02/08/2026
في البلاد الأجنبية الطبيعة بكل مكان حواليك
سبحان الخالق اللي وزّع النِعم بهذا الجمال… الأشجار المثمرة بكل زاوية، والطيور اللي بتطير مطمئنة لأنها واثقة إن رزقها موجود
كل يوم بمشي بالشوارع النظيفة وبين الشجر ، بيطلع الدعاء من قلبي يا رب شوف بلدي هيك وأجمل… يا رب نغيّر من حالنا لحتى ينصلح حال بلدنا، يا رب شوف سوريا من أجمل وأرقى الدول
وإن شاء الله رح تصير.
بتمنى تنزرع الشوارع بالشجر المثمر ، لياكل منها الطير والإنسان، وتكون النعمة حوالينا. بتمنى قدام كل بيت ينزرع شجره أو وردة … يمكن هالشي اللي خلّى الكبار يحبوا الزريعة، لأنها بتعطي للمكان طاقة حلوة و ونس وجمال وكل مرة منشوف الزريعة عم تكبر وتزهر وتثمر، منرجع نتذكر عظمة الخالق ونحمده
الطبيعة مو مجرد تفصيل صغير هي اللي بتعطي الروح والجمال للمكان وبتمنى شوف بلدي مثل ما بستاهل وأحلى
