泰二代Ello泰國生活號

17/05/2026

呢隻朱古力係泰國tiktok好鬼死紅！ 但因為呢佢要說冰櫃呢所以呢佢要送貨係送冷鏈呢要加成250泰銖送貨費所以我冇買, 但見佢Terminal 21有pop up店所以399🐷即刻買黎試下！真係勁好食！我覺得勁似Godiva嘅紅莓朱古力！

#泰國生活

08/05/2026

7-11又有新產品Dubai Macaron答案係唔好食好似食花生醬😓

#泰國生活

05/05/2026

Lady Gaga既精華片段🥰

#泰國生活

05/05/2026

童年回憶去左睇The Devil Wears Prada 2估唔到有我心愛既Lady Gaga參與演出！20年前睇果陣仲讀緊fashion designer🥹20年後睇返同一班底大家都老了包括我自己！

#泰國生活

17/03/2026

7-11出左韓國果隻, 我覺得同我之前係Makro買嗰隻個味道差唔多係個皮朱古力味濃啲咁解！冇咩特別唔明點解網上面啲人要爭住買嚟食！

#泰國生活

05/03/2026

新屋樓下7-11竟然有賣🍿好q邪惡！好采呢間屋唔係自住係放租🙈唔係實成日買黎食

#泰國生活

27/02/2026

話說年初一去咗台灣龍山寺拜神🙏🏻其實我有成十年冇去過台灣！因為其實以前做領隊帶過兩團去台灣我都覺得啲嘢食唔係好啱我口味太鹹！但今次自由行完之後都真係覺得自己其實原來喺泰國生活係好幸福！因為話說自從上年去完杜拜旅行之後我就覺得泰國路面狀況所有基建都唔及杜拜咁先進然後覺得人哋嗰邊進步得好好同好快, 然後覺得泰國好落後就覺得好想移民去杜拜！但去完台灣之後我發現台灣好似仲係停留喺80年代,大部分嘅舖頭都淨係收現金, 啲樓睇落去好舊好殘好80年代, 啲服務員見你係外國人即刻唔想理你！嗰間永和豆漿大王我排咗半個鐘先至買到嚟食,我想講我哋香港真係是但一間舖頭都整得好食過佢哋！我完全唔覺得佢哋呢個嘢有咩好食仲要排隊, 鹹酥雞我真係覺得好咸好咸到我係食咗一啖我冇辦法再食落去同埋佢哋嗰啲鹹酥炸物呀全部都係落嗰啲好鹹嘅味精咸到你都唔知點樣食！跟住嗰個鹵水鴨舌我真係唔明點解要排隊但我眼見排隊都係本地人所以我就買咗一大堆鹵水返去食之後發現唔知點解咁甜, 甜到我冇辦法食, 所以其實喺台灣呢幾日我除咗食嗰個日本大黑屋開喺台灣分店嘅羊肉燒烤我叫做有啖好食之外, 我基本上早午晚三餐我都覺得自己冇啖好食！然後講返交通方面呢我哋泰國呢係有grab電單車咁佢哋係冇嘅, 咁我亦都冇興趣研究佢哋搭的士嗰啲app啦因為我覺得佢哋的士費用其實都普遍畀泰國貴嘅咁我都唔係好想搭的士！因為話說我去terminal 21兌換泰國銖同台幣係一對一, 所以我就當自己喺泰國咁樣消費啦我發現佢哋啲嘢食普遍都係畀泰國貴嘅消費都係畀泰國貴嘅但係完全冇泰國嗰種質素囉！同埋我哋泰國夜市係有地方坐低可以畀你食嘢啦佢哋基本上都係冇啦而且好逼啦, 同埋我真係揀唔到有啲咩啱食囉！好彩頭兩晚去咗北投浸溫泉咁呢樣嘢就真係泰國冇嘅, 台灣人哋就有真嘅硫磺溫泉水, 但如果你叫我生活喺呢度地方我會完全接受唔到！我唔係想針對台灣啲乜嘢嘢, 只係有感而發, 發表一下個人嘅感想, 去完台灣之後突然之間覺得自己好幸福啦！因為泰國算係好先進啦畀錢已經基本上可以用QR code就連坐MRT都可以直接拍visa卡啦, 跟住又有grab電單車而且交通費好平, 咁泰國食飯我覺得自己喺泰國呢邊係抵過喺台灣嘅, 同埋如果價錢嚟講我覺得泰國咁嘅價錢就真係好食過台灣好多囉！即係我唔會有嗰種覺得冇啖好食嘅感覺囉！同埋我都知道台灣近呢幾年樓價升咗好多咁我都有係啲地產好門口影咗張相我都發現佢哋啲樓價都好貴下嘅咁如果佢哋人工又同泰國人差唔多然後嗰個生活消費又高咁多咁我就覺得好似好慘咁樣囉！仲要佢嗰啲樓呢冇好似泰國咁新咁靚都係好舊好80年代咁樣樣啲建築, 佢哋又唔似泰國咁有咁多商場可以行即係除咗行夜市冇咩可以行, 我唔知佢本地人生活平時可以去邊度消遣🤔但係呢今次去台灣真係主要去龍山寺度拜神, 因為聽講嗰邊好靈所以就專登過去拜下神咁囉😆如果願望實現嘅話我都要返去還一還神！

27/02/2026

Grab呢3日Pizza hut出左呢盒8隻雞4款口味108🐷咋！住係泰國既朋友仔記叫返盒黎嘆下😋

#泰國生活

05/02/2026

28/01/2026

勁好食呢個杜拜朱古力味大福餅, 淨係Makro或Lotus超市先有得賣！我覺得佢應該係同而家韓國好興嗰個差唔多, 但係呢個就個面冇朱古力粉咁囉但係味道都真係好好食口感好好, 外面軟裏面脆！買左好多盒送朋友做手信😋

#泰國生活