Akram Media

Akram Media Contact information, map and directions, contact form, opening hours, services, ratings, photos, videos and announcements from Akram Media, Tunis.

اللهم مع هذا الفجراجعل لنا في قلوبنا نورًا وفي أيامنا بركة وفي أرزاقنا سعة وفي أهلنا سعادةاللهم اغفر لنا ما مضى وأصلح لن...
10/09/2026

اللهم مع هذا الفجر
اجعل لنا في قلوبنا نورًا وفي أيامنا بركة وفي أرزاقنا سعة وفي أهلنا سعادة

اللهم اغفر لنا ما مضى وأصلح لنا ما بقي
واهدنا لما تحب وترضى
ولا تجعل الدنيا أكبر همنا ولا مبلغ علمنا

اللهم احفظ والدينا وأهلنا وأبناءنا
واشفِ كل مريض
وارحم كل ميت
وفرّج هم كل مهموم
واقضِ دين كل مدين
وارزق كل محتاج من حيث لا يحتسب

اللهم اجعل القرآن ربيع قلوبنا ونور صدورنا
واجعلنا ممن إذا علموا عملوا وإذا أذنبوا استغفروا وإذا أُعطوا شكروا

اللهم اختم لنا بخير
واجعل هذا الفجر بداية خير لا ينقطع

آمين يا رب العالمين

لكل بداية نهاية... وأنا اخترت السلامما ندمتش على الشيء اللي قدمتو وقلتُه، وما ندمتش على النية اللي كنت نحكي منها.أنا أصل...
05/09/2026

لكل بداية نهاية... وأنا اخترت السلام

ما ندمتش على الشيء اللي قدمتو وقلتُه، وما ندمتش على النية اللي كنت نحكي منها.

أنا أصلاً موش متاع سياسة، وما نحبش نحكي في السياسة. وحتى المواضيع الأخرى اللي كنت نحكي فيها، كيف الدين والقيم والنصائح وبعض الأفكار والمواقف، ما كانش هدفي منها ندخل في صراعات ولا نفرض رأيي على حد.

حكيت من زاوية معينة، كنصيحة، وما ندمتش على كلامي خاطر نعتقد إنو غالط، أما ندمت على دخولي في نقاشات مع ناس موش بالضرورة باش تفهم كلامي كيف ما قصدتو، وفما شكون ينجم يأوّل الكلام على كيفو.

أما مع الوقت فهمت حاجة...

موش كل واحد باش يفهمك كيف ما إنت تقصد، وموش كل كلام تنجم تفسرو للناس كيف ما تحب. فما شكون ينجم يفهم، وفما شكون ينجم يأوّل الكلام على كيفو، وفما شكون أصلاً يستنى في كلمة باش تبدأ الحكاية.

وأنا ما نحملش العرك، وما نحبش السبّ والإهانة والتشنج، وصحتي وراحة بالي أهم عندي من إني نقعد نثبت في موقفي للناس.

لذلك قررت ننسحب بهدوء من المحتوى العام، ومن النقاشات اللي ما عندهاش نهاية.

ما نلوم حتى حد، وما نطلب من حتى حد يفهمني.

نترك الساحة ليكم.

ومن توّا نكتفي بصفحتي متاع الإشهارات والبيع والشراء، نخدم فيها ونعاون الناس على قد ما نقدر، وإن شاء الله تكون باب رزق ليا ولغيري.

والغريب إنو ساعات صانع محتوى من خارج غنوش يحكي كلمة، تلقى الناس تتفاعل معاه وتبارتاجي وعاجبهم كلامو... أما كي تكون من غنوش وتتكلم في حاجة تخص الناس، الحكاية تولي مختلفة شوية.

الله غالب، كل واحد ومجالو.

أنا اخترت نخدم في مجالي ونخلي الباقي لغيري.

واللي ما كانش مرتاح لوجودي، من توّا يرتاح أكثر.

أما صوتي باش يبقى يخرج مع العقارات والإشهارات، هاذي خدمتي وربي يرزقنا جميعاً.

ما نحبش نخاصم حد، وما نحبش نرد على حد.

اللي اختلف معايا ربي يوفقو، واللي حس إني غلطت في حقو ينجم يكلمني، وإذا كنت غلطت نقول غلطت ونطلب السماح.

في الأخير، كل واحد مسؤول على روحو وعلى تصرفاتو.

أنا نختار راحة البال، ونخلي الساحة ليكم.

ربي يوفق الجميع.

نقولها من غير كبرياء ومن غير مصلحة ومن غير حتى سبب...كان عندي شوية صحاب، ما وصلناش للخصام المباشر، أما بعدنا على بعضنا و...
04/09/2026

نقولها من غير كبرياء ومن غير مصلحة ومن غير حتى سبب...

كان عندي شوية صحاب، ما وصلناش للخصام المباشر، أما بعدنا على بعضنا وصارت بيناتنا حاجات.

وكل واحد عندو عذرو، ويمكن حتى أنا قصّرت في حاجة وما فقتش بيها، ويمكن غلطت في حقكم من غير ما نقصد.

أما بصراحة... ليكم وحشة

وما نحبش نهبط الكلام هذا خاطر نستنى منكم حاجة، ولا خاطر نحب نرجعو كيف قبل، ولا خاطر عندي حتى مصلحة.

لا شيء.

فقط وحشتوني

وزادة ما نحبش نهار نسمع حاجة خايبة على واحد فيكم، ونقعد نقول في روحي:

يا حسرة... علاش ما تسامحناش قبل؟

علاش خلّينا الغش والمسافات يطولو أكثر من اللازم؟

الدنيا ما فيها حتى ضمان، واليوم الإنسان قدامك وغدوة ما تعرفش وين يكون.

لهذا نقولها اليوم وأنا قلبي صافي:

إذا أنا غلطت في حقكم، بقصد ولا من غير قصد، سامحوني.

وإذا إنتوما غلطتو في حقي، أنا مسامحكم.

من غير حسابات...
من غير كبرياء...
من غير حتى انتظار.

فقط خاطر العشرة ما تستاهلش تموت بالملامة و الغش و سوء الفهم

وربي يعلم اللي نحب نرقد كل ليلة وقلبي ما فيهش غل على حتى بشر.

سامحتكم...
وسامحوني.

إذا عصيت ثم تبت إلى الله في اللحظة التي رجعت فيها إلى الله لا تجعل كلام الناس يحكم عليكالناس يشوفوا لحظة من حياتكأما الل...
04/09/2026

إذا عصيت ثم تبت إلى الله في اللحظة التي رجعت فيها إلى الله لا تجعل كلام الناس يحكم عليك

الناس يشوفوا لحظة من حياتك
أما الله يعلم حياتك كلها
الناس تحكم على ما ظهر لها
وأنت في النهاية باش تقف وحدك بين يدي الله

لذلك إذا كنت تحاول تعيش وفق المعيار الإلهي فلا تجعل رضا الناس هو البوصلة متاعك

اسمع النصيحة إذا كانت حق
راجع روحك إذا غلطت
واعتذر إذا ظلمت
أما أنك تترك الحق خوفا من كلام الناس فلا

خاطر في النهاية
لا صاحبك باش يقف معاك
لا جارك
لا متابعينك
لا الناس اللي مدحوك
ولا الناس اللي سبوك

أنت وحدك أمام الله

اعمل اللي يرضي الله
وإذا أخطأت ارجع إليه
وإذا تبت فلا تعيش طول عمرك أسيرًا لنظرة الناس

المهم موش كيفاش يشوفوك الناس
المهم كيفاش تلقى ربك

هذه الصفحة بالنسبة لي أشبه بمكتبتي الخاصة.نكتب فيها ما أتعلمه وما أقرأه وما أراه مفيدًا، وأجمع فيها الأفكار والمعلومات ا...
03/09/2026

هذه الصفحة بالنسبة لي أشبه بمكتبتي الخاصة.

نكتب فيها ما أتعلمه وما أقرأه وما أراه مفيدًا، وأجمع فيها الأفكار والمعلومات التي أريد أن أحتفظ بها وأرجع إليها مع الوقت.

قد تجد فيها الدين والفكر والتاريخ والفلسفة واللغة والأدب وأشياء أخرى مختلفة.

لا أقدم نفسي كعالم ولا كصاحب معرفة كاملة.

أنا أتعلم مثل أي إنسان، وما أتعلمه أضعه هنا.

يمكن أن أكون مخطئًا في بعض ما أكتب، ولذلك تبقى عندي قاعدة: أبحث وأقرأ وأراجع، وما أراه أقرب إلى الحق أتبناه، وما يظهر لي خطؤه أتركه.

هذه ليست صفحة أبحث فيها عن الظهور بقدر ما هي مساحة أبني فيها نفسي وأوثق فيها رحلتي مع المعرفة.

ومن وجد فيها فائدة فالحمد لله.

كي يقلك واحد يا حشرةيمكن إنت تفهمها سبةأما استنى شويةيمكن يكون قاعد يشكر فيك وهو ما يعرفشتخيل شوية قمح طايح في الأرض ولا...
02/09/2026

كي يقلك واحد يا حشرة

يمكن إنت تفهمها سبة

أما استنى شوية

يمكن يكون قاعد يشكر فيك وهو ما يعرفش

تخيل شوية قمح طايح في الأرض ولا شوية سكر في محطة وتجي نملة وحدها تلقاهم

شنوة أول حاجة تعملها

ما تقولش هذا رزقي ونخبيه على غيري

ترجع لجماعتها وتخلي إشارات تدلهم وين لقات الماكلة

يعني الحاجة اللي لقاتها ما احتفظتش بيها لروحها

وزيد النملة ما تستناش الجوع باش تتحرك

تجمع وتخزن قبل الحاجة

وهنا السؤال موش على النملة وحدها

السؤال علينا إحنا

كي نلقاو فرصة ولا رزق ولا حاجة الناس محتاجتها

شنوة أول حاجة نعملوها

ساعات نتلفتو يمين ويسار ونقولوا كيفاش نخبيها وكيفاش ما نخلي حتى حد يعرف بيها

وفي الأزمات يبان الفرق أكثر

فما شكون يتعاون ويدل غيره على الخير

وفما شكون يخزن فوق حاجته ويستغل حاجة غيره

والغريب إنك تلقى مخلوق صغير يتحرك بغريزته ويشارك جماعتو في الغذاء

والإنسان عنده عقل واختيار ووعي

ومع هذا ساعات حب الذات يغلبو

وهنا النملة تعطيك درس آخر

استعد قبل الحاجة

ما تستناش الأزمة باش تبدأ تفكر

خزن علم

تعلم صنعة

اكتسب خبرة

حافظ على صحتك

وحاول يكون عندك شيء ينفعك وقت الحاجة

لأن اللي يستعد قبل الأزمة تكون عنده اختيارات أكثر وقت الأزمة

أما عالم النمل ما يوقفش هنا

كي تتأمل فيه تلقى تنظيم وتقسيم أدوار وتعاون ودفاع وتواصل

كل فرد عنده دور

وفما أنواع من النمل تعيش في صراعات مع مستعمرات أخرى

وفما أنواع تهاجم وتغزو مستعمرات أخرى

وفما أنواع تتعايش مع كائنات أخرى وتدخل معاها في علاقات منفعة

يعني حتى في عالم صغير كيف عالم النمل تلقى صور مختلفة من الحياة الجماعية

تعاون

تنظيم

دفاع

صراع

توسع

وتعايش

أما الفرق المهم

النملة تتحرك بغريزتها

والإنسان عنده عقل

وهنا المقارنة تولي أكبر من النملة

إذا مخلوق صغير عنده نظام في حياته

إنت شنو النظام اللي عايش بيه

إذا هو يعرف يتعاون مع جماعتو

إنت كيفاش تتعامل مع الناس اللي حولك

إذا هو يستعد قبل الحاجة

إنت كيفاش تحضر لغدوة

وحتى النملة في قصة سليمان عليه السلام شدتني من زاوية أخرى

شافت الخطر وحذرت جماعتها

قالت يا أيها النمل ادخلوا مساكنكم

ما قالتش ماليش دخل

ما تغاضتش على الخطر

حذرت جماعتها

وهنا زادة السؤال يرجع للإنسان

كي تشوف خطر قدامك

كي تعرف حاجة تنجم تنفع غيرك

كي تعرف طريق للخير

هل تشاركها

ولا تقول كل واحد يدبر راسو

وهذا هو اللي يخليني نحب نتأمل في هالمخلوقات

موش خاطر نتصور روحي نعرف كل شيء

ولا خاطر نحب نعطي درس للناس

بالعكس

أنا نقرا ونتعلم ونبحث

واللي نتعلمه ونلقى فيه حاجة تستحق التأمل نشاركها

صفحتي بالنسبة ليا كيف مكتبي

اللي نقراه نحاول نفهمه

واللي نفهمه نشاركه

واللي يستفيد نفرح بيه

وأنا قبل ما نحكي على غيري نحكي على روحي

وكل مرة نتعلم حاجة جديدة يمكن حتى أنا نبدل فهمي لحاجة كنت نتصورها بطريقة أخرى

خاطر الإنسان اللي يقول عرفت كل شيء وقف عن التعلم

وتجيك النحلة من جهة أخرى وتزيدك سؤال

النحلة ما تجمعش فقط

تبني وتنتج

والناس تنتفع من إنتاجها

وهنا السؤال

شنوة أنت تنتج

شنوة تضيف

شنوة تخلي وراك

موش كل شيء في الحياة شنوّة خذيت

فما زادة شنوّة عطيت

وحتى الحكاية المعروفة متاع النملة والصرار فيها معنى بسيط

واحد يعيش اللحظة ويعمل الضجيج

وواحد يخدم ويستعد في صمت

وموش معناها الفرح حاجة خايبة

أما موش كل ضجيج إنجاز

وموش كل إنجاز يعمل ضجيج

خلي النتيجة تحكي عليك

وتزيد الحشرات تفتحلك باب آخر

باب القوانين اللي تحكم الطبيعة

الحشرة ما قرتش الفيزياء

ما تعرفش قانون أرشميدس

وما تعرفش المعادلات

أما جسمها وسلوكها داخلين في منظومة تخضع لقوانين فيزيائية

هي ما تعرفش القانون

أما القانون يخدم فيها

وهنا السؤال يكبر

كيفاش مخلوق ما يعرفش القانون يعيش داخل منظومة تخضع للقانون

ومن هنا الحشرة ما تعودش مجرد حشرة

تولي سؤال على الحياة

على النظام

على الخلق

وعلى الحكمة

وكل ما تحاول تفهم الحياة أكثر

تلقى أسئلة أخرى

العلم يفسرلك كيفاش تصير حاجات كثيرة

أما الإنسان يبقى يسأل

علاش

علاش هذا النظام

علاش هذا التعقيد

علاش هذا التنوع

وشنوّة الحكمة وراء هذا العالم

وهنا نفهم علاش القرآن يدعو الإنسان للنظر والتفكر والاعتبار

القرآن موش كتاب في علم الحشرات

أما يعلمك كيفاش تشوف

كيفاش تتأمل

وكيفاش تعتبر

قصة النملة موش مجرد قصة

هي مشهد صغير يفتحلك باب كبير للتفكير

وهذا بالنسبة ليا هو لغز الحياة

موش إني نلقى جواب نهائي

أما كل ما نتعلم أكثر نكتشف قداش مازال فما حاجات ما نعرفهاش

وهذا موش نقص

هذا اللي يخليك تواصل تقرا وتبحث وتتأمل

لذلك كي يقلك واحد يا حشرة

ما تستعجلش وتغضب

قبل ما تحتقر الحشرة

تأمل فيها

يمكن أصغر مخلوق قدام عينيك يوريك حاجة كبيرة في نفسك

يمكن يعلمك تشارك الخير

تستعد قبل الحاجة

تحذر غيرك

تخدم في صمت

وتسأل روحك شنوة قاعد تضيف للحياة

وفي الآخر

أنا ما نقولش إني عرفت لغز الحياة

ولا نقول عندي الإجابة على كل سؤال

أنا فقط نقرا ونتعلم ونسأل ونشارك معاكم اللي نتعلمه

يمكن اليوم نفهم حاجة بطريقة وغدوة نتعلم حاجة تصححلي فهمي

وهذا عادي

خاطر التعلم رحلة موش محطة توصلها وتقول خلاص عرفت كل شيء

أما نرجع لأول كلمة

يا حشرة

إذا كنت تقصد بيها كائن صغير ما عندوش قيمة

يمكن إنت ما تأملتش فيها مليح

أما إذا كنت تقصد كائن يعرف يعيش ويتأقلم ويخدم ويحافظ على نسله ويتعاون مع جماعتو ويستعد قبل الحاجة ويحذرهم من الخطر

فيمكن فعلا

قاعد يشكر فيا

أما السؤال الحقيقي موش شنوّة تعمل الحشرة

السؤال هو

إنت بما إنك إنسان وعندك عقل واختيار وقدرة على التعلم

شنوة عملت بالعقل اللي عطاهولك ربي

رسالة من القلب للقلب ❤️لكل واحد يفكّر يهاجر، ولكل واحد عايش في الغربة ويفكّر يرجع للبلاد...ما تخليش كلام الناس يقرّر بلا...
01/09/2026

رسالة من القلب للقلب ❤️

لكل واحد يفكّر يهاجر، ولكل واحد عايش في الغربة ويفكّر يرجع للبلاد...

ما تخليش كلام الناس يقرّر بلاصتك.

إذا تشوف مستقبلك خارج البلاد، امشي وتوكّل على ربي، اخدم وابني حياتك، وما تستحقش تبرّر قرارك لكل واحد.

وإذا إنت في الغربة وما عادكش مرتاح، وحسّيت اللي رجوعك للبلاد هو الأصلح ليك ولعائلتك، ارجع وما تخافش من كلام الناس.

ما تقولش:
"شنوة باش يقولوا؟"
"بعد السنين هاذي الكل باش نرجع؟"
"باش يقولوا فشلت؟"

حياتك موش مشروع باش تنجّح فيه قدّام الناس.

والهجرة موش نجاح في حد ذاتها، والرجوع موش فشل في حد ذاتو.

النجاح إنك تعرف وين تنجم تعيش بكرامتك، وين تنجم تخدم، وين تنجم تربي صغارك، وين تلقى الاستقرار وراحة البال.

والقرار اللي تاخذو اليوم موش لازم يبقى هو نفس القرار بعد خمس سنين.

الإنسان يتبدّل، الظروف تتبدّل، الأولويات تتبدّل... والعاقل هو اللي يعرف يراجع قراراتو وقت اللي تتبدّل المعطيات.

أنا روحت من فرنسا في 2016 بإرادتي، ووقتها كنت نشوف اللي الخير في البلاد. والحمد لله عشت، خدمت، عرّست، ورزقني ربي بصغاري، وتعلمت من التجربة.

واليوم نظرتي للحياة تبدّلت.

ولّيت نفهم اللي الإنسان ساعات ما عادش يحسبها بالفلوس وحدها؛ يحسبها بالاستقرار، بالكونفور، براحة البال، وبمستقبل عائلتو.

لذلك ما فماش عيب إنك تمشي، وما فماش عيب إنك ترجع.

العيب الوحيد إنك تعيش حياة ما اخترتهاش إنت، فقط خاطر خايف من "شنوة باش يقولوا الناس".

وفي الآخر، الناس تحكي نهارين وثلاثة...
أما إنت وعائلتك باش تعيشوا القرار سنين.

اختاروا حياتكم بعقولكم، واستشيروا، صلّوا استخارة، ادرسوا إمكانياتكم، وبعد توكّلوا على ربي.

ربي يفتحها على كل واحد وين ما كان ❤️

من القلب للقلب
من أخوكم أكرم.

⚠️ موش اول مرة تصير الحكاية هاذي في غنوشماعادش نحب نلوم اما شي يخرج الواحد من اعصابهأنا نحكي في صفحتي الشخصية وبإسمي مان...
01/09/2026

⚠️ موش اول مرة تصير الحكاية هاذي في غنوش

ماعادش نحب نلوم اما شي يخرج الواحد من اعصابه

أنا نحكي في صفحتي الشخصية وبإسمي مانيش عامل صفحة بإسم غنوش ونحكي بإسم غنوش نحكي على رأيي وأفكاري واللي يختلف معايا مرحبا بيه يرد عليا بالحجة

ياخي شكون دخلك لفايسبوكك وحاسبك على شنوا تهبط

تخدم يعسو عليك ما تخدمش يعسو عليك تحكي يعسو عليك تسكت زادة يعسو عليك تصلي يعسو عليك تسكر يعسو عليك 😂

تحبو الناس تخليلكم البلاد وتهج

واللي عندو معايا مشكل شخصي يتفضل نقعدو في طاولة ونسمعو بعضنا خير من الحكايات هاذي

محاولات سرقة فايسبوكي اللي نسترزق منو ما عادش اسمها اختلاف في الرأي

واللي عندو خدمة ولا فرصة خروج للخارج يكلمني يرحم والديكم 😂

نحب نقول لي البلاد ما عادش تتحمل من العسان على بعضنا حاشا البعض و ما تقولوش موش صحيح الشيء هاذا واقعنا للأسف

ربي يهدي النفوس وحسبي الله ونعم الوكيل

01/09/2026

محاولة سرقة صفحة فايسبوكي علاش الله أعلم
يمكن خاطر فما كلام ما عجبش البعض
ربي يهدي النفوس وحسبي الله ونعم الوكيل

29/08/2026

‏المؤمن يحزن ويبكي، وقد يشتد عليه البلاء حتى يظن أنه لا يقوى على احتماله، لكن في قلبه يقين بأن الله أرحم به من نفسه، وأن ما نزل به لم يخرج عن تدبيره، وأن الشدة مهما طالت فلها نهاية.

فإذا أصابته مصيبة قال: إنا لله وإنا إليه راجعون، وإذا خاف قال: حسبنا الله ونعم الوكيل، وإذا أعياه الأمر قال: لا حول ولا قوة إلا بالله.

هذه سعادة المؤمن: أن له في كل ضيق ربا يلجأ إليه، وفي كل مصيبة أجرا يرجوه.

Address

Tunis

Website

Alerts

Be the first to know and let us send you an email when Akram Media posts news and promotions. Your email address will not be used for any other purpose, and you can unsubscribe at any time.

Shortcuts

Share