Ekatra Foundation

Call Directions Website Contact the business

Ekatra Foundation Contact information, map and directions, contact form, opening hours, services, ratings, photos, videos and announcements from Ekatra Foundation, Book shop, Durham, NC.

'સંચયન' સળંગ અંક: 71સાંપ્રત સાહિત્ય-વિચાર-જગતની ઝલક આપતું સામયિકસંપાદન: મણિલાલ હ. પટેલ • કિશોર વ્યાસપ્રકાશક: અતુલ રાવલht...
10/26/2026

'સંચયન'

સળંગ અંક: 71

સાંપ્રત સાહિત્ય-વિચાર-જગતની ઝલક આપતું સામયિક

સંપાદન: મણિલાલ હ. પટેલ • કિશોર વ્યાસ
પ્રકાશક: અતુલ રાવલ

https://myemail.constantcontact.com/--------71.html?soid=1113839607579&aid=y0HLnZH3yPQ

આ લિન્ક ઉપરથી આપ 'સંચયન'ના બધા જ અંકો તેમજ 'એકત્ર'ના તમામ ગ્રંથો વાંચી શકો છો.
http://www.ekatra.org

'એકત્ર' ગ્રંથગુલાલ'ગુલાલ અને ગુંજાર' સંપાદક - ઈશા-કુન્દનિકાhttps://wiki.ekatrafoundation.org/index.php/ગુલાલ_અને_ગુંજાર"...
10/21/2026

'એકત્ર' ગ્રંથગુલાલ

'ગુલાલ અને ગુંજાર'

સંપાદક - ઈશા-કુન્દનિકા

https://wiki.ekatrafoundation.org/index.php/ગુલાલ_અને_ગુંજાર

"ગમતું મળે તો અલ્યા, ગૂંજે ન ભરીયે
ને ગમતાંનો કરીએ ગુલાલ"

૧૯૯૭ની ૧૩મી નવેમ્બરે મકરન્દ દવેના ૭૫મા જન્મદિન નિમિત્તે, એમનાં જીવનસંગિની તથા ઈશા-કુન્દનિકાબહેને મકરન્દ દવેના અનેક કાવ્યોમાંથી એમને ગમતાં ૭૫ કાવ્યોનું ચયન કરીને ‘ગુલાલ અને ગુંજાર’ કાવ્યસંગ્રહ એમને અર્પણ કર્યો હતો.

મકરન્દ દવે પર ભક્ત કવિ, સાધક કવિ, મરમી કવિ, સાંઈ જેવા અનેક નામોની છાપ લાગી છે; પરંતુ ઈશા-કુન્દનિકાબહેનના શબ્દોમાં “પહેલાં તો એ કેવળ કવિ જ છે.”

‘ગુલાલ અને ગુંજાર’નાં આ ૭૫ કાવ્યો મકરન્દ દવેની વિવિધરંગી કાવ્યસૃષ્ટિનો સુંદર રસથાળ છે અને ભાવકોને એમની અન્ય રચનાઓ માણવા માટે ઉદ્દીપક બની રહે છે.

હવે 'એકત્ર' પર વિનામુલ્યે ઉપલબ્ધ છે

This is home page for this wiki

વાચનમિલાપ’ : અંક ૩https://vachanmilap.ekatra.org/સમૃદ્ધ વાચન થકી વિચારશીલ જીવન તરફ‘વાચનમિલાપ’ના ત્રીજા અંકમાં ગાંધીજીના ...
10/19/2026

વાચનમિલાપ’ : અંક ૩
https://vachanmilap.ekatra.org/

સમૃદ્ધ વાચન થકી વિચારશીલ જીવન તરફ

‘વાચનમિલાપ’ના ત્રીજા અંકમાં ગાંધીજીના સત્ય-અહિંસાના વિચારો, સૉક્રેટિસનું ચિંતન, આત્મખોજ, ‘દર્શક’ની કૃતિઓમાં યુદ્ધ અને માનવતા, ગ્રામશિક્ષણ, કચ્છની લોકસંસ્કૃતિ અને રૅગિંગ સામે મેન્ટરિંગ જેવા વિવિધ વિષયોને આવરી લેતા વિચારપ્રેરક લેખોનો સમાવેશ થયો છે.

‘વિશ્વવાચન’ વિભાગમાં સાહિત્ય, દર્શન, શિક્ષણ, વાચનસંસ્કૃતિ અને સમકાલીન પ્રશ્નોને આવરી લેતા વિવિધ વિષયોનો ગુજરાતી પરિચય મળે છે. તેમાં ૨૦૨૬ના સાહિત્યના નોબેલ પારિતોષિક વિશેની રજૂઆત, ઈમેન્યુઅલ કાન્ટનો ‘જ્ઞાનપ્રાપ્તિ એટલે શું?’ , થોમસ બર્નહાર્ડના પુરસ્કારો, વાચનસંસ્કૃતિ અને શિક્ષણની નવી પદ્ધતિઓ જેવા વિષયોનો સમાવેશ થયો છે.

આ સામગ્રી ઓડિયો સ્વરૂપે પણ સાંભળી શકાય છે.
https://ekatra.org/

'એકત્ર' ગ્રંથ-ગુલાલગુજરાતી સાહિત્યનો ઇતિહાસ - ગ્રંથ 3  https://wiki.ekatrafoundation.org/index.php/ગુજરાતી_સાહિત્યનો_ઇતિ...
10/03/2026

'એકત્ર' ગ્રંથ-ગુલાલ

ગુજરાતી સાહિત્યનો ઇતિહાસ - ગ્રંથ 3
https://wiki.ekatrafoundation.org/index.php/ગુજરાતી_સાહિત્યનો_ઇતિહાસ_–_ગ્રંથ_:_૩

ગુજરાતી સાહિત્યનો ઇતિહાસ - ગ્રંથ ૪
https://wiki.ekatrafoundation.org/wiki/ગુજરાતી_સાહિત્યનો_ઇતિહાસ_–_ગ્રંથ_:_૪

ગુજરાતી સાહિત્ય પરિષદ દ્વારા પ્રકાશિત ‘ગુજરાતી સાહિત્યનો ઇતિહાસ' - ગ્રંથ 3 અને ગ્રંથ ૪ ગુજરાતી સાહિત્યના ઇતિહાસ અને વિકાસને સમજવા માટે મહત્ત્વપૂર્ણ સંદર્ભગ્રંથો છે.

ગ્રંથ ૩માં સુધારકયુગથી લઈને પંડિતયુગના લગભગ સમગ્ર સમયગાળાને આવરી લેવામાં આવ્યો છે. દલપતરામ, નર્મદ, નવલરામ, ગોવર્ધનરામ, મણિલાલ, રમણભાઈ, નરસિંહરાવ, કાન્ત, બલવંતરાય અને કલાપી જેવા સાહિત્યકારોના સર્જન સાથે આ સમયની સાહિત્યિક પ્રવૃત્તિઓ અને પારસી સાહિત્યપ્રવાહનો પરિચય મળે છે.

ગ્રંથ ૪માં ઉત્તરકાલીન પંડિતયુગથી પૂર્વકાલીન ગાંધીયુગ સુધીના ગુજરાતી સાહિત્યનો ઇતિહાસ આલેખાયો છે. ન્હાનાલાલ, કનૈયાલાલ મુનશી, રમણલાલ દેસાઈ, મહાત્મા ગાંધી, કાકાસાહેબ કાલેલકર, રામનારાયણ પાઠક, ધૂમકેતુ અને ઝવેરચંદ મેઘાણી જેવા સર્જકો ઉપરાંત કવિઓ, વાર્તાકારો, એકાંકીકારો, ગદ્યકારો, વિવેચકો અને જૂની રંગભૂમિના સાહિત્યનું ઇતિહાસલક્ષી વર્ણન તથા મૂલ્યાંકન અહીં મળે છે.

બંને ગ્રંથોની શોધિત-વર્ધિત આવૃત્તિઓમાં સંપાદકીય ચોકસાઈ અને સંવર્ધિત સામગ્રીનો લાભ મળે છે. ગુજરાતી સાહિત્યના ઇતિહાસ, વિવિધ યુગોની સાહિત્યિક પ્રવૃત્તિઓ અને સર્જકોના યોગદાનનો અભ્યાસ કરતા વિદ્યાર્થીઓ, અધ્યાપકો, અભ્યાસીઓ અને સંશોધનાર્થીઓ માટે આ ગ્રંથો ઉપયોગી સંદર્ભસામગ્રી છે.

હવે બંને ગ્રંથો ‘એકત્ર’ પર વિનામૂલ્યે વાંચવા માટે ઉપલબ્ધ છે.

એકત્ર ગ્રંથ-ગુલાલ સમગ્રમાંથી સઘન-વિવેચનશ્રેણી : હરિવલ્લભ ભાયાણીસંપાદક : રમેશ આ. ઓઝાhttps://wiki.ekatrafoundation.org/wik...
09/25/2026

એકત્ર ગ્રંથ-ગુલાલ

સમગ્રમાંથી સઘન-વિવેચનશ્રેણી : હરિવલ્લભ ભાયાણી

સંપાદક : રમેશ આ. ઓઝા

https://wiki.ekatrafoundation.org/wiki/સમગ્રમાંથી_સઘન-વિવેચનશ્રેણી_–_હરિવલ્લભ_ભાયાણી

ગુજરાતી વિવેચન અને સંશોધનક્ષેત્રે હરિવલ્લભ ભાયાણીના બહુમુખી યોગદાનનો પરિચય કરાવતું આ સંપાદન તેમના સંશોધન-વિવેચન, કાવ્યમીમાંસા, સિદ્ધાંતવિવેચન અને કૃતિસમીક્ષાને આવરી લેતાં કુલ ૨૨ લેખોનું સંકલન છે. પ્રાચીન ભારતીય કાવ્યશાસ્ત્રથી માંડીને પશ્ચિમની આધુનિક સાહિત્યવિચારણા, ભાષાવિજ્ઞાન અને શૈલીવિજ્ઞાન સુધીની તેમની વ્યાપક અભ્યાસદૃષ્ટિ અહીં પ્રગટ થાય છે.

ગુજરાતી સાહિત્યના અભ્યાસીઓ, સંશોધકો અને સાહિત્યરસિકો માટે ઉપયોગી આ વિવેચનશ્રેણી હવે ‘એકત્ર’ પર વિનામૂલ્યે ઉપલબ્ધ છે.

એકત્ર પર ઉપલબ્ધ અન્ય 'સમગ્રમાંથી સઘન-વિવેચન શ્રેણી'

https://wiki.ekatrafoundation.org/wiki/સમગ્રમાંથી_સઘન-વિવેચનશ્રેણી

‘વાચનમિલાપ’નો અંક ૨https://vachanmilap.ekatra.org/ગુજરાતી દૈનિકો, સાપ્તાહિકો અને સામયિકોમાં પ્રસિદ્ધ થતી વિવિધ વિષયોની ન...
09/17/2026

‘વાચનમિલાપ’નો અંક ૨
https://vachanmilap.ekatra.org/

ગુજરાતી દૈનિકો, સાપ્તાહિકો અને સામયિકોમાં પ્રસિદ્ધ થતી વિવિધ વિષયોની નોંધપાત્ર સામગ્રીમાંથી પસંદ કરેલું વિચારપ્રેરક વાચન ‘વાચનમિલાપ’ દ્વારા વાચકો સુધી પહોંચાડવાનો પ્રયાસ છે. સાથે જ, વ્યસ્ત જીવનમાં વાંચવા માટે સમય ન મળતો હોય તેવા વાચકો માટે પસંદગીની સામગ્રી શ્રાવ્ય સ્વરૂપે પણ ઉપલબ્ધ કરાવવામાં આવી રહી છે.

આ અંક સાથે ‘વિશ્વવાચન’ નામના નવા ઉપક્રમની પણ શરૂઆત થઈ રહી છે. વિશ્વનાં વિવિધ સામયિકો, અખબારો, વેબસાઇટ, પૉડકાસ્ટ અને વ્યાખ્યાનોમાંથી પસંદ કરાયેલી નોંધપાત્ર સામગ્રીનો ગુજરાતી સારાંશ મૂળ કડી સાથે વાચકો સુધી પહોંચાડવાનો આ પ્રયાસ છે.

વાચનમિલાપ’ અંક ૨ હવે વાંચો અને સાંભળો

https://ekatra.org/

'એકત્ર' ગ્રંથગુલાલ 'હેમસમીક્ષા' - મધુસૂદન મોદીhttps://ekatra.org/ebooks/hemsamikshaશ્રીમદ્ હેમચંદ્રાચાર્યની ઉપલબ્ધ કૃતિઓ...
09/13/2026

'એકત્ર' ગ્રંથગુલાલ

'હેમસમીક્ષા' - મધુસૂદન મોદી

https://ekatra.org/ebooks/hemsamiksha

શ્રીમદ્ હેમચંદ્રાચાર્યની ઉપલબ્ધ કૃતિઓનો વિવેચનાત્મક સમીક્ષા કરાવતો ‘હેમસમીક્ષા’ મધુસૂદન મોદીનો મહત્વનો ગ્રંથ છે. ૧૯૪૨માં પ્રકાશિત થયેલા આ ગ્રંથમાં હેમચંદ્રાચાર્યની વ્યાકરણ, શબ્દકોશ, મહાકાવ્ય, પ્રાકૃત-અપભ્રંશ, કાવ્યશાસ્ત્ર, છંદશાસ્ત્ર, ન્યાયશાસ્ત્ર, યોગશાસ્ત્ર અને સ્તવનસાહિત્ય જેવી વિવિધ ક્ષેત્રોની સર્જનસાધનાનો પરિચય અને અભ્યાસ મળે છે.

આ ગ્રંથમાં ‘સિદ્ધહેમચંદ્રશબ્દાનુશાસન’, ‘અભિધાન ચિંતામણિ’, ‘અનેકાર્થસંગ્રહ’, ‘નિઘંટુશેષ’, ‘સંસ્કૃત દ્વયાશ્રય મહાકાવ્ય’, ‘પ્રાકૃતવ્યાકરણ’, ‘દેશીનામમાલા’, ‘પ્રાકૃત દ્વયાશ્રયમહાકાવ્ય’, ‘કાવ્યાનુશાસન’, ‘છંદોનુશાસન’, ‘પ્રમાણમીમાંસા’, ‘હેમચંદ્રાચાર્ય વિરચિત સ્તવનો’, ‘યોગશાસ્ત્ર’ અને ‘ત્રિષષ્ટિશલાકાપુરુષચરિત’ સહિત હેમચંદ્રાચાર્યની વિવિધ કૃતિઓની સમીક્ષા કરવામાં આવી છે.

મુનિ જિનવિજયજીના પુરોવચનથી સમૃદ્ધ આ ગ્રંથ હેમચંદ્રાચાર્યની અદ્વિતીય સાહિત્યઉપાસના અને બહુમુખી પાંડિત્યનો પરિચય કરાવે છે.

ગુજરાતી ભાષા-સાહિત્યના અભ્યાસીઓ, સંશોધકો અને જિજ્ઞાસુ વાચકો માટે ઉપયોગી આ ગ્રંથ હવે ‘એકત્ર’ પર વિનામૂલ્યે ઉપલબ્ધ છે.
https://ekatra.org/

‘વીણેલાં ફૂલ’ : અક્ષરમાંથી અવાજ સુધી 🎧ભૂમિપુત્રની ચૂંટેલી ૭૨ વાર્તાઓ : પઠન-શ્રવણhttps://yagnaprkashan-audio.ekatra.org/‘...
09/08/2026

‘વીણેલાં ફૂલ’ : અક્ષરમાંથી અવાજ સુધી 🎧

ભૂમિપુત્રની ચૂંટેલી ૭૨ વાર્તાઓ : પઠન-શ્રવણ
https://yagnaprkashan-audio.ekatra.org/

‘ભૂમિપુત્ર’ ૧૯૫૩ની ૧૧મી સપ્ટેમ્બરથી અવિરતપણે દર પખવાડિયે વાચકોના બારણે ટકોરા મારતું ગુજરાતનું શિરમોર વિચારપત્ર. સાત દાયકાથી વધુની આ યાત્રામાં સમાજ, રાજકારણ, પર્યાવરણ, જળ-જંગલ-જમીન, વૈશ્વિકીકરણ, કલા, સાહિત્ય અને જીવનના અનેક પ્રશ્નો સાથેનો તેનો સંવાદ સતત વિસ્તરતો રહ્યો છે. આજે તેના ૭૩ વર્ષના ૧,૯૫0થી વધુ અંકો, ૨૦,૦૦૦થી વધુ લેખો અને ૩૮,૦૦૦થી વધુ પાનાંનો વિશાળ વિચારવારસો ડિજિટલ સ્વરૂપે ઉપલબ્ધ બન્યો છે.

આ વિશાળ વારસામાં ‘ભૂમિપુત્ર’ના છેલ્લા પાને પ્રકાશિત વાર્તાઓનું આગવું સ્થાન છે. વાચકના મનમાં સંવેદના જગાવતી અને જીવનરસની અનુભૂતિ કરાવતી આ વાર્તાઓનો એક વિશાળ ચાહકવર્ગ છે. મૂળ અન્ય ભાષાઓની આ વાર્તાઓ ગુજરાતી ભાષામાં રૂપાંતરિત થઈને ‘ભૂમિપુત્ર’ના વાચકો સુધી પહોંચતી રહી છે.

આ વાર્તાઓમાંથી અગાઉ મુ. હરવિલાસબહેન અને કાન્તાબહેન દ્વારા તૈયાર થયેલી વાર્તાઓ ‘વીણેલાં ફૂલ’ નામે ૧૮ ભાગમાં પ્રકાશિત થઈ હતી. જૂન ૨૦૧૦થી આશાબહેન આ કાર્ય આગળ ધપાવી રહ્યાં છે અને તેમના દ્વારા તૈયાર થયેલી વાર્તાઓ ‘તર્પણ’ નામે કુલ ૬ ભાગમાં પ્રકાશિત થઈ છે.
વીણેલાં ફૂલમાંથી ચૂંટેલી ૭૨ વાર્તાઓનું પઠન ‘એકત્ર’ના પઠનકર્તાઓ દ્વારા કરવામાં આવ્યું છે. કિરણ પટેલ, ધૈવત જોષીપુરા, ક્રિષ્ના વ્યાસ, રૂચિકા ત્રિપાઠી અને શ્રેયા સંઘવી આ પાંચ પઠનકર્તાઓના મનમોહક અવાજમાં આ વાર્તાઓ હવે અક્ષરમાંથી અવાજમાં ઊતરી છે.

૬ઠ્ઠી સપ્ટેમ્બરની સાંજે ‘વીણેલાં ફૂલ’ પઠન-શ્રવણ શ્રેણીને સૌની સમક્ષ રજૂ કરવામાં આવી.

ભૂમિપુત્ર પરિવારને આ ઐતિહાસિક યાત્રા માટે હાર્દિક અભિનંદન અને આ ઉપક્રમમાં ‘એકત્ર’ને સહભાગી બનાવ્યા બદલ આભાર.
https://ekatra.org/

'એકત્ર' ગ્રંથગુલાલ ઓગણીસમી સદીનું ગુજરાતી સાહિત્ય : એક પરિચયલેખક : દીપક મહેતા        https://wiki.ekatrafoundation.org/i...
08/28/2026

'એકત્ર' ગ્રંથગુલાલ

ઓગણીસમી સદીનું ગુજરાતી સાહિત્ય : એક પરિચય

લેખક : દીપક મહેતા

https://wiki.ekatrafoundation.org/index.php/ઓગણીસમી_સદીનું_ગુજરાતી_સાહિત્ય
ઓગણીસમી સદીના ગુજરાતી સાહિત્ય, પત્રકારત્વ, મુદ્રણસંસ્કૃતિ અને નવજાગૃતિના વિવિધ પાસાંનો પરિચય કરાવતો આ એક મહત્ત્વનો ગ્રંથ છે. લેખકે નર્મદ-દલપતથી શરૂ થતા સમયખંડને માત્ર ‘સુધારક યુગ’ પૂરતો સીમિત ન રાખતાં, તેની પાછળ રહેલી નવજાગૃતિની અભિલાષા અને આશાને કેન્દ્રમાં રાખીને તે સમયની સાહિત્યિક અને સાંસ્કૃતિક પ્રવૃત્તિઓને સમજાવવાનો પ્રયાસ કર્યો છે. ઓગણીસમી સદીના લેખકો, પુસ્તકો, અખબારો, સામયિકો અને સંસ્થાઓના અભ્યાસ દ્વારા ગુજરાતી સાહિત્યના ઘડતરનો એક મહત્વપૂર્ણ તબક્કો અહીં ઉજાગર થાય છે.

ગુજરાતી સાહિત્યના ઇતિહાસ અને સંશોધન માટે ઉપયોગી આ ગ્રંથ હવે ‘એકત્ર’ પર વિનામૂલ્યે ઉપલબ્ધ છે.

https://ekatra.org/

'તથાપિ' - વર્ગીકૃત સૂચિસંપાદક - વેદાંત પુરોહિતhttps://wiki.ekatrafoundation.org/wiki/તથાપિ_–_વર્ગીકૃત_સૂચિ‘તથાપિ’ના અંકો...
08/27/2026

'તથાપિ' - વર્ગીકૃત સૂચિ

સંપાદક - વેદાંત પુરોહિત

https://wiki.ekatrafoundation.org/wiki/તથાપિ_–_વર્ગીકૃત_સૂચિ

‘તથાપિ’ના અંકો હવે ડિજિટલ સ્વરૂપે ‘એકત્ર’ પર ઉપલબ્ધ કરાવવામાં આવ્યા છે. તેની સાથે વાચકો, વિદ્યાર્થીઓ અને સંશોધકો આ સામયિકની સામગ્રી સરળતાથી શોધી અને ઉપયોગમાં લઈ શકે તે માટે ‘તથાપિ’ની વર્ગીકૃત સૂચિ પણ ‘એકત્ર’ પર ઉપલબ્ધ કરાવવામાં આવી રહી છે. યુવા સંશોધક વેદાંત પુરોહિતે ખંતપૂર્વક તૈયાર કરેલી આ સૂચિમાં કાવ્ય, વાર્તા, નિબંધ, સ્વાધ્યાય-અભ્યાસલેખ, સમીક્ષા, આસ્વાદ, મુલાકાત, સંપાદકીય વગેરે સામગ્રીનું વિષયવાર વર્ગીકરણ કરવામાં આવ્યું છે. ‘તથાપિ’ના ડિજિટલ સંગ્રહને વધુ સુવ્યવસ્થિત અને સંશોધનોપયોગી બનાવવામાં આ સૂચિ આધારભૂત બની રહેશે.

Address

Durham, NC

Alerts

Be the first to know and let us send you an email when Ekatra Foundation posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ekatra Foundation:

Shortcuts

Share

Category

Nearby shops