15/09/2026
مشيت بصباط مقطّع يحشم...
ومشيت بصباط حقو شهريّة.
كلّيت مقرونة كذابة لا لحم لا حتى شي...
وكلّيت في بلايص الكرسي فيها أغلى منّي.
لبست حوايج من الفريب، مستعملة ومغسولة ألف مرّة...
ولبست حوايج بالتيكاي متاعها وماركات عالمية.
نهار خرجت وجيبي مليان بالفلوس، نحس روحي نملك الدنيا...
ونهار خرجت نشم في هواء ربي و في سطوشي حق قهوة ما نلقاش.
وهاذي هي الدنيا يا ناس،
نهار ترفعك للسماء ونهار تطيّحك للقاع.
نهار تضحكلك حتى تولي تحشم، ونهار تبكّيك حتى تنسى الضحكة كيفاش.
عمرو لا كان العيب في الفقر، وعمرو لا كان الشرف في الفلوس.
ما تعاير حد بظروفو، راك ما تعرفش شنوّة اللي تعدى عليه.
وما تتكبّرش على حد كي الدنيا تعطيك، راك ما تعرفش غدوة شنوّة مخبيتلك.
الدنيا دوّارة يا ناس...
اليوم عندك وغدوة تنجم تخسر كل شي،
واليوم مكسور وغدوة ربي يقوّيك وتولّي أقوى من الناس الكل.
خلّي قلبك حنين، خلّي يدك كريمة، وخلّي لسانك رحيم.
عامل الناس كيما تحب ربي يعاملك، موش كيما عاملتك الدنيا.
خاطر في الآخر... كل انسان و ظروفو، كل انسان و شنوة تعدى على راسو
