07/04/2024
وفي النزوح للمرة العشرين بحب اقول للعالم
لحظة
شو يعني بحب
من زمان ما عملنا شيء بنحبه
من يوم ما تركنا بيوتنا ورانا لمصير مجهول
من يوم صرنا نشتهي المية الحلوة الصالحة للشرب .
من يوم صرنا نغسل ع ايدينا .
من يوم صار همنا طول اليوم نشحن الجوال ، نعبي مية، نغسل الغسيل ، ندبر أكلة ، ننجو ليوم اضافي .
من يوم انعمت عنينا ع النار و الدخنة .
من يوم شفنا الحسرة بعيون الكبار والخوف بعيون الصغار.
من يوم اشتهينا أكل نظيف و زاكي.
من يوم بطل فينا حيل نعيش و نتأمل خير.
انهدينا ياعالم يابشر ياإنسانية يامسلمين.
يارب نجينا من هذا العالم الأسود
