21/05/2022
خوذ بنت الأصول لعل الزمان يطول . . . كيف تعرس ببنت الأصل الشبعانه ماكش باش تحشم كيف تقلها ما عنديش فلوس . . . كيف تمشيو تشريو حاجة مش باش تحرجك و الا تبدى لاهفة و موش مالي عينيها حتى شىء بالعكس باش تلقى عينيها مليانة تعرف علاش . .؟ ! على خاطر حاسه روحها مالكه كل شي حتى كيف تبدا ما عندهاش . . كيف تجي تعرس ببنت الأصل مش باش تجي تفخفخ عليك قدام الناس وتبدا تتشرط . . . بنت الأصل ديما حامده ربي على النعمه . . ديما شبعانه باش تلقاها معاك وقت الشدة " جبل " خير من ألف راجل ورا ظهرك تهز معاك الحمل و تقعد معاك ما تخليهاش بيك . . . باش تلقاها معاك في حزنك في فرحتك في تعبك في همومك في مشاكلك في كل شيء . | هكا علاش قالو خود بنت الأصول لعل الزمان يطول . . و الوقت كيف يطول يهز الصحة والفلوس يهز كل شيء ويبقى كان المعدن و اللى معدنو ذهب ما يصددش.. تاكد ان بنت الاصل تحبك لاخلاقك و افعالك و رجولتك تحبك على خاطرك انت....ما تحبكش على كرهبتك ولا فلوسك.. بنت الاصل ما تخليكش.. بنت الاصل ما تقللش من شانك....بنت الاصل ما تغدركش في ظهرك...بنت الأصل لا تخاف عليها ولا تخاف منها... 💖💖
