေမဲ့ ထိုင်းဥပဒေက ပြည်သူ့ရှေ့မှာ မဖွယ်မရာပြုမူတာကို တားမြစ်ထားတဲ့အတွက် တကယ်လို့ သင့်ဘောင်းဘီ ကျွတ်ကျသွားချိန်မှာ အတွင်းခံမပါရင် လူတွေကို မဖွယ်မရာပြုမူတယ်ဆိုပြီး သင်ဒုက္ခရောက်နိုင်ပါတယ်။ တိုတိုပြောရရင် သင်အတွင်းခံဝတ်ထားလား၊ မဝတ်ထားလားဆိုတာကို လိုက်စစ်ဆေးမယ့် ရဲတပ်ဖွဲ့မရှိပေမယ့် ခရီးသွားတဲ့အခါ အတွင်းခံဘောင်းဘီထည့်လာတာကတော့ ပညာရှိရာရောက်တဲ့ လုပ်ရပ်တစ်ခုပါ။

🔶 တော်ဝင်မိသားစုကို မထီမဲ့မြင်မပြုပါနဲ့

ထိုင်းမှာ ၁၉၀၈ ခုနှစ်မှာ စတင်ပြဋ္ဌာန်းခဲ့တဲ့ ဘုရင်မင်းမြတ်ကို စော်ကားမှု (Lese Majeste) ဥပဒေတွေဟာ ကမ္ဘာပေါ်မှာ အပြင်းထန်ဆုံးတွေထဲက တစ်ခုဖြစ်ပါတယ်။ ဘုရင်စနစ်အပေါ် ဘယ်လိုပုံစံနဲ့ပဲဖြစ်ဖြစ် စော်ကားတာ၊ လှောင်ပြောင်တာ ဒါမှမဟုတ် ဝေဖန်တာတွေအားလုံးကို ရာဇဝတ်မှုအဖြစ် သတ်မှတ်ပြီး ထောင်ဒဏ် ၁၅ နှစ်အထိ ချမှတ်နိုင်ပါတယ်။ ဒါကြောင့် ထိုင်းနိုင်ငံမှာရှိနေချိန်အတွင်း တော်ဝင်မိသားစုနဲ့ပတ်သက်ပြီး နောက်ပြောင်တာ ဒါမှမဟုတ် ဘယ်လိုဝေဖန်မှုမျိုးကိုမဆို ရှောင်ရှားဖို့ သတိပြုပါ။

🔶 ထိုင်းပိုက်ဆံကို ခြေထောက်နဲ့မနင်းပါနဲ့

ထိုင်းမှာ ငွေကြေးကို ခြေထောက်နဲ့နင်းတာဟာ တရားမဝင်ပါဘူး။ ငွေစက္ကူတွေနဲ့ အကြွေစေ့တွေပေါ်မှာ ဘုရင်မင်းမြတ်ရဲ့ပုံတော်ပါတဲ့အတွက် အဲဒါတွေကို နင်းမိရင် ဘုရင်ကို မလေးစားရာရောက်ပါတယ်။ ဒါကြောင့် ကိုယ့်ခြေလှမ်းကို အမြဲသတိထားပြီး ပိုက်ဆံကို ကိုင်တွယ်တဲ့အခါ ဂရုစိုက်ပါ။ အကယ်လို့ ထိုင်းပိုက်ဆံတစ်ရွက် မတော်တဆလွတ်ကျသွားခဲ့ရင် လွင့်မသွားအောင် ခြေထောက်နဲ့တက်မနင်းမိပါစေနဲ့။

🔶 ကိုယ့်နိုင်ငံအလံကို မလွှင့်ထူပါနဲ့

တချို့လူတွေက ခရီးသွားတဲ့အခါ ကိုယ့်နိုင်ငံအလံကို သယ်သွားရတာကို သဘောကျကြပါတယ်။ ဒါပေမဲ့ ထိုင်းနိုင်ငံမှာ တခြားနိုင်ငံတွေရဲ့အလံကို လွှင့်ထူတာဟာ ဥပဒေနဲ့ဆန့်ကျင်တယ်ဆိုတာ သင်သိပါသလား။ ၁၉၇၉ ခုနှစ် အလံတော်အက်ဥပဒေအရ နိုင်ငံခြားအလံကို ဝှေ့ယမ်းတာ ဒါမှမဟုတ် လွှင့်ထူတာဟာ ထောင်ဒဏ်ကျခံရနိုင်ပါတယ်။ သံရုံးတွေနဲ့ သံတမန်နေအိမ်တွေကသာ အဲဒီလိုလုပ်ခွင့်ရှိပါတယ်။

ဒီစည်းကမ်းကို ဘယ်အတိုင်းအတာအထိ လိုက်နာဆောင်ရွက်နေလဲဆိုတာကတော့ အခြေအနေပေါ် မူတည်ပါလိမ့်မယ်။ ဘာလို့လဲဆိုတော့ စားသောက်ဆိုင်တွေ၊ ကမ်းခြေတွေလို နေရာတွေမှာ နိုင်ငံခြားအလံတွေကို သင်တွေ့နိုင်လို့ပါပဲ။ တချို့က သင့်ကို တရားစွဲနိုင်တယ်လို့ ငြင်းခုံနိုင်သလို တချို့ကတော့ ထိုင်းအလံကို အမြဲတမ်း ပိုမြင့်တဲ့နေရာမှာ ဒါမှမဟုတ် တူညီတဲ့အမြင့်မှာထားရင် ပြဿနာမရှိဘူးလို့ ပြောနိုင်ပါတယ်။ ဘယ်လိုပဲဖြစ်ဖြစ်၊ စွန့်စားပြီး သင့်အိမ်ရှေ့မြက်ခင်းပြင်မှာ ကိုယ့်နိုင်ငံအလံကို မလွှင့်ထူတာက အကောင်းဆုံးပါပဲ။

🔶 အမှိုက်မပစ်ပါနဲ့

ကမ္ဘာပေါ်က ဘယ်နေရာမှာပဲဖြစ်ဖြစ် အမှိုက်မပစ်သင့်ပါဘူး။ ဒါပေမဲ့ ထိုင်းနိုင်ငံမှာတော့ အမှိုက်ပစ်တာကို ဥပဒေအရ အပြစ်ပေးနိုင်ပါတယ်။ အကယ်လို့ သင်အမှိုက်ပစ်တာကို ဖမ်းမိခဲ့ရင် ဘတ် ၂,၀၀၀ အထိ ဒဏ်ငွေရိုက်ခံရနိုင်ပြီး ထောင်ဒဏ်တစ်နှစ်အထိတောင် ကျခံရနိုင်ပါတယ်။

🔶 ခွင့်ပြုချက်မရှိဘဲ ဘုရားဆင်းတုတော်တွေ၊ ပုံတော်တွေကို ထိုင်းနိုင်ငံထဲကနေ မယူသွားပါနဲ့

နိုင်ငံခြားသားတစ်ယောက်က ဘုရားဆင်းတုတော် ဒါမှမဟုတ် ပုံတော်တစ်ခုကို ခရီးဆောင်အိတ်ထဲ ထည့်သွားရင် ထိုင်းအကောက်ခွန်က အဲဒီပစ္စည်းကို သိမ်းဆည်းမှာဖြစ်ပြီး ဒဏ်ငွေ၊ ဒါမှမဟုတ် အဖမ်းခံရပြီး ထောင်ကျတာမျိုးတွေ ဖြစ်နိုင်တယ်ဆိုတာကို သတိပြုပါ။ ဘာသာတရားကိုင်းရှိုင်းတဲ့ ဗုဒ္ဓဘာသာဝင်တွေကလည်း တခြားဘာသာဝင်တွေရဲ့ အိမ်နဲ့ ခြံဝင်းကို ဘုရားဆင်းတုတော်တွေ၊ ပုံတော်တွေနဲ့ အလှဆင်တာဟာ စော်ကားရာရောက်တယ်လို့ ယူဆကြပါတယ်။

🔶 မိုက်ခရိုဖုန်းသုံးပြီး စကားပြောရင် ထိုင်းဘာသာကလွဲလို့ တခြားဘာသာစကားနဲ့ မပြောရ

ဒါဟာ ထိုင်းနိုင်ငံရဲ့ အထူးဆန်းဆုံး ဥပဒေတွေထဲက တစ်ခုဖြစ်နိုင်ပါတယ်။ အဲဒီထူးဆန်းတဲ့ ဥပဒေမှာ မိုက်ခရိုဖုန်းလို အသံချဲ့စက်တစ်ခုခုကိုသုံးပြီး ထိုင်းဘာသာကလွဲလို့ တခြားဘယ်ဘာသာစကားနဲ့မှ မပြောရဘူးလို့ ဖော်ပြထားပါတယ်။ ဟုတ်ပါတယ်၊ မိုက်ခရိုဖုန်းသုံးပြီး "Mic test" ဒါမှမဟုတ် "Hello test" လို့ပြောတာတောင်မှ ထောင်ဒဏ်တစ်လအထိ ကျခံရနိုင်တဲ့ ပြင်းထန်တဲ့ပြစ်မှုတစ်ခုပါ။

နည်းပညာပိုင်းအရ ထိုင်းဥပဒေက အများပြည်သူနဲ့ဆိုင်တဲ့ပွဲတွေမှာ အထူးခွင့်ပြုချက်မရှိဘဲ ထိုင်းဘာသာကလွဲလို့ တခြားဘာသာစကားနဲ့ မိုက်ခရိုဖုန်းကနေတစ်ဆင့် ပြောဆိုတာကို တားမြစ်ထားပါတယ်။ မူလကတော့ လူစုလူဝေးတွေကို ထိန်းချုပ်ဖို့ ရည်ရွယ်ခဲ့တာဖြစ်ပြီး ဒီနေ့ခေတ်မှာတော့ ဒီဥပဒေကို ကျင့်သုံးတာ ရှားပါးသွားပါပြီ။

🔶 ဖဲချပ်ရေ ၁၂၀ ထက်ပိုပြီး ပိုင်ဆိုင်တာဟာ တရားမဝင်ပါ

ထိုင်းမှာ ၁၉၄၃ ခုနှစ် ဖဲကစားခြင်းအက်ဥပဒေအရ ဖဲချပ်ရေ ၁၂၀ ထက်ပိုပြီး ပိုင်ဆိုင်တာဟာ တရားမဝင်ပါဘူး။ အဲဒီအတွက် ထောင်ဒဏ် ၁၀ နှစ်အထိနဲ့ ဒဏ်ငွေပါ ကျခံရနိုင်ပါတယ်။ ဒီဥပဒေကို မူလက တရားမဝင်လောင်းကစားတွေကို ထိန်းချုပ်ဖို့ ရည်ရွယ်ခဲ့တာပါ။ ဖဲထုပ်တစ်ထုပ်၊ နှစ်ထုပ်လောက် သယ်လာတဲ့ ခရီးသွားတွေအပေါ်မှာ ဒီဥပဒေကို ကျင့်သုံးတာ ရှားပါးပေမယ့် ဥပဒေစာအုပ်ထဲမှာတော့ ရှိနေတုန်းပါပဲ။

🔶 အရက်သောက်ဖို့ သင့်တော်တဲ့နေရာ

ထိုင်းနိုင်ငံမှာ ဘုရားကျောင်းကန်တွေ၊ အစိုးရအဆောက်အအုံတွေ၊ ကျောင်းတွေနဲ့ ဆေးရုံတွေအပါအဝင် အရက်သေစာကင်းမဲ့ဇုန်တွေကို သတ်မှတ်ထားပါတယ်။ ဒီနေရာတွေမှာ အရက်သောက်တာက ဒဏ်ငွေ ဒါမှမဟုတ် ထောင်ဒဏ်တောင် ကျခံရနိုင်ပါတယ်။ ထပ်ပြောရရင် အရက်ရောင်းချမှုကို နေ့ခင်းဘက် သတ်မှတ်ထားတဲ့အချိန်တွေနဲ့ ဘာသာရေးဆိုင်ရာအားလပ်ရက်တွေမှာ ကန့်သတ်ထားပါတယ်။ အရက်သောက်တဲ့အခါ ကိုယ့်ပတ်ဝန်းကျင်ကို အမြဲသတိထားပြီး ဒေသဆိုင်ရာလမ်းညွှန်ချက်တွေကို လိုက်နာပါ။ မဟုတ်ရင်တော့ အရက်သောက်ရင်း အဖမ်းခံရရင် အများဆုံးဒဏ်ငွေ ဘတ် ၁၀,၀၀၀ ဒါမှမဟုတ် ထောင်ဒဏ် ၆ လအထိ အပြစ်ပေးခံရနိုင်ပါတယ်။

Ref : Thethaiger

20/09/2025

ချင်းမိုင်မှာ ထိုင်းကျောင်းသားတွေတိုက်ခိုက်ခံရမှု မြန်မာ ၁၅ ဦးအဖမ်းခံရ

ထိုင်းနိုင်ငံမြောက်ပိုင်း၊ ချင်းမိုင်မြို့က အဝတ်လျှော်ဆိုင်ထဲဝင်ပြေးလာတဲ့ ထိုင်းကျောင်းသား ကျောင်းသူ ၃ ဦးကို ဓားနဲ့လိုက်လံတိုက်ခိုက်တဲ့ဖြစ်စဉ်မှာ အဓိကကျူးလွန်သူအပါအဝင် ၁၅ ဦးကို ဖမ်းဆီးခဲ့ပြီး ကျူးလွန်သူတွေဟာ မြန်မာနိုင်ငံသားတွေလို့ ထိုင်းရဲက ထုတ်ပြန်ပါတယ်။

အဓိကကျူးလွန်သူဖြစ်တဲ့ အသက် ၂၄ နှစ်အရွယ် မြန်မာနိုင်ငံသား ကိုစိုင်းအိုက်မောင်ဟာ ဘန်ကောက်ဘက်ကိုထွက်ပြေးဖို့ကြိုးစားချိန် လန်ဖမ် (Lamphun) ခရိုင်က စစ်ဆေးရေးဂိတ်မှာ ဖမ်းမိခဲ့ကြောင်း မနေ့ စက်တင်ဘာ ၁၉ ရက်မှာပြုလုပ်တဲ့ သတင်းစာရှင်းလင်းပွဲမှာ ထိုင်းရဲတွေက ပြောပါတယ်။

ဒီသတင်းအပြည့်အစုံအပါအဝင် စက်တင်ဘာ ၂၀ ရက် နိုင်ငံတဝန်းသတင်းများ အနှစ်ချုပ်ကို https://www.bbc.com/burmese/articles/cj4ywgp7x08o ဒီလင့်ခ်ကိုနှိပ်ပြီး ဝင်ရောက်ဖတ်ရှုနိုင်ပါတယ်။

ဓာတ်ပုံ - ထိုင်းရဲတပ်ဖွဲ့
#ဘီဘီစီမြန်မာပိုင်း #ချင်းမိုင် #ထိုင်းမြောက်ပိုင်း #ထိုင်းကျောင်းသား #မြန်မာ #ဓားခုတ်မှု

15/09/2025

▪️𝐌𝐨𝐧𝐬𝐭𝐞𝐫 𝐇𝐢𝐠𝐡 ~ 𝐁𝐚𝐫𝐛𝐢𝐞 တွေ 𝐒𝐚𝐥𝐞𝐬 ရှိပါမယ်။
ပုံမှန်စျေး 𝟏𝟖𝟎𝟎 /𝟐𝟎𝟎𝟎 နီးပါး စျေးတွေကို 𝟏𝟑𝟎𝟎~ 𝟏𝟓𝟎𝟎 ဝန်းကျင် (မြန်မာငွေ ၂သိန်း စွန်းစွန်းလေး) နဲ့ရပါမယ်။

🔺𝐁𝐚𝐧𝐠𝐤𝐨𝐤 𝐩𝐢𝐜𝐤𝐮𝐩 - အစိမ်းလိုင်း 𝐇𝐚𝐤 𝐘𝐚𝐞𝐤 𝐋𝐚𝐝 𝐏𝐡𝐚𝐫𝐨 / အပြာလိုင်း 𝐏𝐡𝐚𝐡𝐨𝐧𝐲𝐨𝐭𝐡𝐢𝐧
▪️မြန်မာမှ မှာယူချင်လျှင် ဘတ်ပေါက်စျေး + Air cargo ၂-၃ ရက်အတွင်း ရောက်မည်။

𝟐 𝟐 𝟒 𝟒

14/09/2025

ကျောက်ဖရာမြစ်ထဲ Express Boat များ မီးထလောင်

၂၀၂၅ ခုနှစ် စက်တင်ဘာ ၁၄ ရက် ညနေပိုင်း ကျောက်ဖရားမြစ်တစ်လျှောက် ပြေးဆွဲနေတဲ့ Express Boats များဆိုက်ကပ်ထားသော လှေဆိပ် တစ်ခုတွင် မီးလောင်ခဲ့ကြောင်း သတင်းထောက်တစ်ဦးမှ သတင်းပေးပို့ခဲ့သည်။ Bang Phong Phang ရဲစခန်းရှိ Ruamkatanyu Foundation မှ စေတနာ့ဝန်ထမ်း page မှ Wat Ratchasingkhon အနီးရှိ စက်လှေတစ်စင်း မီးလောင်သွားကြောင်း social media ပေါ်တင်ခဲ့ပါသည်။

တစ်ချိန်တည်းတွင်၊ ညနေ ၆ နာရီ ၄၃ မိနစ်တွင် တာဝန်ရှိသူများက လိုင်းအက်ပလီကေးရှင်း 199 hotline မှတစ်ဆင့် Wat Ratcha Singkhon Pier ဆိပ်ကမ်းတံတားအနီးတွင် လှေမီးလောင်မှုဖြစ်ပွားခဲ့ကြောင်း Radio Center Rama 199 ကို သတင်းပေးပို့ခဲ့သည်။

Yan Nawa မီးသတ်နှင့် ကယ်ဆယ်ရေးစခန်းမှ တာဝန်ရှိသူများ နှင့် ရေကယ်ဆယ်ရေး ဝန်ထမ်းများနှင့်အတူ အခင်းဖြစ်ပွားရာသို့ ရောက်ရှိလာပြီး မီးကို ထိန်းချုပ်ကာ နောက်ထပ် ဆက်လောင်နိုင်မည့် အရာများကိုပါကာကွယ်နိုင်ခဲ့သည်။

လက်ရှိတွင် ပျက်စီးဆုံးရှုံးမှု၊ မီးလောင်ကျွမ်းရသည့် အကြောင်းရင်းကို စုံစမ်းစစ်ဆေးနေပြီး အနီးနားရှိ ခရီးသည်များနှင့် စက်လှေများ ဘေးကင်းရေးအတွက် သေချာလေး ဆောင်ရွက်လျက်ရှိသည်။

သတင်း– cr. อาสามูลนิธิร่วมกตัญญู จุด.สน.บางโพงพาง

မူရင်းသတင်း https://www.khaosod.co.th/breaking-news/news_9936856

24/08/2025

ပြည်ထဲရေးဝန်ကြီးက Kajiki မုန်တိုင်း နီးကပ်လာတဲ့အတွက် တစ်နိုင်ငံလုံး အဆင်သင့်ပြင်ထားဖို့ ညွှန်ကြား

ပြည်ထဲရေးဝန်ကြီး Phumtham Wechayachai က အပူပိုင်းမုန်တိုင်း Kajiki ထိုင်းကို နီးကပ်လာတဲ့အတွက် တစ်နိုင်ငံလုံးက ပြည်နယ်အုပ်ချုပ်ရေးမှူးတွေနဲ့ ဘန်ကောက်မြို့တော် စီမံခန့်ခွဲရေးအဖွဲ့ (BMA) ကို ပြင်ဆင်ထားဖို့ ညွှန်ကြားခဲ့ပြီး အရေးပေါ်အကူအညီတွေကို ပြည်သူတွေအတွက် ၂၄ နာရီပတ်လုံး ပေးရမယ်လို့ ပြောပါတယ်။

အမျိုးသား သဘာဝဘေးအန္တရာယ် ကာကွယ်ရေးနဲ့ လျော့ပါးရေးဆိုင်ရာ ကွပ်ကဲမှုစင်တာရဲ့ ညွှန်ကြားရေးမှူးအဖြစ်လည်း တာဝန်ထမ်းဆောင်နေတဲ့ Phumtham က အားပြင်းတဲ့ အပူပိုင်းမုန်တိုင်း Kajiki ဟာ တိုင်ဖွန်းမုန်တိုင်း အဖြစ် ပြောင်းလဲသွားပြီး လက်ရှိမှာ တောင်တရုတ်ပင်လယ်အထက်ပိုင်း၊ ဗီယက်နမ်နိုင်ငံက D**g Hoi မြို့နဲ့ ကီလိုမီတာ ၅၇၀ အကွာမှာ တည်ရှိနေတယ်လို့ ပြောပါတယ်။ မုန်တိုင်းဟာ ထိုင်း မြောက်ပိုင်းနဲ့ အရှေ့မြောက်ပိုင်း (အထက်ပိုင်း)ကို ဦးတည်လာနေပါတယ်။ ဒါပေမယ့် ဩဂုတ်လ ၂၅ နဲ့ ၂၆ ရက်မှာ မုန်တိုင်းဟာ ဗီယက်နမ် မြောက်ပိုင်းကို ဝင်ရောက်ပြီးနောက် တဖြည်းဖြည်း အားပျော့သွားမှာ ဖြစ်ပါတယ်။

မုန်တိုင်းကြောင့် ဩဂုတ်လ ၂၄ ရက်ကနေ ၂၇ ရက်နေ့အတွင်းမှာ ဘန်ကောက်နဲ့ အနီးတဝိုက် အပါအဝင် အရှေ့မြောက်ပိုင်း(အထက်ပိုင်း)၊ မြောက်ပိုင်း၊ အလယ်ပိုင်း၊ အရှေ့ပိုင်းနဲ့ တောင်ပိုင်း(အနောက်ခြမ်း)ဒေသတွေမှာ လေပြင်းတွေနဲ့အတူ နေရာအနှံ့ မိုးသည်းထန်စွာကနေ အလွန်သည်းထန်စွာ ရွာသွန်းမယ်လို့ ခန့်မှန်းထားပါတယ်။

Phumtham က သူဟာ ပြည်နယ် သဘာဝဘေးအန္တရာယ် ကာကွယ်ရေးနဲ့ လျော့ပါးရေးဆိုင်ရာ ညွှန်ကြားရေးမှူးတွေအဖြစ် တာဝန်ယူထားတဲ့ ပြည်နယ်အုပ်ချုပ်ရေးမှူး ၇၆ ဦးလုံးကို BMA နဲ့အတူ သဘာဝဘေးအန္တရာယ် ကာကွယ်ရေးနဲ့ လျော့ပါးရေးဦးစီးဌာန (DDPM) နဲ့ အနီးကပ် ပူးပေါင်းဆောင်ရွက်ဖို့ အမိန့်ပေးထားတယ်လို့ ဆိုပါတယ်။

ပြည်နယ်တစ်ခုချင်းစီမှာ အခြေအနေကို အကဲဖြတ်ဖို့ ပူးတွဲ “war room” တွေ ဖွဲ့စည်းထားပါတယ်။ အခြေအနေတွေ ဆိုးရွားလာရင် ပြည်နယ်အုပ်ချုပ်ရေးမှူးတွေက ခရိုင်မှူးတွေနဲ့ ဒေသဆိုင်ရာအုပ်ချုပ်ရေးမှူးတွေကို လေ့ကျင့်ထားတဲ့ အရေးပေါ်တုံ့ပြန်မှု အစီအစဉ်တွေကို စတင်အကောင်အထည်ဖော်ဖို့ ညွှန်ကြားမှာ ဖြစ်ပါတယ်။

အဲဒီအစီအမံတွေမှာ လုံခြုံတဲ့နေရာတွေကို ရွှေ့ပြောင်းပေးတာ၊ အစားအသောက်နဲ့ အခြေခံလိုအပ်ချက်တွေ ထောက်ပံ့ပေးတာ၊ ရေလွှမ်းမိုးနိုင်တဲ့ နေရာတွေမှာ ရေစီးရေလာကောင်းမွန်အောင် ရှင်းလင်းတာတွေ ပါဝင်ပါတယ်။

ကြော်ငြာဆိုင်းဘုတ်ကြီးတွေ ဒါမှမဟုတ် မြင့်မားတဲ့ Structure တွေတပ်ဆင်ထားတဲ့ ပြည်နယ်တွေမှာတော့ တာဝန်ရှိသူတွေကို ပိုင်ရှင်တွေနဲ့ ပူးပေါင်းပြီး ခိုင်ခံ့မှုကို စစ်ဆေးဖို့နဲ့ အများပြည်သူဘေးကင်းရေးကို အန္တရာယ်ဖြစ်စေနိုင်တဲ့ အရာတွေကို ဖြုတ်သိမ်းဖို့ ညွှန်ကြားထားပါတယ်။

Phumtham က မိုးသည်းထန်စွာနဲ့ အချိန်ကြာမြင့်စွာ ရွာသွန်းမှုတွေကြောင့် အထူးသဖြင့် တောင်ကုန်းဒေသတွေနဲ့ မြေနိမ့်ပိုင်းရပ်ကွက်တွေမှာ ရုတ်တရက်ရေကြီးတာနဲ့ မြေပြိုတာတွေ ဖြစ်ပေါ်နိုင်တယ်လို့ ထပ်လောင်းသတိပေးခဲ့ပါတယ်။

ကျေးရွာအုပ်ချုပ်ရေးမှူးတွေနဲ့ ရပ်ကွက်ခေါင်းဆောင်တွေက ဒေသခံရေဒီယိုလိုင်းတွေနဲ့ ရရှိနိုင်တဲ့ ဆက်သွယ်ရေးလမ်းကြောင်းတွေအားလုံးကနေတစ်ဆင့် ဒေသခံတွေကို အသိပညာပေးရမှာဖြစ်ပြီး မသမာသူတွေက ဖြန့်ဝေတဲ့ သတင်းအမှားတွေကိုလည်း သတိထားဖို့ သတိပေးရမှာ ဖြစ်ပါတယ်။

“အက်ဒမန်ကမ်းရိုးတန်းနဲ့ ထိုင်းပင်လယ်ကွေ့တစ်လျှောက်က ပြည်နယ်တွေအတွက်တော့ အာဏာပိုင်တွေက ပင်လယ်ရေကြောင်းအခြေအနေကို အနီးကပ်စောင့်ကြည့်ရမှာ ဖြစ်ပါတယ်။ လှိုင်းကြီးတာကို တွေ့ရှိရရင် ရေမကူးဖို့ သတိပေးအလံတွေ စိုက်ထူတာ၊ ခရီးသည်တင်နဲ့ ငါးဖမ်းလှေတွေရဲ့ လုပ်ငန်းဆောင်ရွက်မှုကို အကဲဖြတ်တာ၊ သင်္ဘောတွေကို ဘေးကင်းတဲ့ ဆိပ်ကမ်းတွေဆီ ပြန်လည်ရောက်ရှိအောင် ညှိနှိုင်းဆောင်ရွက်တာ စတဲ့ အစီအမံတွေကို မဖြစ်မနေ အကောင်အထည်ဖော်ရမှာ ဖြစ်ပါတယ်။” လို့ Phumtham က ပြောပါတယ်။

ပြည်ထဲရေးဝန်ကြီးဌာနအနေနဲ့ အများပြည်သူရဲ့ ဘေးကင်းလုံခြုံရေးအတွက် အလွန်အမင်း စိုးရိမ်ပူပန်လျက်ရှိပြီး ၂၄ နာရီပတ်လုံး အကာအကွယ်ပေးနိုင်ဖို့ ဒေသဆိုင်ရာနဲ့ နိုင်ငံတော်အဆင့် မိတ်ဖက်အဖွဲ့အစည်းတွေနဲ့ ပူးပေါင်းဆောင်ရွက်နေတယ်လို့ သူက ထပ်လောင်းပြောကြားခဲ့ပါတယ်။ နောက်ဆုံးရအခြေအနေတွေကို သိရှိလိုပါက သဘာဝဘေးအန္တရာယ် hotline နံပါတ် 1784 ကို အချိန်မရွေး ခေါ်ဆိုနိုင်ပါတယ်။

Crd ဘန်ကောက်ကိုစိုင်း

Ref : Nation Thailand

#ဘန်ကောက်လမ်းညွှန်ကိုစိုင်း ုန်တိုင်း