05/30/2026
📣Մեր մեծերին մենք հաճախ պատկերացնում ենք միայն խիստ ու պաշտոնական կերպարներում։ Սակայն իրական կյանքում նրանք կատակասեր են, սրամիտ ու լի մարդկային անկեղծ հույզերով։
📝Ահա թե ինչ է պատմում ճարտարապետ Միքայել Մազմանյանն իր հուշերում Եղիշե Չարենցի և Դերենիկ Դեմիրճյանի հանդիպումներից մեկի մասին։ Եկեք տեսնենք, թե ինչպե՞ս և ինչո՞ւ է Դեմիրճյանը «բողոքում» իր բախտից, և ինչպես է արձագանքում Չարենցը՝
✍️«1921 թվականանին Թիֆլիսի Հայարտանը Դերենիկ Դեմիրճյանը, հանդիպելով Չարենցին, ասել է.
-Երբ առաջին անգամ իբրև բանաստեղծ հանդես եկա, Հովհաննես Թումանյանն էր հրապարակի վրա ու սիրված պոետը։ Ես մնացի ստվերում։ Թումանյանից հետո, հը, ուզում էի գլուխս հանել, Իսահակյանը առաջս կտրեց։ Ես նորից մնացի ստվերում։ Նոր ուժերով ուզեցի հանդես գալ, այս անգամ էլ Վահան Տերյանը կանգնեց ճանապարհիս։ Տերյանն էլ գնաց, ուժերս հավաքած ուզում եմ ասպարեզ իջնել, հիմա էլ դու ես դեմս ելել։ Ե՞րբ պետք է գա իմ օրը։
-Համեցե՜ք, բարի ճանապարհ, ասել է Չարենցը՝ մի քայլ ետ գնալով»։
👉Այսպիսին էին նրանք՝ մեծ, անկեղծ, միմյանց տաղանդը գնահատող և պատմության մեջ իրենց անջնջելի հետքը թողած:
📲Դերենիկ Դեմիրճյան՝ https://vlume.com/hye/person/EN-71
📲Եղիշե Չարենց՝ https://vlume.com/hye/person/EN-2
#ԶվարճալիԴեպքեր
#ԵղիշեՉարենց #ԴերենիկԴեմիրճյան
#ՉարենցյանՀուշեր
