23/01/2024
فما ناس ما تفهمش اش معناها روداج
فما ناس ما تحترمش فترة الروداج
فما ناس يحبو من اول نهار يشوفو الفورزا قداه تجيب سرعة ماكس
فما ناس ما يعرفوش اللي في الروداج لازم ما تردف حد وراك
فما ناس ما يفهموش اش معناها فورزا جديدة لازمها وقت بش تتلين بياساتها و تشد الفورما
فما ناس ما يعترفوش بالتسخين خاصة في الصباح، طول يخدم و يكسيلاري
ريتوهم الناس هاذم الكل ؟؟
هاذم نفسهم اللي يهلكو فورزا جديدة بعد شهر استعمال و يقولولوك خايبة ما تجاوبش ما تجريش
هاذم نفسهم اللي بعد شهر استعمال تلقا الزيت بدا يخرج من الجوانات
هاذم نفسهم تلقا الفورزا متاعهم بعد شهر ولت اتطرطر و تخرج في دخان
هاذم نفسهم رد بالك تشري من عندهم فورزا جديدة و ماشية 1000 كهو، خاطر الاكيد انهم دمرولها موتورها و حرقولها روداجها رغم مازالت جديدة.
قف انتهى
