09/15/2023
أنواع الكناين بموسم حواش الزيتون😁😁
الكنة المغلوب ع أمرها:
كل الشغل عليها تلقيط الفرط والنقل وآخر شي لا حمداً ولا شكورا وبتاخذ متلها متل غيرها وبتكون بالعادة قاعدة عند حماتا.
الكنة الموظفة:
هي ما بتنزل إلا بأيام العطل وحجتها معها أنو عندها وظيفة وموقفين الإجازات وبتنزل متكحلة وكل شوي بتاخذ سيلفي وبتنزل عالفيس وبتكتب كان يوماً مرهقاً وجميلاً.
الكنة أم لسان حلو:
هي بتنزل آخر النهار حاملة و محملة وبتبلش تملق بالحكي😜
حقك عليي يا مرت عمي والله الصغير آخذ وقتي والله لو عليي أحب ع قلبي أجي معكم من الصبح بس هالصغير مش ساكت.
العروس الجديده👱♀️
أو المخلفة جديد👩👧 أو الحامل🤰 هي بخلوها في البيت مع الصغار 🤼 ع أساس هيدا يعني دلال و راحه إلها
وهي المسكينة بتتحمل ألف جميلة أنها ما بتنزل مع العلم والله الزيتون و تعبو أرحم ألف مرة من شغل البيت و الطبخ و طوشة الصغار😭
الكنة المخطوبة:
بتقضيها مع خطيبها ضحك وحكي وكل شوي بيروحوا بيعبوا مي.
الكنة المغتربة:
مرت الغالي😏 اللي بيوصلها كل شي ع البارد المستريح وطول نهارها الحماية بتتحسر عليها و ع زوجها يا ويلي شو بحبو الزيتون الأسود.
وأنت من أي نوع سيدتي ⁉️ مو قلتلكم نطروني بموسم الزيتون 😂
#سوريا #طقوس #زيتون
