World Luxury Skills

08/23/2024

මිනිස්සු වෙනුවෙන් බොහෝ කැපකිරීම් කලාම ඒ මිනිස්සු ඔබට ආදරේ වෙයි කියලා ඔබටත් හිතෙනවාද ?

එහෙනම් ඒ ගැන දෙපාරක් හිතන්න...🙏

අපි කැපකිරීම් කල පලියට,
අනුන්ගේ යහපත වෙනුවෙන් වැඩ කරපු පලියට,
අපේ කාලය ශ්‍රමය මුදල් ඔවුන් වෙනුවෙන් යොදවපු පලියට කවුරුත් අපිට ආදරේ වෙන්නෙ නෑ...
ඒක සම්බන්ධව ඔබට ඕනෑතරම් ජීවන අත්දැකීම් ඇති.

මිනිස්සු බහුතරයක් ඇත්තටම කැමති
තමන් හරි හෝ වැරදි වේවා
තමන්ට ප්‍රශංසා කරන අයට.
තමන්ගෙ කොච්චර අඩුපාඩු තිබ්බත් තමන්ව මුරුංගා අත්තේ තියලා හරි සතුටු කරන අයට.
තමන්ගෙ ගුණ විතරක් කියන අයට.
බුද්ධියෙන් හීන මිනිස්සුන්ගෙ වැරදි අඩුපාඩු පෙන්නන්න ගියොත් එයාට නරකම මනුස්සයා වෙන්නෙ ඔයා 😵‍💫

මිනිස්සු වෙනුවෙන් කැපකිරීම් කරන්න ❤
කාලය, ශ්‍රමය, මුදල් වැය කරන්න ❤
හැබැයි,
ඒ තමන් කරන යුතුකම් තමන්ට පිනක් කියලා විතරක් හිතාගෙන කරන්න.
ඒ පින හැකි තරම් හොදින් කරන්න ❤

අපි කරන පින් සොබාදහම බලාගෙන ඉන්නවා...
අපි උදව් කරන කෙනාගෙන්ම පෙරලා අපිට සැලකිලි නොලැබුණත්,
අපි කරන යහපත වෙනුවෙන් යම් දවසක අපිට යහපත සැලසෙනවා❤❤❤

අපි සලකන හැමෝටම අපේ වගේම සිතුවිලි නැති වෙන්න පුළුවන්.
මිනිස්සු එකිනෙකාට වෙනස් !
සිතුම්- පැතුම් වෙනස් !

ඒ නිසා,
ඔබ කෙනෙක් වෙනුවෙන් කොච්චර කැපකිරීම් කලත් ඒක පිනක් කියලා හිතලා කරනවා මිසක්,
ඒ කෙනා මටත් මෙහෙම සලකාවි කියල හිතාගෙන කලොත් ඔබ දවසක ගොඩක් අසරණ වෙන්න පුළුවන් .

✍️ වෛද්‍ය හසනි ලේල්වල

03/14/2024

මගේ මෑණියන්
"විශ්ව කීර්ති ශ්‍රී බුද්ධ ශාසන ශිරෝමනී විදූතිලක දිරිය මාතා අභිමානී " ගෞරව නාමයෙන් පිදුම් ලැබූ වගයි.

03/12/2024

රට දැය සමය වෙනුවෙන් කරනු ලැබුවා වූ අසීමිත උදාර මෙහෙවර අගය කරනු වස් ලැබුවා වූ මේ විශිෂ්ට ගෞරවයට අපගේ උණුසුම් සුභ පැතුම්.

03/09/2024

මේ අපේ ර/ උඩුවක සිද්ධාර්ථ මහා විදුහලේ හිටපු විශ්‍රාමික විදුහල්පතිනියයි. 1984 වර්ෂයේ ගුරුවරියක ලෙස විදුහලට පැමිණි ඔබ 1985 වර්ෂයේ සිට සිට නියෝජ්‍ය විදුහල්පතිනිය ලෙසද 1989 වසරේ සිට 2002 වසර දක්වා වසර 12 විදුහල්පතිනිය වශයෙන්ද 2003 වසරේ සිට රත්නපුර සුමනා බාලිකා විදුහලේ විදුහල්පතිනිය වශයෙන්ද නොමැකෙන අමිල සේවයක් කරමින් සුවහසක් දූ දරුවන්ගේ නෙත් පාදා යහමග පාදා දුන් ඔබතුමිය 1996 වර්ෂයේ සමස්ත ලංකා විදුහල්පති විශිෂ්ට සේවා සම්මානයෙන්ද පිදුම් ලැබුවාය. එතකුදු නොනැවතී වර්තමානය දක්වාම ඔබතුමිය විසින් රට ජාතිය ආගම වෙනුවෙන් කරන ලද්දා වූ ඒ අමිල මෙහෙවර අගය කරමින් ,"මෙත් විජය ජාත්‍යන්තර බෞද්ධ එකමුතුව" සංවිධානය මගින් ඔබ වෙත පිරිනමන ලද්දා වූ "විශ්ව කීර්ති ශ්‍රී බුද්ධ ශාසන ශිරෝමනී විදුතිලක දිරිය මාතා අභිමානී" ගෞරවය නාමයට අපද ප්‍රශංසා කරමු. අගය කරමු.
20 24 මාර්තු මස 14 වන ගුරුදා සුභ මොහොතින් අති ගෞරවනීය මහානායක ස්වාමීන් වහන්සේලාගේ සුරතින් ගෞරව නාමය සහිත සන්නස් පත්‍රය අඩංගු මංජුසාව ලබා ගැනීමට නියමිතය.

03/05/2024

ඒ සුන්දර මිනිසුන් සමුගනිමින් සිටී...
ඒ අපූරු පරපුර මිය යමින් සිටී......

මහා යාන වාහන... ස්මාට් දුර කථන නොව ..
රූපවාහිනී හා විදුලියද නොමැතිව උන් ජීවත් වූහ..

අපේ පරපුර මෙන් ..
මහ ඉහලට ඉගෙන ගැනීමට,
ලස්සනම කෙනා වීමට..
ලොකුම කතාව කිරීමට...
උන්ට වෙලාව තිබුනේ නැත.

තාප්ප වලින් වටකොට මහා මාලිගා තැනීමට....
නවීනතම වාහනය ගැනීමට..
ලස්සනම ඇස් ඇති සෙල්ෆිය ගැනීමට..
උන්ට ඇවැසි වූයේ නැත.

රෑ වෙනතුරු
වත්තේ..පිටියේ..
තැන්නේ .. කුඹුරේ.. තිරිඟු යායේ..
ඔට්ටු වූ උන් ..

මැදියම වෙනතුරු...
ඇඳුම් මැසූහ.. වට්ටි පෙට්ටි විවීය..

ඒ මැසූ ඇඳුමෙන් සරලව සැරසුනු උන්ට..
මහා නිර්මාන කරුවන්ගේ ලාංඡන ඇති..
අමුතු ඇඳුම් ඇවැසි නොවීය.

ලෙඩට දුකට චැනල් කරන්නට..
උන්ට කිසිවෙකු නොසිටියහ.

ගහට කොලට.. සතා සීපාවාට..
ඇලට දොලට උන් සැබැවින්ම ආදරේ කලහ..
කුරුල්ලන් ලේනුන් උන්ගේ අත් උඩට එන්නට
කිසි විට බය නොවූහ.

එබැවින් උන්ට ..
ඔක්සිජන් සඳහා මරා ගන්නට ..
මූණු ආවරණ දා හැංගෙන්නට ..
ඇවැසි නොවීය..

ගේ ඇතුලට නල ජලය නොලැබූ උන්..
ඇලට දොලට, ලිඳට වැවට..
පාරේ පයිප්පයට ගොස්
වතුර ගෙන ආහ..

මැක් ඩොනල්ඩ්.. කෙන්ටකි නොදත් උන්
අල ගෙඩියකින්.. සහල් මිටකින්... තිරිඟු කරලින්
සෑහීමකට පත් වූහ..

උන් අපේ පරපුරට ඇල දොල බාර දෙද්දී..
ඒවා ප්ලාස්ටික් කුණුගොඩවල් නොවීය..
වැව් මුහුදු බාර දෙද්දී ,
කුණු වතුරෙන් පිරී නොතිබීය..
වත්ත පිටියේ ..
කුරුල්ලො ගී ගැයූහ..

අද අපි ඊලඟ පරපුරට බාර දෙන කුණු ගොඩ දැක
උන් කඳුළු පෙරූහ..

යුද්ධ.. සාගිනි වලට මූණ දුන්
උන්..
මහ උන්ට රැවටුනි..

මේ පරපුර මිය යමින් පවතී..

මට මගේ පරපුර ගැන ඇත්තේ කළකිරීමකි.
උඹලාගේ පරපුර ගැන ඇත්තේ ආදරයකි.

ලියන්නට තව බොහෝ දේ තිබුනත්..
කියවන උඹට …
නොලියූ දේ දැනුනු බව දනිමි.

උපුටා ගැනීම
Kavi sithivili

01/09/2024

For sale 12 Inch , Lida wood working Machine
280,000. 0775291921

12/08/2023

12/07/2023

12/07/2023

ඔබට නිවන් සුව පියානනි.

12/01/2023

මේ මගේ ලොකු පුතා ටෙනුරගෙ සාමාන්‍ය පෙළ ප්‍රතිඵල. ඉදිරි අනාගත සියලු අභියෝග ජයගෙන වාසනාවන්ත පැහැබර අනාගතයකට ඔයාට සුබ පතනවා පුතේ.තෙරුවන් සරණින් ඔයාට සියලු ආරක්ෂාව ලැබේවා.