Vlume

Vlume World’s largest and growing Armenian digital library of eBooks and Audiobooks. VLUME - harnessing the power of storytelling to inspire happiness

08/06/2026

🐻 Կը յիշէ՞ք մեր բարի Արջուկը... Ան քիչ մը տխրած է։💔
📣Իսկ գիտէ՞ք ինչու․․․ Որովհետև երբեմն մեծ ուրախութեան ու իրարանցումի մէջ մենք կը մոռնանք զիրենք, որոնք ամենէն շատ մեզ սպասած ու սիրած են։
📚 Սիրելի՛ ընթերցողներ, սիրով կը ներկայացնենք մեր «Արջուկ՝ Մեծ Քաջ Գամփռը» շարքի նոր, յուզիչ ու ջերմ գիրքը:
📲https://vlume.com/hye/item/EB-1749

✨ Այս պատմութիւնը պարզապէս արկածներու մասին չէ, այլ անսահման նուիրուածութեան, լուռ հոգատարութեան եւ իսկական ընկերութեան մասին, որ երբեք չի մարիր, նոյնիսկ երբ զայն պահ մը մոռնան:

📍Ի՞նչ պիտի տայ գիրքը փոքրիկներուն․
👉Պիտի սորվեցնէ նկատել ու գնահատել մեր քով գտնուող լուռ ու հոգատար ընկերները։
👉Պիտի օգնէ հասկնալ, թէ որքան կարեւոր է շնորհակալ ըլլալ անոնց, որոնք մեզ կը պաշտպանեն ու կը սիրեն։
👉Պիտի օգնէ ճանչնալու ու իմաստաւորելու անձնական զգացումները՝ կարօտը, ուրախութիւնը եւ նոյնիսկ անուշադրութիւնը։

🤗 Արդէն պատրա՞ստ էք միասին կարդալու, յուզուելու եւ Արջուկը ամուր-ամուր գրկելու...
#ՄեծՔաջԳամփռը
#ՆորԳիրք

📣Գրողներին ու մեծ մտավորականներին իրականում բացահայտում ենք ոչ միայն գործերով, այլև նրանց կյանքի հետաքրքիր, անսպասելի ու...
08/05/2026

📣Գրողներին ու մեծ մտավորականներին իրականում բացահայտում ենք ոչ միայն գործերով, այլև նրանց կյանքի հետաքրքիր, անսպասելի ու հումորային դեպքերին ծանոթանալով։
📍Հայ մեծանուն լեզվաբան Հրաչյա Աճառյանի «Կյանքիս հուշերից» գիրքն իսկական գանձարան է՝ լի նմանատիպ արտասովոր ու զվարճալի պատմություններով: Այն բացահայտում է մեծ գիտնականի մարդկային որակները, նրա ինքնահումորն ու աննկուն ոգին:
👉Այսօր ձեզ հետ կիսվում ենք այդ հուշերից մեկով․
✍«Ահագին Արմատական բառարանս, հինգ հատոր Անձնանունների բառարանս, տասը հատորանի Լիակատար քերականությունս... մի աչքի արդյունք են».- ասում է մտավորականն ու մեզ բացահայտում իր աչքի գաղտնիքը:
📖Մանկության տարիներին անհաջող բուժման պատճառով Աճառյանի ձախ աչքին մնացել էր մեծ սպիտակ բիծ։ 16 տարեկանում վարժարանի տեսուչը նրան տանում է Պոլսի հայտնի ակնաբույժի մոտ։ Բժիշկը հայտնում է, որ տեսողությունը վերականգնելն անհնար է, բայց տգեղ հետքը թաքցնելու համար առաջարկում է ներկել (տատուաժ անել) աչքի սպիտակ բիծը։
Աճառյանը հիշում է, որ այդ ներկն այնքան որակյալ էր, որ դիմացավ ավելի քան 60 տարի։ Չնայած ողջ կյանքում միակնանի մնալուն՝ նա իմաստնությամբ ու թեթև հումորով էր վերաբերվում դրան․
✍«Փորձով կարող եմ ասել, որ մի ոտքով կամ մի ձեռքով լինելը շատ վատ բան է, բայց մի աչքով լինելը ոչ մի նշանակություն չունի»։
📣Խորհուրդ ենք տալիս կարդալ «Կյանքիս հուշերից» գիրքը․ սա ոչ միայն հնարավորություն է ծանոթանալու մեր մեծերի անցած հարուստ ուղուն, այլև իսկական ընթերցողական վայելք՝ լի կյանքի իմաստնությամբ, ջերմությամբ ու անկրկնելի հումորով:
📲Կյանքիս հուշերից՝ https://vlume.com/hye/item/EB-180
#ՀրաչյաԱճառյան #ԿյանքիսՀուշերից
#ՀետաքրքիրԴեպքեր #Փաստեր

08/04/2026

✍Մեծ նկարչի վրձինն ու գրիչը՝ մեկ տեղում:
Մեր նոր ձայնագիրքը բացահայտում է Գևորգ Բաշինջաղյանի կյանքն ու աշխարհայացքը։
📲«Ճանապարհորդական նոթեր, էսքիզներ, ֆելիետոններ, հոդվածներ»՝ https://vlume.com/hye/item/AB-14588
📍Կարդում է՝ Seyranyan Garnik-ը

📣Այս գիրքը բացում է հայտնի գեղանկարչի ու գրողի զգայուն ներաշխարհը: Բաշինջաղյանն իր հետազոտող աչքով ու պարզ, պատկերավոր լեզվով փնտրում է մարդու և բնության կատարյալ ներդաշնակությունը․ անդորր, որը նա գտնում է բնության գրկում խաղացող մանուկների անմեղության մեջ, բայց որը կորսվում է դաժան հասարակական իրականության հետ բախվելիս:
📖Ճանապարհորդական նոթերի, էսքիզների, պատմվածքների ու հոդվածների միջոցով հեղինակն անկեղծորեն պատկերում է այն ամենը, ինչ ապրել է․ բնության անկրկնելի տեսարաններ, անձնական կյանքից զվարճալի դրվագներ, բայց միևնույն ժամանակ՝ քաղցած ու մուրացկան գաղթական երեխաների ցավը և այլն։ Այստեղ կգտնեք նաև մեծանուն արվեստագետներին ուղղված հիացմունքի խոսքեր և գեղանկարչության վերաբերյալ խորաթափանց դիտարկումներ:🎨
#ՆորՁայնագիրք
#ԳևորգԲաշինջաղյան

✍«Զիս կը հասկնայ այն մարդը, որ երբ նայի իր ետին կը տեսնէ նոյն բանը։ Փոս մը»։ 👉Շահան Շահնուր📣Այսօր սփիւռքահայ գրականութեա...
08/03/2026

✍«Զիս կը հասկնայ այն մարդը, որ երբ նայի իր ետին կը տեսնէ նոյն բանը։ Փոս մը»։ 👉Շահան Շահնուր
📣Այսօր սփիւռքահայ գրականութեան ամենէն անհանգիստ, ըմբոստ ու ցաւոտ ճչացող հոգիին՝ Շահան Շահնուրի ծննդեան օրն է:

📚Շահան Շահնուր այն գրողն է, որ չվախցաւ մերկացնելէ ազգային ողբերգութեան ամենէն դառն ու ամենէն ցաւոտ կողմերը: Փարիզի օտար փողոցներուն մէջ յայտնուած գրողին համար գրիչը դարձաւ ոչ թէ մխիթարանք, այլ վիրաբուժական դանակ:
Ան առաջինն էր, որ բարձրաձայնեց «նահանջի» դաժան ճշմարտութիւնը՝ տեսնելով, թէ ինչպէս օտար ափերու վրայ հայ մարդը աստիճանաբար, աննկատ ու լուռ կը կորսնցնէ իր լեզուն եւ ինքնութիւնը: Շահնուրի համար ամենէն սարսափելին ոչ թէ ֆիզիքական կորուստն էր, այլ հոգեւոր ձուլումը՝ լուռ յանձնուիլը:

📚Իր ամբողջ կեանքն ու ստեղծագործութիւնը անվերջանալի պայքար մըն էին մոռացութեան, անտարբերութեան եւ ճակատագրի անարդարութեան դէմ։ Ան կը գրէր արիւնով ու ջիղերով, իր իւրաքանչիւր նախադասութեան ետին պահուած է հայրենազրկուած մարդուն անմխիթար ցաւն ու անմար կարօտը:
📚Շահան Շահնուր չէ գրած լոկ գրականութիւն. ան թողած է հայ ինքնութեան ահազանգ մը, որ տասնամեակներ ետք ալ կը շարունակէ հնչել նոյն ուժգնութեամբ ու սթափեցնող զգուշացումով:
📲Շահան Շահնուր՝ https://vlume.com/hye/person/EN-59
#ՆահանջըԱռանցԵրգի
#ՅարալեզներունԴավաճանութիւնը
#ՊճեղՄըԱնուշՍիրտ #ՇահանՇահնուր

📣Կան գրողներ, որոնք պատմություն են գրում, և կան գրողներ, որոնց միջով ինքը՝ պատմությունն է անցնում։ Հենց այդպիսին էր Գուր...
08/01/2026

📣Կան գրողներ, որոնք պատմություն են գրում, և կան գրողներ, որոնց միջով ինքը՝ պատմությունն է անցնում։ Հենց այդպիսին էր Գուրգեն Մահարին։
🎊Այսօր նրա ծննդյան օրն է։
📍Նրա կյանքն ու ստեղծագործությունը խտացրին 20-րդ դարի հայ ժողովրդի ամբողջ ողբերգությունն ու վերածնունդը։ Ծնվելով պատմական Վան քաղաքում՝ նա իր աչքերով տեսավ Հայոց ցեղասպանության արհավիրքը, գաղթի ճանապարհն ու հարազատ օջախի կորուստը։
📝«Ես իմ մանկությունը թողեցի Վանա ծովի ափին...». և այս կորուստը դարձավ նրա ամբողջ կյանքի ու գրականության առանցքը։
👉Սակայն Մահարու մեծությունն այն էր, որ այդքան տառապանքից հետո նրա գրիչը չլցվեց չարությամբ։ Նա մնաց հայ գրականության ամենալուսավոր, ամենանուրբ ու ինքնատիպ հումորով օժտված վարպետներից մեկը։

📍Մշտական հալածանքների պայմաններում նա ոգեպնդեց իրեն, ծաղրեց անգամ իր ողբերգությունը և ստեղծեց հոգևոր հարուստ արժեքներ պարունակող երկեր։
Մահարին վերագտել է իր մարդկային ամբողջությունը, ստեղծել իր հոգևոր աշխարհը, որը հայ գրականության մնայուն և ուսանելի էջերից է։
📲Գուրգեն Մահարի՝ https://vlume.com/hye/person/EN-44
#ԳուրգենՄահարի #ԱյրվողԱյգեստաններ
#ԾաղկածՓշալարեր
#երիտասարդությանսեմին

07/30/2026

✨ Ուրախութեամբ կը ներկայացնենք «Մեր երկիր մոլորակը» մանկապատանեկան շարքին նոր հատորը՝ «Արօտավայրեր եւ Դաշտավայրեր»։
📲https://vlume.com/hye/item/EB-1728

🤔 Իսկ գիտե՞ս, թէ ժամանակ մը այն վայրը, ուր այսօր դաշտավայր է, ծովու յատակ եղած է։ Կամ ըսենք խոտը կրնայ վերստին աճիլ նոյնիսկ հրդեհէն ետք։
🗺️Այս գիրքին մէջ քեզի պիտի ուղեկցի Երկիր մոլորակը եւ քեզի պիտի պատմէ իր ամենալայն կանաչ տարածքներուն գաղտնիքները, պիտի ծանօթացնէ սաւաննաներուն, տափաստաններուն, առիւծներուն, ջայլամներուն, հայկական մուֆլոնին եւ նոյնիսկ Արարատեան վայրի ցորենին՝ այն բոյսին, որմէ սկսած է մարդկութեան հացի պատմութիւնը։ 🌾
📚Բայց ասիկա պարզապէս կենդանիներու եւ բոյսերու մասին գիրք մը չէ. այլ ճամբորդութիւն մըն է, որուն ընթացքին շատ պիտի զարմանաս, շատ բան պիտի բացայայտես եւ վերջաւորութեան ինքզինքիդ պիտի հարցնես.
💚 «Ես ի՞նչ կրնամ ընել, որպէսզի մեր մոլորակը պահպանուի»։
📖Եթէ կը սիրես գիրքեր, որոնք իւրաքանչիւր էջին քեզ կը ստիպեն ըսել. «Օ՜, աս չէի գիտեր», ապա այս նորութիւնը անպայման պէտք է գտնուի քու գրադարակիդ մէջ։
#ՆորԳիրք #ՄերԵրկիրՄոլորակը
#ԱրօտավայրերԵւԴաշտավայրեր
#Մանկապատանեկան #ՄանկականԳրքեր

✍️Ընկերներ կան, որ դեղ լինեն, ասես.Փնտրում ես, երբ որ վատ ես զգում քեզ:Ոմանք կերակրի աղի են նման.Կյանքն՝ առանց նրանց, թվ...
07/30/2026

✍️Ընկերներ կան, որ դեղ լինեն, ասես.
Փնտրում ես, երբ որ վատ ես զգում քեզ:
Ոմանք կերակրի աղի են նման.
Կյանքն՝ առանց նրանց, թվում է անհամ:
Հիվանդության են ոմանք էլ նման.
Ցավ են պատճառում՝ չզգալով, անգամ:
Ընկերներ էլ կան՝ օդ ու ջրի պես.
Քեզ հետ են նրանք, թեկուզ՝ առանց քեզ։
📣Այսօր աշխարհը տոնում է ընկերության միջազգային օրը։
🎊Շնորհավորում ենք բոլորին՝ մաղթելով, որ ձեր ընկերների հետ միշտ լինեք՝
նույն հուզմունքի,
Համոզմունքի՛,
Նույն ճաշակի՛,
Դրոշակի՛,
Ո՛չ թե ընկեր լոկ բաժակի...🥂

📍Ընկերության միջազգային օրվա առթիվ առանձնացրել ենք ամենաջերմ ու հուզիչ պատմությունները, որոնք կստիպեն ձեզ վերարժևորել ընկերությունը.👇

📖Խալեդ Հոսեյնի — «Օդապարուկ թռցնողը»՝ https://vlume.com/hye/item/VP-440
Անսահման նվիրվածության, մեղքի, քավության և եղբայրական սիրո մասին ցնցող ու հուզիչ պատմություն, որն ապացուցում է, որ իսկական ընկերությունը չի ճանաչում տարածություն ու ժամանակ:

📖Անտուան դը Սենտ-Էքզյուպերի — «Փոքրիկ իշխանը»՝ https://vlume.com/hye/item/VP-72
«Դու հավերժ պատասխանատու ես նրա համար, ում ընտելացրել ես»․ հանճարեղ պատմություն, որը պարզ ու խորը ճշմարտություններ է սովորեցնում պատասխանատվության, սիրո և ընկերության մասին:

📖«Արջուկ՝ Մեծ քաջ գամփռը»՝ https://vlume.com/hye/item/EB-1611
Արջուկի մասին սիրելի գրքերում փոքրիկ հերոսներն են սովորեցնում մեզ ամենամեծ ճշմարտությունը՝ ճշմարիտ ընկերն այն է, ով միշտ մեզ հետ է։
❓Իսկ ո՞րն է գրականության մեջ ձեր ամենասիրելի ընկերների զույգը:
#ԸնկերությանՕր #ՕդապարուկԹռցնողը #ՓոքրիկԻշխանը #ԽալեդՀոսեյնի #Էքզյուպերի

📣Ծանո՞թ է այն զգացողությունը, երբ երկար դադարից հետո վերջապես որոշում ես վերադառնալ այն անավարտ գրքին, բացում ես, որ շա...
07/28/2026

📣Ծանո՞թ է այն զգացողությունը, երբ երկար դադարից հետո վերջապես որոշում ես վերադառնալ այն անավարտ գրքին, բացում ես, որ շարունակես կարդալ… ու հանկարծ հասկանում ես, որ հայտնվել ես լրիվ օտար մարդկանց շրջապատում:
📍Կանգնում ես երկընտրանքի առջև՝ կա՛մ գիրքը սկսել սկզբից (ինչը հաճախ ծուլանում ենք անել), կա՛մ շարունակել կարդալ՝ հույսը դնելով հիշողության վրա:
Արի՛ խոստովանենք, թե քանի՞ անգամ ենք ընկել այս «թակարդը»:😉
Սա ձեզ հաստատ կօգնի հեռու մնալ այդ խնդիրներից😊
🖥Web: https://vlume.com/
📱Android: https://vlume.com/download/android
📲iOS: https://vlume.com/download/ios
#ԳրքամոլիԽնդիրներ

07/26/2026

📣Մեր գրադարանը համալրվել է իսկական գրական գանձով, որը պետք է լինի յուրաքանչյուր հայի տանը։
📲«Սասունցի Դավիթ»՝ https://vlume.com/hye/item/AB-14703
📍Կարդում է՝ Ռուդիկ Մարտիրոսյանը

📚«Սասունցի Դավիթ»-ը մեր էպոսի ամենասիրված՝ երրորդ ճյուղի թումանյանական մշակումն է։ Հովհաննես Թումանյանին հաջողվել է ժողովրդական ոճի վսեմ պարզությամբ ու անկրկնելի շնչով կենդանացնել մեր դյուցազնավեպը՝ դարձնելով այն հայ գրականության ամենատարածված ու սիրված գործերից մեկը։ Այն ինչ ժողովուրդը հյուսել էր, Թումանյանը դարձրեց գրական գլուխգործոց՝ չկորցնելով ոչ մի հատիկ նրա ինքնատիպությունից։
✍Դավիթի քաջության, արդարության հանդեպ նրա անսահման նվիրվածության և հայրենիքի պաշտպանության պատմությունը դարեր շարունակ ոգեշնչել է սերունդներին՝ դառնալով ազգային ինքնության կարևոր խորհրդանիշներից մեկը։
📣Եկե՛ք զգանք էպոսի հզոր էներգիան ու Թումանյանի հանճարը մեկ տեղում:
#ՍասնաԾռեր #ՍասունցիԴավիթ
#ՀովհաննեսԹումանյան

07/25/2026

📣Նոր ձայնագիրք մեր գրադարանում։
📲Վահան Թոթովենց «Դոկտոր Բուրբոնյան»՝ https://vlume.com/hye/item/AB-14576
📍Կարդում է՝ Сейранян Гарник-ը

📝Ինչի՞ մասին է գիրքը․
20-րդ դարի սկիզբ, Անատոլիա և Արևմտյան Հայաստան: Ծանոթացե՛ք դոկտոր Տիրատուր Բուրբոնյանի հետ՝ մարդ, ում համար իրականության սահմաններն ուղղակի գոյություն չունեն: Ամերիկյան քոլեջից մինչև բանտախցեր, ճառախոսություններից մինչև սեփական երևակայությամբ հայոց թագավորության հիմնում և թագադրում:
Մինչ աշխարհը եռում է, Բուրբոնյանը Պոլսի հյուրանոցի իր սենյակից, զինվորական համազգեստով ու հեռադիտակով, «ղեկավարում է» թուրք-իտալական պատերազմը: Իսկ նրա ողջ զորքը... իր միակ ծառա Կարոն է՝ ձեռքին մի գավազան:
📖Ո՞վ է դոկտոր Բուրբոնյանը՝ մեծ երազո՞ղ, թե՞ խենթ: Բացե՛ք գիրքը, և բացահայտե՛ք այս յուրօրինակ վիպակը:
📝Ինչպես գրողն է ասում՝ «Այս վեպը ես չեմ գրել ծաղրելու, ծիծաղեցնելու և հեգնելու համար․ այս վեպը գրել եմ որպեսզի մարդիկ կարդան և դառնապես արտասվեն»։
#ՆորՁայնագիրք #ՎահանԹոթովենց #ԴոկտորԲուրբոնյան

Address

New York, NY

Telephone

+19293767515

Website

Alerts

Be the first to know and let us send you an email when Vlume posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Vlume:

Shortcuts

Share

Category