Garden World Nursery

01/08/2026

JJ sê: Ons plant van die week is die Dietes grandiflora (Wilde Iris). Dis ’n betroubare, waterwys en immergroen plant wat met sy elegante wit blomme en pers‑geel merke ’n sagte, natuurlike beweging in enige tuin bring. Die sterk waaier‑vormige blare gee deur die jaar struktuur, terwyl die plant gedurende warm maande herhaaldelik blom en min onderhoud verg. Omdat dit droogte, hitte en selfs swak grond verdra, is die Wilde Iris ideaal vir lae‑onderhoud tuine waar ’n baie geharde inheemse meerjarige plant jou tuin kan opkikker en so te sê 9 maande van die jaar blomme produseer.

𝐍𝐨𝐮 𝐛𝐞𝐬𝐤𝐢𝐤𝐛𝐚𝐚𝐫 𝐛𝐲 𝐨𝐟 𝐣𝐨𝐮 𝐧𝐚𝐚𝐬𝐭𝐞 𝐤𝐰𝐞𝐤𝐞𝐫𝐲!

01/08/2026

01/08/2026

JJ sê: Nog 'n winter taak is om potplante oor te plant en dis eintlik nie so moeilik nie. Voor jy jou oë uitvee is die lente hier en is ons potplante weer aan die groei. Potplante moet gewoonlik elke twee jaar oorgeplant word om hul gesondheid, wortelontwikkeling en algehele groei te bevorder. Wanneer ’n plant te groot raak vir sy huidige houer, begin die wortels in sirkelvormige patrone draai en verdring dit mekaar. Hierdie engelse beskrywing van "potbound' beskryf dit die beste, en dit kan vinnig lei tot swak waterabsorbering, voedingstekorte en uiteindelik stadige of misvormde groei.

Deur die plant in ’n groter pot oor te plant, gee jy die wortels nuwe ruimte om uit te brei en verbeter jy die kwaliteit van die grond. 'n Vars potmengsel verskaf weer noodsaaklike voedingstowwe, verbeter dreinering en help die plant om sterker en voller te groei. Oorplanting is ook belangrik wanneer die bestaande grond hard geword het of uitgeput is of wanneer jy wil voorkom dat siektes en wortelvrot versprei.

Winter is die ideale seisoen om hierdie taak aan te pak, omdat die meeste potplante dan in rus is en die oorskakeling na ’n nuwe pot minder stresvol is. ’n Bietjie aandag nou verseker ’n gesonde, lewenskragtige plant teen die tyd wat die lente aanbreek. Gebruik Palmveen of Universal Spagnum Peatmoss van Protek om water terug te hou.

25/07/2026

JJ sê: Ons plant van die week is die geharde Euryops pectinatus (Wolhaarpuis Bos) wat op die oomblik mooi begin blom. Dis werklik ’n inheemse juweel in Suid-Afrika, ’n plant wat met sy helder goudgeel madeliefieblomme selfs die koudste wintertuin laat glimlag.

Hierdie geharde, sonliefhebbende struik groei natuurlik op die winderige hange van die Kaapse kusstreke, wat hom ’n ongelooflike vermoë gee om droogte, sout en uitdagende toestande maklik te trotseer. As plant van die week spog hy nie net vir sy helder kleur nie, maar ook vir sy karakter: ’n kompakte, netjiese groeiwyse, silwer of groen blaartjies wat tekstuur bring en ’n struik wat feitlik nooit ophou blom nie.

Euryops pectinatus is die soort plant wat jou tuin onmiddelik ligter, vroliker en meer uitnodigend maak, ’n ware Suid-Afrikaanse raakvatter wat min vra en baie gee.

𝐍𝐨𝐮 𝐛𝐞𝐬𝐤𝐢𝐤𝐛𝐚𝐚𝐫 𝐛𝐲 𝐨𝐟 𝐣𝐨𝐮 𝐧𝐚𝐚𝐬𝐭𝐞 𝐤𝐰𝐞𝐤𝐞𝐫𝐲!

25/07/2026

JJ sê: Mense met Bonsai's weet dat dit nou in die winter die regte tyd is om joju bonsai oor te plant. Wanneer jy ’n bonsai oorplant, moet jy onthou dat die boom baie sensitief is vir wortelsteuring in die warmer maande en daarom is die regte tyd en sagte hantering belangrik. Doen dit nou aan die einde van winter of vroeë lente wanneer nuwe groei begin.

Koop vir jou die regte bonsai grond of gebruik ’n goed dreinerende gesifte potgrond mengsel. As jy bang is die plant gaan te vinnig oor die algemeen uitdroog kan jy Palm veen van Protek by die grondmengsel inmeng.

Snoei die wortels liggies (tussen 10 of 20%) terug om kompakte groei te bevorder sonder om te veel te verwyder. Maak seker die nuwe pot is effens groter en dat hy wel goeie dreinering het. Plant die boom op dieselfde hoogte as voorheen, gooi 'n deklaag klippies op om die grond vas te hou en doop in 'n emmer water vir so ongeveer 10min om behoorlik te deurdrenk.

Hou die bonsai vir ’n paar weke uit direkte son en wind terwyl hy herstel en vermy bemesting totdat hy weer aktief groei. As jy regtig wil voer kan jy iets soos Guano pellets van Protek op die bokant neerlê en in water.

25/07/2026

JJ sê: Winter is van die beste tye om bolplante op te deel. Wanneer jy bolplante opdeel en herplant, moet jy eers seker maak die plant is dormant of klaar geblom, sodat die bolle nie onnodige stres kry nie. Grawe dan die bolle versigtig op om te voorkom dat wortels skeur, en skei die bolle versigtig sodat elkeen ’n gesonde wortelbasis het.

Verwyder enige vrot of sagte dele en plant die bolle op dieselfde diepte as voorheen in goed dreinerende grond. Gooi goed nat net na die oorplanting om hulle te laat vestig. Hou ook in gedagte dat sommige bolplante verkies om vir ’n paar jaar te groei en elke vier of vyf jaar opgebreek te word, so kies die regte tyd en doen dit net wanneer die plant duidelik oorvol raak.

Mens kan Beenmeel of Tuinfosfate van Protek in die grond in werk as voeding, en onmiddelik met 'n Guanoflo (ook van Protek) oplossing voer sodra die eerste groei wys.

18/07/2026

JJ sê: Wanneer jy plante in potte oor plant, is die regte pot en die regte grondmengsel die belangrikste. Kies ’n pot wat monstens 10% groter is as die huidige een, met groot genoeg dreineringsg*te. Haal die plant versigtig uit sy pot, draai die pot op sy sy en tik liggies teen die kante as dit nodig is wanneer die wortels dalk vas sit. Indien die wortels baie dig is, kan jy dit effens losmaak met jou vingers of 'n klein tuin vurkie.

Sit ’n laag vars pot grond, gemeng met die regte hoeveelheid 2:3:2 van Protek onder in, plaas die plant in die middel van die pot en vul die res rondom die pot op sonder om dit te styf vas te druk en die wortels te beskadig. Water deeglik totdat die water uit die dreineringsg*te loop en laat die plant vir ’n paar dae in ’n plek staan waar dit nie te veel son of wind kry nie totdat dit gevestig is.

18/07/2026

JJ sê: Die sleutel tot sukses as die met die verplanting van plante kom in die tuin, is voorbereiding van die nuwe plantplek en versigtige hantering van die wortels die belangrikste. Begin deur die nuwe g*t effens groter te grawe as die plant se huidige wortelbal, meng kompos of organiese materiaal in om die grond los en voedsaam te maak.

Water die plant ’n uur of twee voor jy dit uithaal, dit help dat die wortels saam bind en minder stres ervaar. Gebruik ’n graaf om die wortels in 'n sirkel rondom die plant af te steek en lig dit op met soveel moontlik wortels in plek. Plaas die plant op dieselfde diepte as voorheen, vul die organies en beenmeel van Protek verrykte grond terug en druk dit vas om oortollige lugholtes te verwyder.

Maak diep nat ná oorplanting en hou die plant vir ’n week of twee dop vir enige tekens van verwelking. Gooi gereeld nat daarna, maar moet ook nie die plant verdrink nie.

11/07/2026

JJ sê: Die Aloe marlothii, ook bekend as die Berg alwyn, is ’n indrukwekkende Suid-Afrikaanse inheemse alwyn wat hierdie week die perfekte Plant van die Week maak.

Met sy massiewe, standbeeldagtige vorm, breë blare vol karaktervolle dorings en sy reuse warm oranje tot rooi blomstele wat in die winter hoog bo die plant uitstyg, is dit een van die mees ikoniese alwyne van die bosveld.

Aloe marlothii is uiters droogtebestand, lok bye en suikerbekkies met sy oorvloedige nektar en bring ’n dramatiese, argitektoniese element na enige tuin. Dit groei die beste in vol son, in goed dreinerende grond en natuurlik in warm, droeë toestande, ’n ware kampioen vir waterwys tuine en ’n pragtige manier om ’n stukkie wilde natuur in jou tuin te geniet

𝐍𝐨𝐮 𝐛𝐞𝐬𝐤𝐢𝐤𝐛𝐚𝐚𝐫 𝐛𝐲 𝐨𝐟 𝐣𝐨𝐮 𝐧𝐚𝐚𝐬𝐭𝐞 𝐤𝐰𝐞𝐤𝐞𝐫𝐲!

11/07/2026

JJ sê: Wanneer jy minder algemene vrugtebome soos granate, vye, koejawels, treurmoerbeie en swartbessies snoei, moet jy onthou dat elkeen anders groei en op verskillende tipes hout vrugte dra:

✅ Granate verkies ligte snoei in laat winter omdat hulle op nuwe groei dra.
✅ Vye moet in laat winter net genoeg teruggesnoei word om ’n oop middel en sterk vrugtakke te behou.
✅ Koejawels dra op jong hout en reageer goed op jaarlikse terugknip om nuwe groei te stimuleer.
✅ Treurmoerbeie word hoofsaaklik vir vorm gesnoei in winter om hul kenmerkende waterval-effek te behou.
✅ Swartbessies dra op tweejarige lote, wat beteken dat jy ná die oes die ou vruglote heeltemal moet verwyder en die nuwe lote vir die volgende seisoen moet opbind.

Oor die algemeen beteken dit dat laat winter die veiligste snoeityd is, dat ’n oop boom met goeie lig en lugvloei minder siektes kry en dat dooie, swak of kruisende hout altyd verwyder moet word om gesonde groei en beter vrugvorming te bevorder.

Natuurlik sal mens nou in die winter met algemene 2:3:2 of Guano Pellets van Protek voer vir sterk nuwe lente groei.