05/09/2025
🌻 Liewe Gemeenskap 🌻
Ek deel vandag iets baie belangrik uit my hart.
Ons Ons Winkel Amsterdam is nie sommer net ’n winkel nie. Elke sent wat inkom gaan deur Solidariteit Helpende Hand direk om kinders, studente en gesinne in nood te ondersteun. Jou donasie raak dus nie net ’n rak vol goed nie – dit raak mense se toekoms.
Maar nou sit ons met ’n groot uitdaging. Die afgelope maande het ons byna geen goeie donasies ontvang nie. Die rakke is vol ou winterklere, maar ons kort dringend bruikbare goed soos:
👕 Somerklere
🍴 Kombuisware
🛏️ Beddegoed en gordyne
🏠 Ander netjiese, bruikbare items
Wanneer iemand ons winkel instap, wil ons hê hulle moet hoop sien. Hulle moet voel dat hulle met waardigheid iets kan koop. Maar sonder julle donasies kan ons dit nie regkry nie.
Ek vra jou dus met ’n nederige hart: as jy enigiets het wat jy nie meer gebruik nie, asseblief, bring dit vir ons. Jy d**k dalk dit is klein of onbelangrik – maar vir iemand anders beteken dit alles. 🙏
As jy nie het nie, verstaan ons dit volkome. Maar as jy wel het, asseblief, moenie dit net laat lê nie – laat dit ’n seën wees vir iemand anders.
Onthou: sonder jou bestaan hierdie winkel nie. Julle is die asem en bloed van hierdie projek.
Baie dankie vir elkeen wat alreeds help en gee. Kom ons staan saam en vul weer hierdie winkel met hoop. 💛
Met dankbaarheid,
Dewald Scheepers
Ons Winkel Amsterdam 🌻
