12/07/2022
SPYT KOM TE LAAT.
'n Vriend van ons en sy vrou was baie lief vir mekaar, maar ai hulle het altyd oor die kleinste goed baklei. Sy wil nie na sy Ouers gaan nie en anders om, oor brood wat gekoop moet word, oor wie moet die kinders bad, wie betaal wat, wie skottelgoed moet was ens. Dan het sy altyd haarself onttrek, en hy het homself onttrek.
Een Sondag middag het ons gaan koffie drink by hulle. Die man het die melk opgebruik, en daar was nie melk vir die koffie nie, sy was woedend . Hy het verskoning gemaak en gery om gou melk te gaan koop. Toe hy weg is, het sy weer so te kere gegaan oor hoe sleg en lui hy is. Hy bly toe te lank weg na haar sin en sy is toe van vooraf boos.
Ons wou net verskoning maak om te ry, toe die polisie daar stil hou met die nuus dat hy in ‘n ongeluk was met ‘n groot trok. Hy was opslag dood.
Ek het aangebied om haar te neem na die toneel, waar die voertuig nog onder die trok gestaan het, op die agter sitplek was die houer melk, saam met blomme met ‘n klein kaartjie. Wat op daardie kaartjie gestaan het, sal ek nooit vergeet.
“Bokkie ek is jammer ek maak jou so kwaad, ek het jou baie lief, so lief as jy my wil los sal ek nou van jou skei”.
Die vrou het in ‘n inrigting opgeëindig en die kinders is by die groot ouers in pleegsorg geplaas.
Haar skuldgevoelens het te veel geword vir haar, en sy is kort daarna oorlede nadat sy ‘n oordosis pille geneem het.
WAT JY HIERUIT KAN LEER:
Die lewe is so kosbaar en KORT, d**k voor jy oor onbelangrike goed kwaad word en baklei. Wees maar altyd die minste en gaan slaap nooit kwaad vir jou vrou of man nie. Al is dit soms HOE moeilik om saam met mekaar se geite te lewe, dit is op die ou einde die moeite werd.
Dis beter om 'n stukkie brood in vrede te eet as 'n hele maaltyd wat met rusies gepaard gaan. Selfbeheersing is 'n groot noodsaaklikheid vir 'n Christen se lewe.
